ದೇವಕಣಗಳ ಅಸ್ತಿತ್ವಕ್ಕೆ ಇಂದು ಉತ್ತರ

ಲಂಡನ್ (ಪಿಟಿಐ): ವಿಶ್ವದ ಉಗಮ ಮತ್ತು ಅದಕ್ಕೆ ಸಂಬಂಧಿಸಿದಂತೆ ಇನ್ನೂ ನಿಗೂಢವಾಗಿಯೇ ಉಳಿದಿರುವ ಅನೇಕ ಗೊಂದಲಗಳಿಗೆ ನಿಖರವಾದ ಉತ್ತರ ದೊರೆಯಲಿದೆ ಎಂದು ನಂಬಲಾದ ಹಿಗ್ಸ್ ಬೋಸನ್ ಅಥವಾ `ದೇವಕಣ ~ (ಗಾಡ್ ಪಾರ್ಟಿಕಲ್ಸ್) ನಿಜವಾಗಿಯೂ ಪತ್ತೆಯಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ವಿಜ್ಞಾನಿಗಳು ಬುಧವಾರ ಅಧಿಕೃತವಾಗಿ ಪ್ರಕಟಿಸುವ ಸಾಧ್ಯತೆ ಇದೆ.

ವಿಶ್ವದ ಸೃಷ್ಟಿಯ ರಹಸ್ಯವನ್ನು ಅರಿಯುವಲ್ಲಿ ಈ `ದೇವಕಣ~ಗಳ ಅಸ್ತಿತ್ವ ಒಂದು ಮಹತ್ವದ ಕೊಂಡಿಯಾಗಿದೆ.

`ದೇವಕಣ~ದ ಕುರಿತು ಹೆಚ್ಚಿನ ವಿವರಗಳನ್ನು ಪಡೆಯಲು ಪರಮಾಣು ಸಂಶೋಧನಾ ಸಂಸ್ಥೆ (ಸಿಇಆರ್ಎನ್) ಜಿನೀವಾದಲ್ಲಿ ನಡೆಯಲಿರುವ ಸಭೆಗೆ ಐವರು ತಜ್ಞ ವಿಜ್ಞಾನಿಗಳನ್ನು ಆಹ್ವಾನಿಸಿದೆ.

`ನಾಲ್ಕನೇ ಹಂತದ ಸಿಗ್ಮಾ~ ಎಂದು ಹೇಳಲಾದ ದೇವಕಣವನ್ನು ಪತ್ತೆ ಹಚ್ಚಿರುವುದಾಗಿ ವಿಜ್ಞಾನಿಗಳು ಹೇಳಿಕೊಂಡಿದ್ದು, ತಮ್ಮ ಸಂಶೋಧನೆಯ ಬಗ್ಗೆ ಆತ್ಮವಿಶ್ವಾಸ ಹೊಂದಿದ್ದಾರೆ ಎಂದು ಪತ್ರಿಕೆಯೊಂದು ವರದಿ ಮಾಡಿದೆ.

ಜಗತ್ತಿನಾದ್ಯಂತ ಎಲ್ಲರ ಕುತೂಹಲಕ್ಕೆ ಕಾರಣವಾಗಿರುವ `ದೇವಕಣ~ಗಳ ಅಸ್ತಿತ್ವದ ಬಗ್ಗೆ ಸ್ವಿಟ್ಜರ್ಲೆಂಡ್ನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಎಡಿನ್ಬರೊ ವಿಶ್ವವಿದ್ಯಾಲಯದ ಭೌತಶಾಸ್ತ್ರ ಗೌರವ ಪ್ರಾಧ್ಯಾಪಕ ಪೀಟರ್ ಹಿಗ್ಸ್ ತಮ್ಮ ಸಂಶೋಧನೆಯ ಬಗ್ಗೆ ನೂರಕ್ಕೆ ಶೇ 99.99 ವಿಶ್ವಾಸ ಹೊಂದಿರುವುದಾಗಿ ಹೇಳಿದ್ದಾರೆ.

`ದೇವಕಣ~ದ ಕುರಿತು ಅನೇಕ ವರ್ಷಗಳಿಂದ ನಿರಂತರ ಅಧ್ಯಯನದಲ್ಲಿ ತೊಡಗಿರುವ ಕಾರಣ ಹಿಗ್ಸ್ ಅವರ ಹೆಸರನ್ನೇ `ದೇವಕಣ~ಕ್ಕೆ ನಾಮಕರಣ ಮಾಡಲಾಗಿದೆ.

ಐದನೇ ಹಂತದ ಸಿಗ್ಮಾ ಸ್ಥಿತಿಯಲ್ಲಿರುವ `ದೇವ ಕಣ~ವನ್ನು ಪತ್ತೆ ಹಚ್ಚಲು ಪರಮಾಣು ಸಂಶೋಧನಾ ಸಂಸ್ಥೆ ವಿಜ್ಞಾನಿಗಳ ಎರಡು ತಂಡವನ್ನು ರಚಿಸುವುದಾಗಿ ಹೇಳಿದೆ. ಆ ಫಲಿತಾಂಶ ಇನ್ನೂ ಹೆಚ್ಚು ನಿಖರವಾಗಿರುವ ಭರವಸೆಯನ್ನು ಸಂಸ್ಥೆ ಹೊಂದಿದೆ.

ಅಣುಗಳ ರಚನೆಗೆ ಮೂಲ ಕಾರಣ ಎಂದು ಭಾವಿಸಲಾಗಿರುವ `ದೇವಕಣ~ಗಳು ಜಗತ್ತಿನ ಸೃಷ್ಟಿಯ ಮೂಲ ಎಂದು ಹಿಗ್ಸ್ ಹೇಳಿದ್ದಾರೆ. ಈ ಕುರಿತು ಎರಡೂ ವಿಜ್ಞಾನಿಗಳ ತಂಡ ಪ್ರತ್ಯೇಕವಾಗಿ ಸಂಶೋಧನೆ ನಡೆಸಿವೆ.

`ದೇವಕಣ~ಗಳ ಕುರಿತು ಬುಧವಾರ ಹೊರ ಬೀಳಲಿರುವ ವಿಜ್ಞಾನಿಗಳ ಅಧಿಕೃತ ಹೇಳಿಕೆಯತ್ತಲೇ ಈಗ ಜಗತ್ತಿನ ದೃಷ್ಟಿ ನೆಟ್ಟಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇವಕಣಗಳ ಅಸ್ತಿತ್ವಕ್ಕೆ ಇಂದು ಉತ್ತರ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು