<p>ಇಸ್ಲಾಮಾಬಾದ್ (ಪಿಟಿಐ): ಇದು ಗಡಿ ಮೀರಿದ ಸಂಬಂಧ, ದೇಶ ದೇಶಗಳ ನಡುವಿನ ಹಗೆತನಕ್ಕೂ ಈ `ವಾತ್ಸಲ್ಯ ಬಂಧ~ಕ್ಕೆ ಚ್ಯುತಿ ತರಲು ಸಾಧ್ಯವಾಗಿಲ್ಲ.<br /> <br /> ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಜನರಲ್ ಮೊಹಮ್ಮದ್ ಜಿಯಾ ಉಲ್ ಹಕ್ ಅವರ ಪುತ್ರಿ ಝೈನ್ ಜಿಯಾ ಮತ್ತು ಬಾಲಿವುಡ್ ನಟ, ರಾಜಕಾರಣಿ ಶತ್ರುಘ್ನ ಸಿನ್ಹಾ ಅವರ ನಡುವಿನ ಈ `ಅಣ್ಣ- ತಂಗಿ~ ಸಂಬಂಧ ಇಂದು ನಿನ್ನೆಯದಲ್ಲ, 25 ವರ್ಷಗಳಷ್ಟು ಹಳೆಯದು.<br /> <br /> ಜನರಲ್ ಜಿಯಾ ಅವರು ಬದುಕಿದ್ದಾಗ ಆರಂಭವಾದ ಈ ಮಾನಸಿಕ ಬಾಂಧವ್ಯವನ್ನು ಉಭಯ ದೇಶಗಳ ನಡುವಿನ ಸಂಬಂಧದ ಏಳುಬೀಳುಗಳ ನಡುವೆಯೂ ಯಾವುದೇ ಕುಂದಿಲ್ಲದಂತೆ ಇಬ್ಬರೂ ಕಾಯ್ದುಕೊಂಡು ಬಂದಿದ್ದಾರೆ. ಪಾಕಿಸ್ತಾನಕ್ಕೆ ಭೇಟಿ ನೀಡಿರುವ ಭಾರತದ ಸಂಸದರ ನಿಯೋಗದಲ್ಲಿ ಒಬ್ಬರಾಗಿರುವ ಶತ್ರುಘ್ನ, ಬಿಡುವು ಮಾಡಿಕೊಂಡು ಬುಧವಾರ ಝೈನ್ ಅವರ ಮನೆಗೆ ಭೇಟಿ ನೀಡಿದ್ದರು.<br /> <br /> ಸಹೋದ್ಯೋಗಿಗಳಾದ ಯಶವಂತ ಸಿನ್ಹಾ, ಸೈಯದ್ ಶಾ ನವಾಜ್ ಹುಸೇನ್ ಮತ್ತು ಎನ್ಸಿಪಿ ನಾಯಕಿ ಸುಪ್ರಿಯಾ ಸುಳೆ ಅವರೊಂದಿಗೆ ಮನೆಗೆ ಬಂದ `ಅಣ್ಣ~ನನ್ನು ಝೈನ್ ಅತ್ಯಂತ ಆಪ್ತವಾಗಿ ಬರಮಾಡಿಕೊಂಡರು. ಝೈನ್ ಅವರ ಸಹೋದರ ಹಾಗೂ ಪಾಕಿಸ್ತಾನದ ಮಾಜಿ ಸಚಿವ ಇಜಾಜ್ ಉಲ್ ಹಕ್ ಮತ್ತು ಅವರ ಕುಟುಂಬವೂ ಈ ಸಂದರ್ಭದಲ್ಲಿ ಹಾಜರಿತ್ತು.<br /> <br /> `ನನ್ನನ್ನು ನೋಡಿ ಆಕೆಗೆ ಅತ್ಯಂತ ಸಂತೋಷವಾಯಿತು. ಅವಳು ನನ್ನ ಮುದ್ದಿನ ತಂಗಿ~ ಎಂದು ಶತ್ರುಘ್ನ ಸುದ್ದಿಸಂಸ್ಥೆಗೆ ತಿಳಿಸಿದರು.<br /> <br /> `ಖುದ್ದಾಗಿ ತಯಾರಿಸಿದ ಬಿರಿಯಾನಿ, ಹುರಿದ ಮೀನು, ಬಗೆಬಗೆಯ ಸಸ್ಯಾಹಾರಿ ಅಡುಗೆಗಳನ್ನು ಝೈನ್ ನಮಗೆ ಉಣಬಡಿಸಿದಳು. ನನ್ನ ಪತ್ನಿ ಪೂನಂ ಸಿನ್ಹಾ ಬಗ್ಗೆ ವಿಚಾರಿಸಿಕೊಂಡಳು. ಮಗಳು ಸೋನಾಕ್ಷಿ ನಟಿಸಿರುವ `ದಬಾಂಗ್~ ಚಿತ್ರವನ್ನು ತಮ್ಮ ಕುಟುಂಬ ಸಾಕಷ್ಟು ಬಾರಿ ನೋಡಿ ಸಂತಸಪಟ್ಟಿದ್ದಾಗಿ ತಿಳಿಸಿದಳು~ ಎಂದು ಹೇಳಿದರು.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಇಸ್ಲಾಮಾಬಾದ್ (ಪಿಟಿಐ): ಇದು ಗಡಿ ಮೀರಿದ ಸಂಬಂಧ, ದೇಶ ದೇಶಗಳ ನಡುವಿನ ಹಗೆತನಕ್ಕೂ ಈ `ವಾತ್ಸಲ್ಯ ಬಂಧ~ಕ್ಕೆ ಚ್ಯುತಿ ತರಲು ಸಾಧ್ಯವಾಗಿಲ್ಲ.<br /> <br /> ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಜನರಲ್ ಮೊಹಮ್ಮದ್ ಜಿಯಾ ಉಲ್ ಹಕ್ ಅವರ ಪುತ್ರಿ ಝೈನ್ ಜಿಯಾ ಮತ್ತು ಬಾಲಿವುಡ್ ನಟ, ರಾಜಕಾರಣಿ ಶತ್ರುಘ್ನ ಸಿನ್ಹಾ ಅವರ ನಡುವಿನ ಈ `ಅಣ್ಣ- ತಂಗಿ~ ಸಂಬಂಧ ಇಂದು ನಿನ್ನೆಯದಲ್ಲ, 25 ವರ್ಷಗಳಷ್ಟು ಹಳೆಯದು.<br /> <br /> ಜನರಲ್ ಜಿಯಾ ಅವರು ಬದುಕಿದ್ದಾಗ ಆರಂಭವಾದ ಈ ಮಾನಸಿಕ ಬಾಂಧವ್ಯವನ್ನು ಉಭಯ ದೇಶಗಳ ನಡುವಿನ ಸಂಬಂಧದ ಏಳುಬೀಳುಗಳ ನಡುವೆಯೂ ಯಾವುದೇ ಕುಂದಿಲ್ಲದಂತೆ ಇಬ್ಬರೂ ಕಾಯ್ದುಕೊಂಡು ಬಂದಿದ್ದಾರೆ. ಪಾಕಿಸ್ತಾನಕ್ಕೆ ಭೇಟಿ ನೀಡಿರುವ ಭಾರತದ ಸಂಸದರ ನಿಯೋಗದಲ್ಲಿ ಒಬ್ಬರಾಗಿರುವ ಶತ್ರುಘ್ನ, ಬಿಡುವು ಮಾಡಿಕೊಂಡು ಬುಧವಾರ ಝೈನ್ ಅವರ ಮನೆಗೆ ಭೇಟಿ ನೀಡಿದ್ದರು.<br /> <br /> ಸಹೋದ್ಯೋಗಿಗಳಾದ ಯಶವಂತ ಸಿನ್ಹಾ, ಸೈಯದ್ ಶಾ ನವಾಜ್ ಹುಸೇನ್ ಮತ್ತು ಎನ್ಸಿಪಿ ನಾಯಕಿ ಸುಪ್ರಿಯಾ ಸುಳೆ ಅವರೊಂದಿಗೆ ಮನೆಗೆ ಬಂದ `ಅಣ್ಣ~ನನ್ನು ಝೈನ್ ಅತ್ಯಂತ ಆಪ್ತವಾಗಿ ಬರಮಾಡಿಕೊಂಡರು. ಝೈನ್ ಅವರ ಸಹೋದರ ಹಾಗೂ ಪಾಕಿಸ್ತಾನದ ಮಾಜಿ ಸಚಿವ ಇಜಾಜ್ ಉಲ್ ಹಕ್ ಮತ್ತು ಅವರ ಕುಟುಂಬವೂ ಈ ಸಂದರ್ಭದಲ್ಲಿ ಹಾಜರಿತ್ತು.<br /> <br /> `ನನ್ನನ್ನು ನೋಡಿ ಆಕೆಗೆ ಅತ್ಯಂತ ಸಂತೋಷವಾಯಿತು. ಅವಳು ನನ್ನ ಮುದ್ದಿನ ತಂಗಿ~ ಎಂದು ಶತ್ರುಘ್ನ ಸುದ್ದಿಸಂಸ್ಥೆಗೆ ತಿಳಿಸಿದರು.<br /> <br /> `ಖುದ್ದಾಗಿ ತಯಾರಿಸಿದ ಬಿರಿಯಾನಿ, ಹುರಿದ ಮೀನು, ಬಗೆಬಗೆಯ ಸಸ್ಯಾಹಾರಿ ಅಡುಗೆಗಳನ್ನು ಝೈನ್ ನಮಗೆ ಉಣಬಡಿಸಿದಳು. ನನ್ನ ಪತ್ನಿ ಪೂನಂ ಸಿನ್ಹಾ ಬಗ್ಗೆ ವಿಚಾರಿಸಿಕೊಂಡಳು. ಮಗಳು ಸೋನಾಕ್ಷಿ ನಟಿಸಿರುವ `ದಬಾಂಗ್~ ಚಿತ್ರವನ್ನು ತಮ್ಮ ಕುಟುಂಬ ಸಾಕಷ್ಟು ಬಾರಿ ನೋಡಿ ಸಂತಸಪಟ್ಟಿದ್ದಾಗಿ ತಿಳಿಸಿದಳು~ ಎಂದು ಹೇಳಿದರು.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
