<p><strong>ನ್ಯೂಯಾರ್ಕ್: </strong>ಪ್ರಾಣಿಯಿಂದ ಮನುಷ್ಯನಿಗೆ, ಮನುಷ್ಯನಿಂದ ಪ್ರಾಣಿಗೆ ಕೊರೊನಾ ಸೋಂಕು ಹರಡುತ್ತದೆಯೇ ಎಂಬುದು ಸಂಶೋಧನೆ, ಅಧ್ಯಯನದ ಹಂತದಲ್ಲಿರುವಾಗಲೇ, ಅಮೆರಿಕದಲ್ಲಿ ಕೊರೊನಾ ಸೋಂಕು ದೃಢಪಟ್ಟ ಸಾಕು ನಾಯಿಯೊಂದು ಸಾವಿಗೀಡಾಗಿರುವುದಾಗಿ ವರದಿಯೊಂದು ತಿಳಿಸಿದೆ.</p>.<p>ಜರ್ಮನ್ ಶೆಫರ್ಡ್ ತಳಿಯ ‘ಬಡ್ಡಿ'ಎಂಬ ಸಾಕು ನಾಯಿ ಸಾವಿಗೀಡಾಗಿದೆ. ಈ ನಾಯಿಗೆ ಜೂನ್ ತಿಂಗಳಲ್ಲಿ ಕೊರೊನಾ ಸೋಂಕು ತಗುಲಿರುವುದಾಗಿ ಅಮೆರಿಕದ ಕೃಷಿ ಇಲಾಖೆಯ ರಾಷ್ಟ್ರೀಯ ಪಶು ಸೇವೆಗಳ ಪ್ರಯೋಗಾಲಯ ದೃಢಪಡಿಸಿತ್ತು.</p>.<p>ತಿಂಗಳುಗಳ ಹಿಂದೆ ‘ಬಡ್ಡಿ'ಯ ಮಾಲೀಕ ರಾಬರ್ಟ್ ಮೊಹೊನೇಯ್ ಅವರಿಗೆ ಕೊರೊನಾ ಸೋಂಕು ದೃಢಪಟ್ಟಿತ್ತು. ನಂತರ ಅವರ ಮನೆಯಲ್ಲಿದ್ದ ಈ ಬಡ್ಡಿಗೆ ಏಪ್ರಿಲ್ ಮಧ್ಯಭಾಗದಲ್ಲಿ ತೀವ್ರ ಉಸಿರಾಟದ ಸಮಸ್ಯೆಯಂತಹ ಕೊರೊನಾ ಸೋಂಕಿನ ಲಕ್ಷಣಗಳು ಕಾಣಿಸಿಕೊಂಡವು. ಜುಲೈ ತಿಂಗಳ ಹೊತ್ತಿಗೆ ನಾಯಿಯ ಆರೋಗ್ಯದಲ್ಲಿ ತೀವ್ರ ಏರುಪೇರಾಗಿತ್ತು ಎಂದು ಪ್ರಯೋಗಾಲಯದ ವರದಿಗಳು ತಿಳಿಸಿವೆ.</p>.<p>ಆದರೆ, ನಾಯಿಯ ಸಾವಿಗೆ ಕೊರೊನಾ ಸೋಂಕು ಕಾರಣ ಎಂದು ಖಚಿತವಾಗಿ ಹೇಳಲಾಗುತ್ತಿಲ್ಲ. ಏಕೆಂದರೆ ಈ ಪ್ರಾಣಿಯ ರಕ್ತಪರೀಕ್ಷೆ ವರದಿಯಲ್ಲಿ ನಾಯಿಗೆ ಲಿಂಫೋಮಿಯಾ, ಕ್ಯಾನ್ಸರ್ ರೋಗವಿರುವುದಾಗಿಯೂ ಉಲ್ಲೇಖವಾಗಿತ್ತು.</p>.<p>ಯುಎಸ್ಡಿಎ ಪ್ರಕಾರ ಪ್ರಾಣಿಗಳಿಂದ ಮನುಷ್ಯನಿಗೆ ಕೊರೊನಾ ಸೋಂಕು ಹರಡಿರುವ ಉದಾಹರಣೆಗಳಿಲ್ಲ. ಆದರೆ, ಕೆಲವು ಸಂದರ್ಭಗಳಲ್ಲಿ ಮನುಷ್ಯನಿಂದ ಪ್ರಾಣಿಗೆ ಸೋಂಕು ತಗುಲಿರುವುದಕ್ಕೆ ಆಧಾರಗಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್: </strong>ಪ್ರಾಣಿಯಿಂದ ಮನುಷ್ಯನಿಗೆ, ಮನುಷ್ಯನಿಂದ ಪ್ರಾಣಿಗೆ ಕೊರೊನಾ ಸೋಂಕು ಹರಡುತ್ತದೆಯೇ ಎಂಬುದು ಸಂಶೋಧನೆ, ಅಧ್ಯಯನದ ಹಂತದಲ್ಲಿರುವಾಗಲೇ, ಅಮೆರಿಕದಲ್ಲಿ ಕೊರೊನಾ ಸೋಂಕು ದೃಢಪಟ್ಟ ಸಾಕು ನಾಯಿಯೊಂದು ಸಾವಿಗೀಡಾಗಿರುವುದಾಗಿ ವರದಿಯೊಂದು ತಿಳಿಸಿದೆ.</p>.<p>ಜರ್ಮನ್ ಶೆಫರ್ಡ್ ತಳಿಯ ‘ಬಡ್ಡಿ'ಎಂಬ ಸಾಕು ನಾಯಿ ಸಾವಿಗೀಡಾಗಿದೆ. ಈ ನಾಯಿಗೆ ಜೂನ್ ತಿಂಗಳಲ್ಲಿ ಕೊರೊನಾ ಸೋಂಕು ತಗುಲಿರುವುದಾಗಿ ಅಮೆರಿಕದ ಕೃಷಿ ಇಲಾಖೆಯ ರಾಷ್ಟ್ರೀಯ ಪಶು ಸೇವೆಗಳ ಪ್ರಯೋಗಾಲಯ ದೃಢಪಡಿಸಿತ್ತು.</p>.<p>ತಿಂಗಳುಗಳ ಹಿಂದೆ ‘ಬಡ್ಡಿ'ಯ ಮಾಲೀಕ ರಾಬರ್ಟ್ ಮೊಹೊನೇಯ್ ಅವರಿಗೆ ಕೊರೊನಾ ಸೋಂಕು ದೃಢಪಟ್ಟಿತ್ತು. ನಂತರ ಅವರ ಮನೆಯಲ್ಲಿದ್ದ ಈ ಬಡ್ಡಿಗೆ ಏಪ್ರಿಲ್ ಮಧ್ಯಭಾಗದಲ್ಲಿ ತೀವ್ರ ಉಸಿರಾಟದ ಸಮಸ್ಯೆಯಂತಹ ಕೊರೊನಾ ಸೋಂಕಿನ ಲಕ್ಷಣಗಳು ಕಾಣಿಸಿಕೊಂಡವು. ಜುಲೈ ತಿಂಗಳ ಹೊತ್ತಿಗೆ ನಾಯಿಯ ಆರೋಗ್ಯದಲ್ಲಿ ತೀವ್ರ ಏರುಪೇರಾಗಿತ್ತು ಎಂದು ಪ್ರಯೋಗಾಲಯದ ವರದಿಗಳು ತಿಳಿಸಿವೆ.</p>.<p>ಆದರೆ, ನಾಯಿಯ ಸಾವಿಗೆ ಕೊರೊನಾ ಸೋಂಕು ಕಾರಣ ಎಂದು ಖಚಿತವಾಗಿ ಹೇಳಲಾಗುತ್ತಿಲ್ಲ. ಏಕೆಂದರೆ ಈ ಪ್ರಾಣಿಯ ರಕ್ತಪರೀಕ್ಷೆ ವರದಿಯಲ್ಲಿ ನಾಯಿಗೆ ಲಿಂಫೋಮಿಯಾ, ಕ್ಯಾನ್ಸರ್ ರೋಗವಿರುವುದಾಗಿಯೂ ಉಲ್ಲೇಖವಾಗಿತ್ತು.</p>.<p>ಯುಎಸ್ಡಿಎ ಪ್ರಕಾರ ಪ್ರಾಣಿಗಳಿಂದ ಮನುಷ್ಯನಿಗೆ ಕೊರೊನಾ ಸೋಂಕು ಹರಡಿರುವ ಉದಾಹರಣೆಗಳಿಲ್ಲ. ಆದರೆ, ಕೆಲವು ಸಂದರ್ಭಗಳಲ್ಲಿ ಮನುಷ್ಯನಿಂದ ಪ್ರಾಣಿಗೆ ಸೋಂಕು ತಗುಲಿರುವುದಕ್ಕೆ ಆಧಾರಗಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
