<p><strong>ವಾಷಿಂಗ್ಟನ್ (ಪಿಟಿಐ/ಐಎಎನ್ ಎಎಸ್):</strong> ಭೂಕಂಪದ ವೇಳೆ ಜಪಾನಿನ ಫುಕುಶಿಮಾ ಅಣು ಸ್ಥಾವರಗಳಿಂದ ಸೋರಿಕೆಯಾದ ವಿಕಿರಣಗಳು ಪೆಸಿಫಿಕ್ ಸಾಗರದ ಮೂಲಕ ಅಮೆರಿಕ ತಲುಪಿವೆ. <br /> <br /> ಕ್ಯಾಲಿಫೋರ್ನಿಯಾದ ಸಾಕ್ರಾಮೆಂಟೋನಲ್ಲಿರುವ ವಿಕಿರಣ ಪತ್ತೆ ಕೇಂದ್ರದಲ್ಲಿ ಸ್ವಲ್ಪ ಮಟ್ಟಿಗಿನ ವಿಕಿರಣ ದಾಖಲಾಗಿದ್ದು ಶಕ್ತಿ ಮತ್ತು ಪರಿಸರ ಸಂರಕ್ಷಣಾ ಸಂಸ್ಥೆ ಶುಕ್ರವಾರ ವಿಕಿರಣಗಳು ಅಮೆರಿಕ ಪ್ರವೇಶಿಸಿರುವುದನ್ನು ದೃಢಪಡಿಸಿದೆ. <br /> <br /> ಜಪಾನಿನಿಂದ ಪೆಸಿಫಿಕ್ ಸಾಗರದ ಮೂಲಕ ಸಾವಿರಾರು ಕಿ.ಮೀ ಸಂಚರಿಸಿದ ಬಳಿಕ ಅಮೆರಿಕ ಕಡಲ ತೀರ ಪ್ರವೇಶಿಸಿರುವ ಅಲ್ಪಪ್ರಮಾಣದ ಅಣು ವಿಕಿರಣಗಳ ಶಕ್ತಿ ಕುಂದಿದೆ. ಜನರ ಆರೋಗ್ಯದ ಮೇಲೆ ಯಾವುದೇ ದುಷ್ಪರಿಣಾಮವಾಗುವ ಸಾಧ್ಯತೆಗಳಿಲ್ಲದ ಕಾರಣ ಭಯಪಡುವ ಅಗತ್ಯವಿಲ್ಲ ಎಂದು ಸಂಸ್ಥೆ ತಿಳಿಸಿದೆ.<br /> <br /> ವಿಕಿರಣ ಹೊಗೆಯ ಚಲನವಲನಗಳ ಅಧ್ಯಯನ ನಡೆಸುತ್ತಿರುವ ವಿಕಿರಣ ತಜ್ಞರ ಪ್ರಕಾರ ಮುಂದಿನ ವಾರದೊಳಗೆ ವಿಕಿರಣಗಳು ನ್ಯೂಯಾರ್ಕ್ ತಲುಪವ ಸಾಧ್ಯತೆಗಳಿವೆ. ‘ಹಾನಿಕಾರಕ ವಿಕಿರಣಗಳು ಅಮೆರಿಕ, ಅಲಸ್ಕ ಅಥವಾ ಹವಾಯ್ ತಲುಪುವ ಸಾಧ್ಯತೆಗಳಿಲ್ಲ’ ಎಂದು ಅಧ್ಯಕ್ಷ ಬರಾಕ್ ಒಬಾಮ ಹೇಳಿದ್ದಾರೆ. <br /> <br /> ಈ ಹಿಂದೆ 1986ರಲ್ಲಿ ರಷ್ಯಾದ ಉಕ್ರೇನ್ನಲ್ಲಿದ ಚೆರ್ನೋಬಿಲ್ ಅಣುಶಕ್ತಿ ಸ್ಥಾವರ ದುರಂತದಲ್ಲಿ ಕೂಡ ವಿಕಿರಣಗಳು ಹತ್ತು ದಿನಗಳ ನಂತರ ಅಮೆರಿಕವನ್ನು ಪ್ರವೇಶಿಸಿದ್ದವು. ಆಗಲೂ ಇದೇ ರೀತಿ ಅಲ್ಪ ಪ್ರಮಾಣದಲ್ಲಿ ವಿಕಿರಣ ಪತ್ತೆಯಾಗಿದ್ದವು. ಯವುದೇ ಹಾನಿ ಸಂಭವಿಸಿರಲಿಲ್ಲ.<br /> <br /> ಫುಕುಶಿಮಾ ಅಣುಶಕ್ತಿ ಸ್ಥಾವರಗಳಿಂದ ಸೋರಿಕೆಯಾದ ವಿಕಿರಣಗಳು ಮೊದಲು ರಷ್ಯ ತಲುಪಿದ್ದವು. ಸದ್ಯಕ್ಕೆ ಜಪಾನ್ ಪ್ರಯಾಣ ಬೇಡ: ಭೂಕಂಪ, ಸುನಾಮಿ ಮತ್ತು ವಿಕಿರಣ ಸೋರಿಕೆಯಿಂದ ಪರಿಸ್ಥಿತಿ ಬಿಗಡಾಯಿಸುತ್ತಿರುವ ಕಾರಣ ಸದ್ಯಕ್ಕೆ ಜಪಾನ್ ಪ್ರವಾಸ ಮುಂದೂಡುವಂತೆ ಅಮೆರಿಕ ತನ್ನ ಪ್ರಜೆಗಳಿಗೆ ಸೂಚನೆ ನೀಡಿದೆ.<br /> <br /> ಜಪಾನ್ ಫುಕುಶಿಮಾದ 80 ಕಿ.ಮೀ. ಸುತ್ತಮುತ್ತಲಿನ ವ್ಯಾಪ್ತಿಯಲ್ಲಿ ನೆಲೆಸಿರುವ ಅಮೆರಿಕ ಪ್ರಜೆಗಳು ಕೂಡಲೇ ಆ ಸ್ಥಳವನ್ನು ತೊರೆದು ಸುರಕ್ಷಿತ ಸ್ಥಳಗಳಿಗೆ ತೆರಳುವಂತೆ ಅಮೆರಿಕ ಪರಮಾಣು ನಿಯಂತ್ರಣ ಆಯೋಗ ಸೂಚಿಸಿದೆ. ಸಂಡೈ ದ್ವೀಪದ ಹೊರತಾಗಿ ಜಪಾನ್ನ ಇತರ ಭಾಗಗಳಿಗೆ ವಿಮಾನ ಹಾರಾಟವನ್ನು ಪುನಃ ಆರಂಭಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್ (ಪಿಟಿಐ/ಐಎಎನ್ ಎಎಸ್):</strong> ಭೂಕಂಪದ ವೇಳೆ ಜಪಾನಿನ ಫುಕುಶಿಮಾ ಅಣು ಸ್ಥಾವರಗಳಿಂದ ಸೋರಿಕೆಯಾದ ವಿಕಿರಣಗಳು ಪೆಸಿಫಿಕ್ ಸಾಗರದ ಮೂಲಕ ಅಮೆರಿಕ ತಲುಪಿವೆ. <br /> <br /> ಕ್ಯಾಲಿಫೋರ್ನಿಯಾದ ಸಾಕ್ರಾಮೆಂಟೋನಲ್ಲಿರುವ ವಿಕಿರಣ ಪತ್ತೆ ಕೇಂದ್ರದಲ್ಲಿ ಸ್ವಲ್ಪ ಮಟ್ಟಿಗಿನ ವಿಕಿರಣ ದಾಖಲಾಗಿದ್ದು ಶಕ್ತಿ ಮತ್ತು ಪರಿಸರ ಸಂರಕ್ಷಣಾ ಸಂಸ್ಥೆ ಶುಕ್ರವಾರ ವಿಕಿರಣಗಳು ಅಮೆರಿಕ ಪ್ರವೇಶಿಸಿರುವುದನ್ನು ದೃಢಪಡಿಸಿದೆ. <br /> <br /> ಜಪಾನಿನಿಂದ ಪೆಸಿಫಿಕ್ ಸಾಗರದ ಮೂಲಕ ಸಾವಿರಾರು ಕಿ.ಮೀ ಸಂಚರಿಸಿದ ಬಳಿಕ ಅಮೆರಿಕ ಕಡಲ ತೀರ ಪ್ರವೇಶಿಸಿರುವ ಅಲ್ಪಪ್ರಮಾಣದ ಅಣು ವಿಕಿರಣಗಳ ಶಕ್ತಿ ಕುಂದಿದೆ. ಜನರ ಆರೋಗ್ಯದ ಮೇಲೆ ಯಾವುದೇ ದುಷ್ಪರಿಣಾಮವಾಗುವ ಸಾಧ್ಯತೆಗಳಿಲ್ಲದ ಕಾರಣ ಭಯಪಡುವ ಅಗತ್ಯವಿಲ್ಲ ಎಂದು ಸಂಸ್ಥೆ ತಿಳಿಸಿದೆ.<br /> <br /> ವಿಕಿರಣ ಹೊಗೆಯ ಚಲನವಲನಗಳ ಅಧ್ಯಯನ ನಡೆಸುತ್ತಿರುವ ವಿಕಿರಣ ತಜ್ಞರ ಪ್ರಕಾರ ಮುಂದಿನ ವಾರದೊಳಗೆ ವಿಕಿರಣಗಳು ನ್ಯೂಯಾರ್ಕ್ ತಲುಪವ ಸಾಧ್ಯತೆಗಳಿವೆ. ‘ಹಾನಿಕಾರಕ ವಿಕಿರಣಗಳು ಅಮೆರಿಕ, ಅಲಸ್ಕ ಅಥವಾ ಹವಾಯ್ ತಲುಪುವ ಸಾಧ್ಯತೆಗಳಿಲ್ಲ’ ಎಂದು ಅಧ್ಯಕ್ಷ ಬರಾಕ್ ಒಬಾಮ ಹೇಳಿದ್ದಾರೆ. <br /> <br /> ಈ ಹಿಂದೆ 1986ರಲ್ಲಿ ರಷ್ಯಾದ ಉಕ್ರೇನ್ನಲ್ಲಿದ ಚೆರ್ನೋಬಿಲ್ ಅಣುಶಕ್ತಿ ಸ್ಥಾವರ ದುರಂತದಲ್ಲಿ ಕೂಡ ವಿಕಿರಣಗಳು ಹತ್ತು ದಿನಗಳ ನಂತರ ಅಮೆರಿಕವನ್ನು ಪ್ರವೇಶಿಸಿದ್ದವು. ಆಗಲೂ ಇದೇ ರೀತಿ ಅಲ್ಪ ಪ್ರಮಾಣದಲ್ಲಿ ವಿಕಿರಣ ಪತ್ತೆಯಾಗಿದ್ದವು. ಯವುದೇ ಹಾನಿ ಸಂಭವಿಸಿರಲಿಲ್ಲ.<br /> <br /> ಫುಕುಶಿಮಾ ಅಣುಶಕ್ತಿ ಸ್ಥಾವರಗಳಿಂದ ಸೋರಿಕೆಯಾದ ವಿಕಿರಣಗಳು ಮೊದಲು ರಷ್ಯ ತಲುಪಿದ್ದವು. ಸದ್ಯಕ್ಕೆ ಜಪಾನ್ ಪ್ರಯಾಣ ಬೇಡ: ಭೂಕಂಪ, ಸುನಾಮಿ ಮತ್ತು ವಿಕಿರಣ ಸೋರಿಕೆಯಿಂದ ಪರಿಸ್ಥಿತಿ ಬಿಗಡಾಯಿಸುತ್ತಿರುವ ಕಾರಣ ಸದ್ಯಕ್ಕೆ ಜಪಾನ್ ಪ್ರವಾಸ ಮುಂದೂಡುವಂತೆ ಅಮೆರಿಕ ತನ್ನ ಪ್ರಜೆಗಳಿಗೆ ಸೂಚನೆ ನೀಡಿದೆ.<br /> <br /> ಜಪಾನ್ ಫುಕುಶಿಮಾದ 80 ಕಿ.ಮೀ. ಸುತ್ತಮುತ್ತಲಿನ ವ್ಯಾಪ್ತಿಯಲ್ಲಿ ನೆಲೆಸಿರುವ ಅಮೆರಿಕ ಪ್ರಜೆಗಳು ಕೂಡಲೇ ಆ ಸ್ಥಳವನ್ನು ತೊರೆದು ಸುರಕ್ಷಿತ ಸ್ಥಳಗಳಿಗೆ ತೆರಳುವಂತೆ ಅಮೆರಿಕ ಪರಮಾಣು ನಿಯಂತ್ರಣ ಆಯೋಗ ಸೂಚಿಸಿದೆ. ಸಂಡೈ ದ್ವೀಪದ ಹೊರತಾಗಿ ಜಪಾನ್ನ ಇತರ ಭಾಗಗಳಿಗೆ ವಿಮಾನ ಹಾರಾಟವನ್ನು ಪುನಃ ಆರಂಭಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
