ಶನಿವಾರ, ಆಗಸ್ಟ್ 13, 2022
24 °C

ಪ್ರಜಾವಾಣಿ 25 ವರ್ಷಗಳ ಹಿಂದೆ | ಗುರುವಾರ 14, ಸೆಪ್ಟೆಂಬರ್‌, 1995

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೇಂದ್ರ ಸಂಪುಟಕ್ಕೆ ಮೂರ್ತಿ ಸೇರಿ 16 ಹೊಸ ಸಚಿವರು

ನವದೆಹಲಿ, ಸೆ. 13– ಕರ್ನಾಟಕದ ಎಂ. ರಾಜಶೇಖರ ಮೂರ್ತಿ ಸೇರಿದಂತೆ ಹದಿಮೂರು ಹೊಸ ಸ್ಟೇಟ್‌ ದರ್ಜೆ ಸಚಿವರ ಸೇರ್ಪಡೆಯೊಡನೆ ಕೇಂದ್ರ ಸಂಪುಟವನ್ನು ಇಂದು ವಿಸ್ತರಿಸಲಾಯಿತು.

ಸಂಪುಟ ಸೇರಲಿರುವವರ ಪಟ್ಟಿಯಲ್ಲಿ ಹದಿನಾರು ಮಂದಿಯ ಹೆಸರುಗಳಿತ್ತು. ಆದರೆ, ಕರ್ನಾಟಕದ ಜಿ.ವೈ. ಕೃಷ್ಣನ್‌, ಪಿ.ಜೆ. ಕುರಿಯನ್‌ ಮತ್ತು ಸುರೇಶ್‌ ಪಚೋರಿಯಾ ಅವರಿಗೆ ಸಕಾಲಕ್ಕೆ ಸಂದೇಶ ತಲುಪದ ಕಾರಣ ಅವರು ಪ್ರಮಾಣ ವಚನ ಸ್ವೀಕಾರ ಸಮಾರಂಭದಲ್ಲಿ ಪಾಲ್ಗೊಳ್ಳಲು ಆಗಲಿಲ್ಲ. ಇವರು ನಾಳೆ ಪ್ರಮಾಣ ವಚನ ಸ್ವೀಕಾರ ಮಾಡುವರೆಂದು ಗೊತ್ತಾಗಿದೆ.

ರಾಜಶೇಖರ ಮೂರ್ತಿ ಮತ್ತು ಆರ್.ಕೆ. ಧವನ್‌ ಅವರು ರಾಜ್ಯ ಸಚಿವರಾದರೂ ಸ್ವತಂತ್ರ ಖಾತೆಗಳನ್ನು ಹೊಂದುವರು.

ಶರಣಾದ ವಾಸುದೇವನ್‌ ಜೈಲಿಗೆ

ಬೆಂಗಳೂರು, ಸೆ. 13– ನ್ಯಾಯಾಲಯ ನಿಂದನೆಗಾಗಿ ಒಂದು ತಿಂಗಳ ಸಾದಾ ಜೈಲು ಶಿಕ್ಷೆಗೆ ಒಳಗಾಗಿರುವ ಹಿರಿಯ ಐಎಎಸ್‌ ಅಧಿಕಾರಿ, ವಸತಿ ಹಾಗೂ ನಗರಾಭಿವೃದ್ಧಿ ಇಲಾಖೆಯ ಕಾರ್ಯದರ್ಶಿ ಕೆ.ವಾಸುದೇವನ್‌ ಇಂದು ಬೆಳಿಗ್ಗೆ ಬೆಂಗಳೂರಿನ ಪೊಲೀಸ್‌ ಕಮಿಷನರ್‌ ಟಿ. ಶ್ರೀನಿವಾಸಲು ಮುಂದೆ ಶರಣಾದರು. ತಕ್ಷಣವೇ ಅವರನ್ನು ಬಂಧಿಸಿ ಕೇಂದ್ರ ಕಾರಾಗೃಹಕ್ಕೆ ಕಳುಹಿಸಲಾಯಿತು.

ದೆಹಲಿಯಿಂದ ಬೆಳಿಗ್ಗೆ 10.10ಕ್ಕೆ ವಿಮಾನದಲ್ಲಿ ಬಂದಿಳಿದ ವಾಸುದೇವನ್‌ ನಿಲ್ದಾಣದಿಂದ ನೇರವಾಗಿ ಪೊಲೀಸ್‌ ಕಮಿಷನರ್‌ ಕಚೇರಿಗೆ ಬಂದು ಶರಣಾದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು