ನಾರ್ತ್ ಬ್ರಾಡ್ವೇ ನಲ್ಲಿ ಹೋಗುತ್ತಿದ್ದಾಗ ಕಂಠಪೂರ್ತಿ ಕುಡಿದಿದ್ದ ಅಮನದೀಪ್ ಎದುರಿಗೆ ಬರುತ್ತಿದ್ದ ಸೆಡಾನ್ ಕಾರಿಗೆ ಭೀಕರವಾಗಿ ಡಿಕ್ಕಿ ಹೊಡೆಸಿದ್ದಾನೆ. ಇದರಿಂದ ಕಾರಿನಲ್ಲಿದ್ದ 14 ವರ್ಷ ವಯಸ್ಸಿನ ಡ್ರೇವ್, ಇಥನ್ ಎಂಬ ಇಬ್ಬರು ಬಾಲಕರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಇನ್ನಿಬ್ಬರು ಯುವಕರು ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆ ಸೇರಿದ್ದಾರೆ.
ಘಟನೆ ಬಗ್ಗೆ ಆಘಾತ ವ್ಯಕ್ತಪಡಿಸಿರುವ ಪೊಲೀಸ್ ಅಧಿಕಾರಿ ಸ್ಟೀಪನ್ ಫಿಜ್ಫ್ಯಾಟ್ರಿಕ್ ನಾನು ನನ್ನ ವೃತ್ತಿ ಜೀವನದಲ್ಲಿ ನೋಡಿರುವ ಭೀಕರ ದುರಂತ ಇದು ಎಂದು ಹೇಳಿದ್ದಾರೆ.
ನ್ಯೂಯಾರ್ಕ್ನಲ್ಲಿ ಸರಕು ಸಾಗಣೆ ವಾಹನದ ಚಾಲಕನಾಗಿರುವ ಆರೋಪಿ ಅಮನದೀಪ್ ಈ ಅಪಘಾತ ಮಾಡುವ ಮುನ್ನ ಇನ್ನೊಂದು ವಾಹನಕ್ಕೆ ಡಿಕ್ಕಿ ಮಾಡಿದ್ದ. ಆ ಕಾರಿನಲ್ಲಿದ್ದ ಇಬ್ಬರು ಮಹಿಳೆಯರು ಸಣ್ಣಪುಟ್ಟ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಆತನನ್ನು ವೈದ್ಯಕೀಯ ತಪಾಸಣೆ ಮಾಡಿದಾಗ ವಿಪರೀತ ಮದ್ಯ ಸೇವಿಸಿದ್ದ ಎಂದು ಅವರು ತಿಳಿಸಿದ್ದಾರೆ.