<p><strong>ಕಠ್ಮಂಡು</strong>: ನೇಪಾಳದ ಪ್ರಧಾನಿ ಪುಷ್ಪ ಕಮಲ್ ದಹಾಲ್ ಪ್ರಚಂಡ ಮಾರ್ಚ್ 13ರಂದು ತಮ್ಮ ಮೂರನೇ ವಿಶ್ವಾಸಮತ ಯಾಚನೆ ಮಾಡಲು ಉದ್ದೇಶಿಸಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.</p><p>ನೇಪಾಳ ಕಾಂಗ್ರೆಸ್ ಜೊತೆಗಿನ ಸಖ್ಯ ತೊರೆದು ಮಾಜಿ ಪ್ರಧಾನಿ ಕೆ.ಪಿ. ಶರ್ಮಾ ಒಲಿ ನೇತೃತ್ವದ ಕಮ್ಯುನಿಸ್ಟ್ ಪಾರ್ಟಿ ಆಫ್ ನೇಪಾಳ(ಏಕೀಕೃತ ಮಾಕ್ಸ್–ಲೆನಿನ್ವಾದಿಗಳು) ಪಕ್ಷದ ಜೊತೆ ಹೊಸ ಮೈತ್ರಿ ಕುದುರಿಸಿದ ಬಳಿಕ ವಿಶ್ವಾಸಮತ ಯಾಚನೆಗೆ ಪ್ರಚಂಡ ಮುಂದಾಗಿದ್ದಾರೆ.</p><p>ಶನಿವಾರ ನಡೆದ ಸಂಸದೀಯ ಪಕ್ಷದ ಸಭೆಯಲ್ಲಿ ಪ್ರಧಾನಿ, ಈ ವಿಷಯವನ್ನು ಕಮ್ಯುನಿಸ್ಟ್ ಮುಖಂಡರ ಜೊತೆ ಚರ್ಚಿಸಿದ್ದಾರೆ. ಮಾರ್ಚ್ 13ರಂದು ಬಹುಮತ ಸಾಬೀತುಪಡಿಸಲು ಸಿದ್ಧವಾಗುವಂತೆ ಸೂಚಿಸಿದ್ದಾರೆ ಎಂದು ವರದಿಯಾಗಿದೆ. ಈ ಸಂಬಂಧ, ಸಿಪಿಎನ್ ಪಕ್ಷದ ಸಂಸದರಿಗೆ ವಿಪ್ ಸಹ ಜಾರಿಯಾಗಿದೆ.</p><p>ಪ್ರಚಂಡ ಅವರ ಪಕ್ಷವೂ ಸಹ ಅಂದು ಸದನದಲ್ಲಿ ಹಾಜರಿರುವಂತೆ ತಮ್ಮ ಸಂಸದರಿಗೆ ಸೂಚಿಸಿದೆ. 275 ಸದಸ್ಯ ಬಲದ ಸಂಸತ್ತಿನಲ್ಲಿ ಆಡಳಿತಾರೂಢ ಮೈತ್ರಿಕೂಟವು ಬಹುಮತ ಹೊಂದಿದೆ ಎಂದು ವರದಿ ತಿಳಿಸಿದೆ.</p><p>ನೇಪಾಳದ ಸಂಸತ್ತಿನ ಮೇಲ್ಮನೆಯ ಅಧ್ಯಕ್ಷರ ಆಯ್ಕೆಗೆ ಮಾರ್ಚ್ 12ರಂದು ಚುನಾವಣೆ ನಿಗದಿಯಾಗಿದೆ.</p><p>2022ರ ಡಿಸೆಂಬರ್ 25ರಂದು ನೇಪಾಳ ಕಾಂಗ್ರೆಸ್ ಬೆಂಬಲದೊಂದಿಗೆ ಪ್ರಚಂಡ 3ನೇ ಬಾರಿಗೆ ಪ್ರಧಾನಿಯಾಗಿ ಆಯ್ಕೆಯಾಗಿದ್ದರು.</p><p>ಇತ್ತೀಚೆಗೆ, ಪ್ರಜಾಪ್ರತಿನಿಧಿ ಸಭೆಯ ಬಹುದೊಡ್ಡ ಪಕ್ಷ ನೇಪಾಳ ಕಾಂಗ್ರೆಸ್ ಜೊತೆ ಮೈತ್ರಿ ಕಡಿದುಕೊಂಡ ಪ್ರಚಂಡ, ಒಲಿ ಜೊತೆ ಕೈಜೋಡಿಸಿದ್ದಾರೆ.</p><p>ಅಧ್ಯಕ್ಷ ಸ್ಥಾನಕ್ಕೆ ವಿಪಕ್ಷದ ಪ್ರಮುಖ ನಾಯಕನಿಗೆ ಬೆಂಬಲ ನೀಡುವ ಸಂಬಂಧ ಭಿನ್ನಮತ ಉಂಟಾಗಿದ್ದರಿಂದ ಕಳೆದ ವರ್ಷ ಕಮ್ಯುನಿಸ್ಟ್ ಪಕ್ಷವು ಪ್ರಚಂಡ ಅವರಿಗೆ ನೀಡಿದ್ದ ಬೆಂಬಲ ಹಿಂಪಡೆದಿತ್ತು. ಆಗ, ಪ್ರಧಾನಿ ಪ್ರಚಂಡ ವಿಶ್ವಾಸಮತ ಯಾಚಿಸಿದ್ದರು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಠ್ಮಂಡು</strong>: ನೇಪಾಳದ ಪ್ರಧಾನಿ ಪುಷ್ಪ ಕಮಲ್ ದಹಾಲ್ ಪ್ರಚಂಡ ಮಾರ್ಚ್ 13ರಂದು ತಮ್ಮ ಮೂರನೇ ವಿಶ್ವಾಸಮತ ಯಾಚನೆ ಮಾಡಲು ಉದ್ದೇಶಿಸಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.</p><p>ನೇಪಾಳ ಕಾಂಗ್ರೆಸ್ ಜೊತೆಗಿನ ಸಖ್ಯ ತೊರೆದು ಮಾಜಿ ಪ್ರಧಾನಿ ಕೆ.ಪಿ. ಶರ್ಮಾ ಒಲಿ ನೇತೃತ್ವದ ಕಮ್ಯುನಿಸ್ಟ್ ಪಾರ್ಟಿ ಆಫ್ ನೇಪಾಳ(ಏಕೀಕೃತ ಮಾಕ್ಸ್–ಲೆನಿನ್ವಾದಿಗಳು) ಪಕ್ಷದ ಜೊತೆ ಹೊಸ ಮೈತ್ರಿ ಕುದುರಿಸಿದ ಬಳಿಕ ವಿಶ್ವಾಸಮತ ಯಾಚನೆಗೆ ಪ್ರಚಂಡ ಮುಂದಾಗಿದ್ದಾರೆ.</p><p>ಶನಿವಾರ ನಡೆದ ಸಂಸದೀಯ ಪಕ್ಷದ ಸಭೆಯಲ್ಲಿ ಪ್ರಧಾನಿ, ಈ ವಿಷಯವನ್ನು ಕಮ್ಯುನಿಸ್ಟ್ ಮುಖಂಡರ ಜೊತೆ ಚರ್ಚಿಸಿದ್ದಾರೆ. ಮಾರ್ಚ್ 13ರಂದು ಬಹುಮತ ಸಾಬೀತುಪಡಿಸಲು ಸಿದ್ಧವಾಗುವಂತೆ ಸೂಚಿಸಿದ್ದಾರೆ ಎಂದು ವರದಿಯಾಗಿದೆ. ಈ ಸಂಬಂಧ, ಸಿಪಿಎನ್ ಪಕ್ಷದ ಸಂಸದರಿಗೆ ವಿಪ್ ಸಹ ಜಾರಿಯಾಗಿದೆ.</p><p>ಪ್ರಚಂಡ ಅವರ ಪಕ್ಷವೂ ಸಹ ಅಂದು ಸದನದಲ್ಲಿ ಹಾಜರಿರುವಂತೆ ತಮ್ಮ ಸಂಸದರಿಗೆ ಸೂಚಿಸಿದೆ. 275 ಸದಸ್ಯ ಬಲದ ಸಂಸತ್ತಿನಲ್ಲಿ ಆಡಳಿತಾರೂಢ ಮೈತ್ರಿಕೂಟವು ಬಹುಮತ ಹೊಂದಿದೆ ಎಂದು ವರದಿ ತಿಳಿಸಿದೆ.</p><p>ನೇಪಾಳದ ಸಂಸತ್ತಿನ ಮೇಲ್ಮನೆಯ ಅಧ್ಯಕ್ಷರ ಆಯ್ಕೆಗೆ ಮಾರ್ಚ್ 12ರಂದು ಚುನಾವಣೆ ನಿಗದಿಯಾಗಿದೆ.</p><p>2022ರ ಡಿಸೆಂಬರ್ 25ರಂದು ನೇಪಾಳ ಕಾಂಗ್ರೆಸ್ ಬೆಂಬಲದೊಂದಿಗೆ ಪ್ರಚಂಡ 3ನೇ ಬಾರಿಗೆ ಪ್ರಧಾನಿಯಾಗಿ ಆಯ್ಕೆಯಾಗಿದ್ದರು.</p><p>ಇತ್ತೀಚೆಗೆ, ಪ್ರಜಾಪ್ರತಿನಿಧಿ ಸಭೆಯ ಬಹುದೊಡ್ಡ ಪಕ್ಷ ನೇಪಾಳ ಕಾಂಗ್ರೆಸ್ ಜೊತೆ ಮೈತ್ರಿ ಕಡಿದುಕೊಂಡ ಪ್ರಚಂಡ, ಒಲಿ ಜೊತೆ ಕೈಜೋಡಿಸಿದ್ದಾರೆ.</p><p>ಅಧ್ಯಕ್ಷ ಸ್ಥಾನಕ್ಕೆ ವಿಪಕ್ಷದ ಪ್ರಮುಖ ನಾಯಕನಿಗೆ ಬೆಂಬಲ ನೀಡುವ ಸಂಬಂಧ ಭಿನ್ನಮತ ಉಂಟಾಗಿದ್ದರಿಂದ ಕಳೆದ ವರ್ಷ ಕಮ್ಯುನಿಸ್ಟ್ ಪಕ್ಷವು ಪ್ರಚಂಡ ಅವರಿಗೆ ನೀಡಿದ್ದ ಬೆಂಬಲ ಹಿಂಪಡೆದಿತ್ತು. ಆಗ, ಪ್ರಧಾನಿ ಪ್ರಚಂಡ ವಿಶ್ವಾಸಮತ ಯಾಚಿಸಿದ್ದರು.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
