ತೃಪ್ತಿ, ಸಂತೋಷದ ಮಾರ್ಗ ತೋರಿಸಿದ ಭಾರತ: ಮೋಹನ್ ಭಾಗವತ್

ಶುಕ್ರವಾರ ಇಲ್ಲಿ ನಡೆದ ಮೂರನೇ ಹಿಂದೂ ಕಾಂಗ್ರೆಸ್‌ ಅಧಿವೇಶನವನ್ನು ಉದ್ಘಾಟಿಸಿ ಮಾತನಾಡಿದ ಅವರು ‘ಪ್ರಪಂಚದಾದ್ಯಂತ ಇರುವ ಹಿಂದೂಗಳು ಪರಸ್ಪರ ಸಂಪರ್ಕದಿಂದಿರಬೇಕು‘ ಎಂದರು.

’ಪ್ರತಿಯೊಬ್ಬ ಹಿಂದೂವಿನ ಜೊತೆಗೆ ಸಂಪರ್ಕ ಸಾಧಿಸಬೇಕು. ಈ ಸಂಪರ್ಕವನ್ನು ಬಲಪಡಿಸುವ ಕಾರ್ಯ ನಿರಂತರವಾಗಿ ನಡೆಯಬೇಕು. ಈ ಮೂಲಕ ಜಗತ್ತಿನಲ್ಲಿರುವ ಪ್ರತಿಯೊಬ್ಬರ ಜತೆ ಸಂಪರ್ಕ ಸಾಧಿಸಿ ಎಲ್ಲರ ಹೃದಯ ಗೆಲ್ಲಬೇಕು’ ಎಂದು ಅವರು ವಿಶ್ವದ ವಿವಿಧೆಡೆಯ ಚಿಂತಕರು, ಹೋರಾಟಗಾರರು, ನಾಯಕರು ಮತ್ತು ಉದ್ಯಮಿಗಳ ಸಭೆಯನ್ನುದ್ದೇಶಿಸಿ ಹೇಳಿದರು.

‘ಎಲ್ಲರನ್ನೂ ನಾವು ಸಂಪರ್ಕಿಸಬೇಕು. ಸೇವೆಯಿಂದಲೇ ನಮ್ಮೊಟ್ಟಿಗೆ ಕರೆದೊಯ್ಯಬೇಕು. ನಮ್ಮೊಳಗೆ ಆ ಶಕ್ತಿಯಿದೆ. ನಿಸ್ವಾರ್ಥ ಸೇವೆಯ ವಿಷಯದಲ್ಲಿ ಪ್ರಪಂಚದಲ್ಲೇ ಛಾಪು ಮೂಡಿಸಿದ್ದೇವೆ. ಇದು ನಮ್ಮ ಸಂಪ್ರದಾಯ, ಮೌಲ್ಯಗಳಲ್ಲೂ ಇದೆ. ಆದ್ದರಿಂದಲೇ ಜನರನ್ನು ತಲುಪಿ, ಅವರ ಹೃದಯ ಬಿಟ್ಟು ಬೇರೆ ಇನ್ನೇನನ್ನು ಗೆಲ್ಲಲ್ಲ’ ಎಂದರು.

‘ಭಾರತವು ಸಂತೋಷ ಮತ್ತು ತೃಪ್ತಿಗೆ ದಾರಿ ಮಾಡಿಕೊಡುತ್ತಿದೆ ಎಂಬುದನ್ನು ಕೋವಿಡ್‌ ಸಾಂಕ್ರಾಮಿಕದ ನಂತರ ಅರಿತಿರುವ ಜಗತ್ತು, ಇದೀಗ ಅವಿರೋಧವಾಗಿ ಈ ಬಗ್ಗೆಯೇ ಯೋಚಿಸುತ್ತಿದ್ದು, ಹಿಂದೂ ಧರ್ಮದ ಕಡೆಗೆ ತಿರುಗುತ್ತಿದೆ’ ಎಂದರು.