ಬೈಡನ್‌ ಭಾಷಣಗಳನ್ನು ಹಿಂದಿಗೆ ಅನುವಾದಿಸಲು ಒತ್ತಾಯ

ಅಮೆರಿಕದ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರ ಭಾಷಣಗಳು ಇಂಗ್ಲಿಷ್‌ನಲ್ಲಿ ಮಾತ್ರ ಲಭ್ಯವಿವೆ.

ಏಷ್ಯನ್-ಅಮೆರಿಕನ್ನರು (ಎಎ), ಸ್ಥಳೀಯ ಹವಾಯಿಯನ್ನರು ಮತ್ತು ಪೆಸಿಫಿಕ್ ಐಲ್ಯಾಂಡರ್ಸ್‌ (ಎನ್‌ಎಚ್‌ಪಿಐ) ಅಧ್ಯಕ್ಷರ ಸಲಹಾ ಆಯೋಗವು ಈ ವಾರದ ತನ್ನ ಸಭೆಯಲ್ಲಿ ಈ ಶಿಫಾರಸುಗಳನ್ನು ಮಾಡಿತು. ಭಾರತ ಸಮುದಾಯದ ನಾಯಕ ಅಜಯ್ ಜೈನ್ ಭುಟೋರಿಯಾ ಅವರು ಈ ಬಗ್ಗೆ ಪ್ರಸ್ತಾವ ಮಾಡಿದರು. ಆಯೋಗವು ಶಿಫಾರಸುಗಳನ್ನು ಅಂಗೀಕರಿಸಿತು.

ಪ್ರಸ್ತಾವವನ್ನು ಸಲ್ಲಿಸಿದ ಮೂರು ತಿಂಗಳೊಳಗಾಗಿ ಅಮೆರಿಕ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರ ಎಲ್ಲ ಭಾಷಣಗಳನ್ನು ಸೂಚಿಸಲಾಗಿರುವ ಇತರೆ ಭಾಷೆಗಳಿಗೆ ಅನುವಾದಿಸಬೇಕು. ಹಾಗೂ ಶ್ವೇತ ಭವನದ ವೆಬ್‌ಸೈಟ್‌ನಲ್ಲಿ ಈ ಭಾಷಣಗಳು ದೊರೆಯುವಂತೆ ಮಾಡಬೇಕು ಎಂದೂ ಸಭೆಯಲ್ಲಿ ಶಿಫಾರಸು ಮಾಡಲಾಗಿದೆ.