ಯಾವುಂದೆ, ಕ್ಯಾಮರೂನ್: ಹನ್ನೊಂದು ಜನರಿದ್ದ ಖಾಸಗಿ ವಿಮಾನವೊಂದು ಕ್ಯಾಮರೂನ್‌ನ ಅರಣ್ಯ ಪ್ರದೇಶದಲ್ಲಿ ಪತನಗೊಂಡಿದ್ದು, ಅದರಲ್ಲಿದ್ದ ಎಲ್ಲರೂ ಮೃತಪಟ್ಟಿದ್ದಾರೆ ಎಂದು ಮಾಧ್ಯಮಗಳು ಗುರುವಾರ ವರದಿ ಮಾಡಿವೆ.
ನೆರೆಯ ಚಾಡ್‌ನಲ್ಲಿ ಹೈಡ್ರೊಕಾರ್ಬನ್‌ ಪೈಪ್‌ಲೈನ್‌ನ ನಿರ್ವಹಣೆ ಮಾಡುತ್ತಿರುವ ಕ್ಯಾಮರೂನ್ ಆಯಿಲ್‌ ಟ್ರಾನ್ಸ್‌ಪೋರ್ಟೇಷನ್‌ ಕಂಪನಿಯು ಈ ವಿಮಾನವನ್ನು ಬಾಡಿಗೆಗೆ ಪಡೆದಿತ್ತು.
ವಿಮಾನವು ಯಾವುಂದೆಯ ಎನ್‌ಸಿಮಾಲೆನ್ ವಿಮಾನ ನಿಲ್ದಾಣದಿಂದ ದೇಶದ ಪೂರ್ವದಲ್ಲಿರುವ ಬೆಲಾಬೊಗೆ ತೆರಳುತ್ತಿದ್ದಾಗ ಪತನಗೊಂಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
