<p><strong>ಹೂಸ್ಟನ್</strong>: ಜನಪ್ರಿಯ ವಿಡಿಯೊ ಆ್ಯಪ್ ‘ಟಿಕ್ಟಾಕ್’ ಮೇಲಿನ ನಿಷೇಧವನ್ನು ಹಿಂಪಡೆಯುವುದಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಘೋಷಿಸಿದ್ದಾರೆ.</p><p>ಟ್ರಂಪ್ ಅವರ ಘೋಷಣೆಯ ಬೆನ್ನಲ್ಲೆ, ಟಿಕ್ಟಾಕ್ ಅಮೆರಿಕದಲ್ಲಿ ಸೇವೆಗಳನ್ನು ಮತ್ತೆ ಆರಂಭಿಸಿದೆ.</p><p>ರ್ಯಾಲಿಯೊಂದರಲ್ಲಿ ಮಾತನಾಡಿದ ಟ್ರಂಪ್, ಅಧಿಕಾರ ವಹಿಸಿಕೊಂಡ ಬಳಿಕ ಈ ಬಗ್ಗೆ ಆದೇಶ ಹೊರಡಿಸುವುದಾಗಿ ಭರವಸೆ ನೀಡಿದ್ದಾರೆ.</p><p>‘ನಾವು ಹಲವು ಮಂದಿಯ ಉದ್ಯೋಗಗಳನ್ನು ಉಳಿಸಬೇಕಿದೆ. ನಮ್ಮ ಉದ್ಯಮವು ಚೀನಾದ ಪಾಲಾಗುವುದು ನಮಗಿಷ್ಟವಿಲ್ಲ. ನಮ್ಮ ಉದ್ಯಮವನ್ನು ಬೇರೆ ಯಾರಿಗೋ ಬಿಟ್ಟುಕೊಡಲು ಇಷ್ಟಪಡುವುದಿಲ್ಲ’ ಎಂದಿದ್ದಾರೆ.</p><p>‘ಟಿಕ್ಟಾಕ್ ಸಂಸ್ಥೆಯು ಜಂಟಿ ಉದ್ಯಮವಾಗಿ ಮಾರ್ಪಾಡುಗೊಳ್ಳಬೇಕು. ಶೇ 50ರಷ್ಟು ಪಾಲನ್ನು ಸರ್ಕಾರಕ್ಕೆ ಬಿಟ್ಟುಕೊಡಬೇಕು’ ಎಂಬ ಷರತ್ತು ವಿಧಿಸಿದ್ದಾರೆ.</p><p>‘ಟಿಕ್ಟಾಕ್ ಮರಳಿ ಬಂದಿದೆ. ನಾನೂ ಈ ಹಿಂದೆ ಒಂದೆರಡು ಟಿಕ್ಟಾಕ್ ವಿಡಿಯೊಗಳನ್ನು ಮಾಡಿರುವುದು ನಿಮಗೆ ಗೊತ್ತಿದೆ. ಟಿಕ್ಟಾಕ್ನ ನೆರವಿನಿಂದ ನಮ್ಮ ಪಕ್ಷಕ್ಕೆ ಬಹುಪಾಲು ಯುವಕರ ಮತಗಳು ಬಂದಿವೆ. ಟಿಕ್ಟಾಕ್ ಅಂದ್ರೆ ನನಗಿಷ್ಟ’ ಎಂದು ಅವರು ಹೇಳಿದ್ದಾರೆ.</p><p>‘ನಾವು ಅಮೆರಿಕದಲ್ಲಿ ಸೇವೆಯನ್ನು ಪುನರಾರಂಭ ಮಾಡಲು ಟ್ರಂಪ್ ಅವರು ಭರವಸೆ ನೀಡಿದ್ದಾರೆ. ಈ ಬಗ್ಗೆ ತ್ವರಿತವಾಗಿ ಸ್ಪಷ್ಟನೆ ನೀಡಿದ್ದಕ್ಕಾಗಿ ಟ್ರಂಪ್ ಅವರಿಗೆ ಧನ್ಯವಾದ ತಿಳಿಸುತ್ತೇವೆ’ ಎಂದು ಟಿಕ್ಟಾಕ್ ಸಂಸ್ಥೆ ತಿಳಿಸಿದೆ.</p><p>ರಾಷ್ಟ್ರೀಯ ಭದ್ರತೆಗೆ ಟಿಕ್ಟಾಕ್ ಆ್ಯಪ್ ಧಕ್ಕೆಯುಂಟು ಮಾಡಲಿದೆ ಎಂದು ಭದ್ರತಾ ಸಂಸ್ಥೆಗಳು ವರದಿ ನೀಡಿದ್ದರಿಂದ, ಜೋ ಬೈಡನ್ ಸರ್ಕಾರವು ಟಿಕ್ಟಾಕ್ ಮೇಲೆ ನಿಷೇಧ ಹೇರುವ ತೀರ್ಮಾನ ತೆಗೆದುಕೊಂಡಿತ್ತು. ಹೀಗಾಗಿ, ಟಿಕ್ಟಾಕ್ ಅಮೆರಿಕದಲ್ಲಿ ಶನಿವಾರದಿಂದ ಸೇವೆ ಸ್ಥಗಿತಗೊಳಿಸಿತ್ತು.</p><p>ಅಮೆರಿಕದಲ್ಲಿ 17 ಕೋಟಿ ಜನರು ಟಿಕ್ಟಾಕ್ ಆ್ಯಪ್ ಬಳಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೂಸ್ಟನ್</strong>: ಜನಪ್ರಿಯ ವಿಡಿಯೊ ಆ್ಯಪ್ ‘ಟಿಕ್ಟಾಕ್’ ಮೇಲಿನ ನಿಷೇಧವನ್ನು ಹಿಂಪಡೆಯುವುದಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಘೋಷಿಸಿದ್ದಾರೆ.</p><p>ಟ್ರಂಪ್ ಅವರ ಘೋಷಣೆಯ ಬೆನ್ನಲ್ಲೆ, ಟಿಕ್ಟಾಕ್ ಅಮೆರಿಕದಲ್ಲಿ ಸೇವೆಗಳನ್ನು ಮತ್ತೆ ಆರಂಭಿಸಿದೆ.</p><p>ರ್ಯಾಲಿಯೊಂದರಲ್ಲಿ ಮಾತನಾಡಿದ ಟ್ರಂಪ್, ಅಧಿಕಾರ ವಹಿಸಿಕೊಂಡ ಬಳಿಕ ಈ ಬಗ್ಗೆ ಆದೇಶ ಹೊರಡಿಸುವುದಾಗಿ ಭರವಸೆ ನೀಡಿದ್ದಾರೆ.</p><p>‘ನಾವು ಹಲವು ಮಂದಿಯ ಉದ್ಯೋಗಗಳನ್ನು ಉಳಿಸಬೇಕಿದೆ. ನಮ್ಮ ಉದ್ಯಮವು ಚೀನಾದ ಪಾಲಾಗುವುದು ನಮಗಿಷ್ಟವಿಲ್ಲ. ನಮ್ಮ ಉದ್ಯಮವನ್ನು ಬೇರೆ ಯಾರಿಗೋ ಬಿಟ್ಟುಕೊಡಲು ಇಷ್ಟಪಡುವುದಿಲ್ಲ’ ಎಂದಿದ್ದಾರೆ.</p><p>‘ಟಿಕ್ಟಾಕ್ ಸಂಸ್ಥೆಯು ಜಂಟಿ ಉದ್ಯಮವಾಗಿ ಮಾರ್ಪಾಡುಗೊಳ್ಳಬೇಕು. ಶೇ 50ರಷ್ಟು ಪಾಲನ್ನು ಸರ್ಕಾರಕ್ಕೆ ಬಿಟ್ಟುಕೊಡಬೇಕು’ ಎಂಬ ಷರತ್ತು ವಿಧಿಸಿದ್ದಾರೆ.</p><p>‘ಟಿಕ್ಟಾಕ್ ಮರಳಿ ಬಂದಿದೆ. ನಾನೂ ಈ ಹಿಂದೆ ಒಂದೆರಡು ಟಿಕ್ಟಾಕ್ ವಿಡಿಯೊಗಳನ್ನು ಮಾಡಿರುವುದು ನಿಮಗೆ ಗೊತ್ತಿದೆ. ಟಿಕ್ಟಾಕ್ನ ನೆರವಿನಿಂದ ನಮ್ಮ ಪಕ್ಷಕ್ಕೆ ಬಹುಪಾಲು ಯುವಕರ ಮತಗಳು ಬಂದಿವೆ. ಟಿಕ್ಟಾಕ್ ಅಂದ್ರೆ ನನಗಿಷ್ಟ’ ಎಂದು ಅವರು ಹೇಳಿದ್ದಾರೆ.</p><p>‘ನಾವು ಅಮೆರಿಕದಲ್ಲಿ ಸೇವೆಯನ್ನು ಪುನರಾರಂಭ ಮಾಡಲು ಟ್ರಂಪ್ ಅವರು ಭರವಸೆ ನೀಡಿದ್ದಾರೆ. ಈ ಬಗ್ಗೆ ತ್ವರಿತವಾಗಿ ಸ್ಪಷ್ಟನೆ ನೀಡಿದ್ದಕ್ಕಾಗಿ ಟ್ರಂಪ್ ಅವರಿಗೆ ಧನ್ಯವಾದ ತಿಳಿಸುತ್ತೇವೆ’ ಎಂದು ಟಿಕ್ಟಾಕ್ ಸಂಸ್ಥೆ ತಿಳಿಸಿದೆ.</p><p>ರಾಷ್ಟ್ರೀಯ ಭದ್ರತೆಗೆ ಟಿಕ್ಟಾಕ್ ಆ್ಯಪ್ ಧಕ್ಕೆಯುಂಟು ಮಾಡಲಿದೆ ಎಂದು ಭದ್ರತಾ ಸಂಸ್ಥೆಗಳು ವರದಿ ನೀಡಿದ್ದರಿಂದ, ಜೋ ಬೈಡನ್ ಸರ್ಕಾರವು ಟಿಕ್ಟಾಕ್ ಮೇಲೆ ನಿಷೇಧ ಹೇರುವ ತೀರ್ಮಾನ ತೆಗೆದುಕೊಂಡಿತ್ತು. ಹೀಗಾಗಿ, ಟಿಕ್ಟಾಕ್ ಅಮೆರಿಕದಲ್ಲಿ ಶನಿವಾರದಿಂದ ಸೇವೆ ಸ್ಥಗಿತಗೊಳಿಸಿತ್ತು.</p><p>ಅಮೆರಿಕದಲ್ಲಿ 17 ಕೋಟಿ ಜನರು ಟಿಕ್ಟಾಕ್ ಆ್ಯಪ್ ಬಳಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
