ಸೋಮವಾರ, ಜೂನ್ 1, 2020
27 °C

25 ವರ್ಷಗಳ ಹಿಂದೆ | ಸೋಮವಾರ, 3–4–1995

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬಿಹಾರ: ಜನತಾದಳ ಒಕ್ಕೂಟಕ್ಕೆ ಬಹುಮತ
ಪಟ್ನಾ, ಏ. 2 (ಪಿಟಿಐ)–
ಬಿಹಾರ ವಿಧಾನಸಭೆ ಚುನಾವಣೆಯಲ್ಲಿ ಜನತಾದಳ ಮತ್ತು ಅದರ ಮಿತ್ರಪಕ್ಷಗಳು ಈಗಾಗಲೇ 172 ಸ್ಥಾನ ಪಡೆದು ನಿಚ್ಚಳ ಬಹುಮತ ಗಳಿಸಿವೆ.

ಜನತಾದಳ ಶಾಸಕಾಂಗ ಪಕ್ಷದ (ಜೆಡಿಎಲ್‌ಪಿ) ಹೊಸ ನಾಯಕರಾಗಿ ನಾಳೆ ಮರು ಆಯ್ಕೆಯಾಗುವುದರೊಂದಿಗೆ ಲಲ್ಲೂ ಪ್ರಸಾದ್‌ ಯಾದವ್‌ ಅವರು ಎರಡನೇ ಬಾರಿಗೆ ರಾಜ್ಯದ ಚುಕ್ಕಾಣಿ ಹಿಡಿಯಲಿದ್ದಾರೆ.

ರಜೆ ದಿನ ಕೆಲಸ– ಹೆಚ್ಚು ವೇತನ
ಬೆಂಗಳೂರು, ಏ. 2–
ಸಾರ್ವತ್ರಿಕ ರಜಾ ದಿನಗಳಲ್ಲಿ ಕೆಲಸ ಮಾಡುವ ಪೊಲೀಸರಿಗೆ ನೀಡುತ್ತಿರುವ ವಾರ್ಷಿಕ 15 ದಿನಗಳ ಸಂಬಳವನ್ನು 30 ದಿನಗಳಿಗೆ ಹೆಚ್ಚಿಸಲಾಗುವುದು ಎಂದು ಮುಖ್ಯಮಂತ್ರಿ ‌ಎಚ್‌.ಡಿ. ದೇವೇಗೌಡ ಪ್ರಕಟಿಸಿದರು.

ಕಂಪ್ಯೂಟರ್‌ಪ್ರಿಯ ನರಸಿಂಹ ರಾವ್‌‌
ನವದೆಹಲಿ, ಏ. 2 (ಪಿಟಿಐ)–
ಪ್ರಧಾನಿ ನರಸಿಂಹರಾವ್‌ ಅವರ ಉಡುಗೆ ತೊಡುಗೆಯಿಂದ ಅವರೊಬ್ಬ ಹಳೆ ಕಾಲದ ಮನುಷ್ಯ ಎಂದು ಯಾರಾದರೂ ತಿಳಿದಿದ್ದರೆ ಖಂಡಿತವಾಗಿಯೂ ಅದು ಅವರ ಭ್ರಮೆ!

ಪಂಚೆ, ಧೋತಿ, ಅಂಗವಸ್ತ್ರ ಮತ್ತು ಆಧುನಿಕತೆಯ ಸಂಕೇತವಾದ ಕಂಪ್ಯೂಟರ್‌ ಸಮ್ಮಿಲನವನ್ನು ಸಾರುವ ಸಂಕೇತ– ಪಿ.ವಿ.ನರಸಿಂಹ ರಾವ್‌. ಅವರು ತಮ್ಮ ಪುಟ್ಟ ಕಂಪ್ಯೂಟರ್‌ ಸಹಾಯದಿಂದ 1980ರಿಂದಲೂ ಪಕ್ಷದ ಚುನಾವಣಾ ಪ್ರಣಾಳಿಕೆ ಸಿದ್ಧಗೊಳಿಸುತ್ತಿದ್ದಾರೆ ಎಂಬ ವಿಷಯ ಅನೇಕರಿಗೆ ತಿಳಿದಿರಲಿಕ್ಕಿಲ್ಲ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.