ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಅಧಿಕಾರವನ್ನು ಉಳಿಸಿಕೊಳ್ಳಲು ನೆರವು ಕೋರಿ ಪಾಕಿಸ್ತಾನ ತೆಹ್ರೀಕ್ – ಎ–ಇನ್ಸಾಫ್ (ಪಿಟಿಐ) ಮುಖ್ಯಸ್ಥ ಇಮ್ರಾನ್ ಖಾನ್ ಅವರ ಸಹಾಯಕರೊಬ್ಬರು ಅಮೆರಿಕಕ್ಕೆ ಪತ್ರ ಬರೆದಿದ್ದರು. ಆದರೆ, ತಮ್ಮನ್ನು ಪ್ರಧಾನಿ ಹುದ್ದೆಯಿಂದ ಕೆಳಗಿಳಿಸಲು ಅಮೆರಿಕದ ರಾಜತಾಂತ್ರಿಕರೊಬ್ಬರು ಪಿತೂರಿ ನಡೆಸಿದ್ದರು ಎಂದು ಇಮ್ರಾನ್ಖಾನ್ ನಂತರ ಆರೋಪಿಸಿದ್ದರು. ಇದು ಅವರ ನಿಗೂಢ ರಾಜಕೀಯ ಪಯಣವನ್ನು ತೋರಿಸುತ್ತದೆ’ ಎಂದು ವಾಗ್ದಾಳಿ ನಡೆಸಿದ್ದಾರೆ.