ಲಂಡನ್: ಆಗ್ನೇಯ ಇಂಗ್ಲೆಂಡ್ನ ಮಿಲ್ಟನ್ ಕೇನ್ಸ್ ಪ್ರದೇಶದಲ್ಲಿ ತನ್ನ ಪತ್ನಿಯನ್ನು ಚಾಕುವಿನಿಂದ ಇರಿದು ಕೊಂದ ಆರೋಪದಲ್ಲಿ ಭಾರತೀಯ ಮೂಲದ ವ್ಯಕ್ತಿಯೊಬ್ಬನಿಗೆ ಇಂಗ್ಲೆಂಡ್ ನ್ಯಾಯಾಲಯ ಜೀವಾವಧಿ ಶಿಕ್ಷೆ ವಿಧಿಸಿದೆ.
ಈ ವರ್ಷದ ಜನವರಿಯಲ್ಲಿ 43 ವರ್ಷದ ರಂಜಿತ್ ಗಿಲ್ ಕೊಲೆಗೆ ಸಂಬಂಧಿಸಿದಂತೆ ಪತಿ ಅನಿಲ್ ಗಿಲ್ (47) ಎಂಬಾತನನ್ನು ಥೇಮ್ಸ್ ವಾಲಿ ಪೊಲೀಸರು ಬಂಧಿಸಿದ್ದರು.
ಫೆಬ್ರವರಿಯಲ್ಲಿ ಅನಿಲ್ ಗಿಲ್ ಅವರ ಮೇಲೆ ಕೊಲೆಯ ಆರೋಪ ಹೊರಿಸಲಾಯಿತು. ಶುಕ್ರವಾರ ಲುಟೊನ್ ಕ್ರೌನ್ ನ್ಯಾಯಾಲಯವು ಜೀವಾವಧಿ ಶಿಕ್ಷೆ ಪ್ರಕಟಿಸಿದೆ. ಆರೋಪಿಯು ಪೆರೋಲ್ಗೆ ಅರ್ಹತೆ ಪಡೆಯಲು ಕನಿಷ್ಠ 22 ವರ್ಷ ಜೈಲಿನಲ್ಲಿ ಕಳೆಯಬೇಕಿದೆ.