ಇಸ್ರೇಲ್‌ನಿಂದ 34 ಸಾವಿರಕ್ಕೂ ಹೆಚ್ಚು ಪ್ಯಾಲೆಸ್ಟೀನಿಯನ್ನರ ಹತ್ಯೆ: ಗಾಜಾ

‘ಕಳೆದ 24 ಗಂಟೆಯಲ್ಲಿ ಇಸ್ರೇಲ್‌ ಸೇನೆ ನಡೆಸಿದ ದಾಳಿಯಿಂದಾಗಿ 47 ಮಂದಿ ಸಾವಿಗೀಡಾಗಿದ್ದಾರೆ‌ ಮತ್ತು 61 ಮಂದಿ ಗಾಯಗೊಂಡಿದ್ದಾರೆ’ ಎಂದೂ ಅದು ತಿಳಿಸಿದೆ.

‘ಸುಮಾರು 10 ಸಾವಿರ ಪ್ಯಾಲೆಸ್ಟೀನಿಯರ ಮೃತ ದೇಹಗಳು ದಾಳಿಗೊಳಗಾದ ಕಟ್ಟಡಗಳ ಅವಶೇಷಗಳಡಿ ಸಿಲುಕಿರಬಹುದು’ ಎಂದು ಗಾಜಾದ ನಾಗರಿಕ ತುರ್ತು ಸೇವಾ ಸಂಸ್ಥೆ ಅಂ‌ದಾಜಿಸಿದ್ದು, ‘ಆಸ್ಪತ್ರೆಯ ದಾಖ‌ಲಾತಿಗಳಲ್ಲಿ ದೊರೆತ ಸಾವಿನ ಸಂಖ್ಯೆಯನ್ನು ಮಾತ್ರ ಗಾಜಾ ಆರೋಗ್ಯ ಸಚಿವಾಲಯ ಪರಿಷ್ಕರಿಸಿ, ಮಾಹಿತಿ ನೀಡಿದೆ. ಇನ್ನೂ ಪತ್ತೆಯಾಗದ ಮೃತರ ಸಂಖ್ಯೆಯನ್ನು ಒಟ್ಟು ಸಾವಿನ ಸಂಖ್ಯೆಗೆ ಸೇರಿಸಿಲ್ಲ’ ಎಂದು ಹೇಳಿದೆ.‌

‘ಸಾಕಷ್ಟು ಉಪಕರಣಗಳು ಲಭ್ಯವಿಲ್ಲದ ಕಾರಣ ಅವಶೇಷಗಳಡಿ ಸಿಲುಕಿರುವ ಮೃತದೇಹಗಳನ್ನು ಹೊರತೆಗೆಯಲು, ಶೋಧ ಕಾರ್ಯಾಚರಣೆ ನಡೆಸಲು ಸಾಧ್ಯವಾಗುತ್ತಿಲ್ಲ. ಈ ಅವಶೇಷಗಳಡಿ ಸಿಲುಕಿರುವ ಮೃತದೇಹಗಳಿಂದ ರೋಗಗಳು ಹರಡಲು ಪ್ರಾರಂಭವಾಗಿದೆ’ ಎಂದೂ ಅದು ಮಾಹಿತಿ ನೀಡಿದೆ.