ಮಾ ಸೈ: 12 ಬಾಲಕರು ಹಾಗೂ ಅವರ ತರಬೇತುದಾರನನ್ನು ರಕ್ಷಿಸಲು ನಡೆಸಿದ ಅಪರೂಪದ ರಕ್ಷಣಾ ಕಾರ್ಯಾಚರಣೆಯ ನೆನಪಿಗಾಗಿ ಥಾಯ್ ಲುವಾಂಗ್ ಗುಹೆಯನ್ನು ವಸ್ತುಸಂಗ್ರಹಾಲಯವಾಗಿ ಪರಿವರ್ತಿಸಲು ನಿರ್ಧರಿಸಲಾಗಿದೆ.
ಕಾರ್ಯಾಚರಣೆಯಲ್ಲಿ ಬಳಸಿದ ಉಪಕರಣಗಳು, ದಿರಿಸುಗಳನ್ನು ಪ್ರದರ್ಶನಕ್ಕೆ ಇಲ್ಲಿ ಇಡಲಾಗುತ್ತದೆ. ‘ಥಾಯ್ಲೆಂಡ್ನ ಪ್ರಮುಖ ಆಕರ್ಷಣೆಗಳಲ್ಲಿ ಇದೂ ಒಂದಾಗಲಿದೆ. ಪ್ರವಾಸಿಗರು ಮುಂದೆ ಇಲ್ಲಿಗೂ ಭೇಟಿ ನೀಡಬಹುದು’ ಎಂದು ರಾಷ್ಟ್ರೀಯ ಉದ್ಯಾನವನದ ರೇಂಜರ್ ವಾಂಗ್ಮಾ ತಿಳಿಸಿದ್ದಾರೆ.