<p>ರಾತ್ರಿ ಹತ್ತಾಗುತ್ತಿದ್ದಂತೆ ಬೆಕ್ಕಣ್ಣ ಸ್ವೆಟರ್ ಹಾಕಿಕೊಂಡು ‘ನನಗೊಂದು ಬ್ಯಾಟರಿ ಕೊಡು’ ಎಂದಿತು. ‘ಎಲ್ಲಿಗೆ ಹೊಂಟೀಯಲೇ’ ಎಂದೆ ಗಾಬರಿಯಿಂದ.</p>.<p>‘ಅಡ್ಡಬಾಯಿ ಹಾಕಬ್ಯಾಡ. ಹಿಂದೆಲ್ಲ ರಾಜರು ರಾತ್ರಿ ವೇಷ ಮರೆಸಿಕ್ಯಂಡು ನಗರದೊಳಗೆ ಸುತ್ತಾಡಿ, ಪರಿಸ್ಥಿತಿ ಪರಿಶೀಲಿಸುತ್ತಿದ್ದರಲ್ಲ, ಹಂಗ ನಮ್ಮ ಮೋದಿಮಾಮನೂ ರಾತ್ರಿ ಅಯೋಧ್ಯಾವಳಗೆ ಅಡ್ಡಾಡಿ ಅಭಿವೃದ್ಧಿ ಪರಿಶೀಲನೆ ನಡಸಿದ್ರಂತ. ನಾನೂ ರಾತ್ರಿ ಪರಿಶೀಲನೆ ಮಾಡಾಕೆ ಹೊಂಟೀನಿ’ ಎಂದಿತು.</p>.<p>‘ನಿಂದ್ಯಾವ ಅಯೋಧ್ಯಾನಗರಿ ಐತಲೇ ಪರಿಶೀಲನೆ ನಡೆಸಾಕೆ’</p>.<p>‘ನಮ್ಮ ಬೀದಿ ಐತಲ್ಲ... ಅದೇ ನನ್ನ ಸಾಮ್ರಾಜ್ಯ’ ಎಂದು ಬೀಗುತ್ತ ಹೊರಟಿತು. ನಾಕು ಹೆಜ್ಜೆ ಹೋಗುವಷ್ಟರಲ್ಲಿ ಬೆಕ್ಕಣ್ಣನ ಬೆನ್ನಿಗೆ ಮುದಿಬೇತಾಳ ಅಮರಿಕೊಂಡಿತು. ‘ಕೇಳಿದ್ದಕ್ಕೆ ಸರಿಯಾಗಿ ಉತ್ತರಿಸದಿದ್ದರೆ ತಲೆ ಸಾವಿರ ಹೋಳು ಮಾಡುವೆ’ ಎಂದು ಗುಡುಗಿ ಪ್ರಶ್ನಿಸತೊಡಗಿತು.</p>.<p>‘ಯುಪಿ+ಯೋಗಿ=ಉಪಯೋಗಿ, ಇದು ಯೋಗಸಂಧಿಯೋ ಅಥವಾ ಉಪಸಂಧಿಯೋ?’</p>.<p>‘ಹ್ಹೆಹ್ಹೇ... ಇದು ಯೋಗಸಂಧಿಯೂ ಅಲ್ಲ, ಉಪಸಂಧಿಯೂ ಅಲ್ಲ, ಚುನಾವಣಾಸಂಧಿ’ ಬೆಕ್ಕಣ್ಣ ಪಕಪಕನೆ ನಕ್ಕಾಗ ಅವಮಾನಗೊಂಡ ಬೇತಾಳ ಮತ್ತೊಂದು ಪ್ರಶ್ನೆ ಎಸೆಯಿತು. ‘ವಿಧಾನಸಭೆಯ ಮಾಜಿ, ಹಾಲಿ ಅಧ್ಯಕ್ಷರ ನಡುವಣ ಸಂಬಂಧವು ಅರಿಸಮಾಸವೇ?’</p>.<p>‘ಮಹಿಳೆಯರ ಗೌರವಕ್ಕೆ ಧಕ್ಕೆ ತರುವಂತೆ ಮಾಜಿಗಳು ಹಾಸ್ಯ ಮಾಡಿದರೆ ಹಾಲಿಗಳು ನಕ್ಕು ತಲೆಯಾಡಿಸುವರು, ಅವರಿಬ್ಬರ ನಡುವೆ ಇದೀಗ ಸುಸ್ವರಸಂಧಿಯ ಮಿತ್ರಸಮಾಸವುಂಟು’.</p>.<p>ಬೇತಾಳ ಕೊನೇದಾಗಿ ಕೇಳಿತು, ‘ದೇಶದಲ್ಲೀಗ ಕೊರೊನಾದ ರೂಪಾಂತರ ತಳಿಗಳಿಗಿಂತ ಅಪಾಯಕಾರಿಯಾಗಿ ಹಬ್ಬುತ್ತಿರುವ, ಕೈಕೈಹಿಡಿದು ಸಾಗುತ್ತಿರುವ ತ್ರಿವಳಿಗಳು ಯಾರು?’</p>.<p>‘ವಾಟ್ಸ್ಆ್ಯಪ್ ವಿಶ್ವವಿದ್ಯಾಲಯಗಳು, ಸುಳ್ಳುಸುದ್ದಿಗಳು ಮತ್ತು ನಾಲಿಗೆವೀರರ ಸಂತತಿ- ಇವೇ ಆ ತ್ರಿವಳಿಗಳು. ಇವೀಗ ಎಲ್ಲರ ಬೆಂಬತ್ತಿದ ನವಬೇತಾಳಗಳಾಗಿವೆ...’ ಎನ್ನುತ್ತಿದ್ದಂತೆ ‘ಅಯ್ಯೋ... ಇದ್ಯಾವುದೋ ನವಬೇತಾಳ’ ಎಂದು ಬೆದರಿದ ಮುದಿಬೇತಾಳ ಬೆಕ್ಕಣ್ಣನ ಬೆನ್ನಿನಿಂದಿಳಿದು ಓಡಿಹೋಯಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ರಾತ್ರಿ ಹತ್ತಾಗುತ್ತಿದ್ದಂತೆ ಬೆಕ್ಕಣ್ಣ ಸ್ವೆಟರ್ ಹಾಕಿಕೊಂಡು ‘ನನಗೊಂದು ಬ್ಯಾಟರಿ ಕೊಡು’ ಎಂದಿತು. ‘ಎಲ್ಲಿಗೆ ಹೊಂಟೀಯಲೇ’ ಎಂದೆ ಗಾಬರಿಯಿಂದ.</p>.<p>‘ಅಡ್ಡಬಾಯಿ ಹಾಕಬ್ಯಾಡ. ಹಿಂದೆಲ್ಲ ರಾಜರು ರಾತ್ರಿ ವೇಷ ಮರೆಸಿಕ್ಯಂಡು ನಗರದೊಳಗೆ ಸುತ್ತಾಡಿ, ಪರಿಸ್ಥಿತಿ ಪರಿಶೀಲಿಸುತ್ತಿದ್ದರಲ್ಲ, ಹಂಗ ನಮ್ಮ ಮೋದಿಮಾಮನೂ ರಾತ್ರಿ ಅಯೋಧ್ಯಾವಳಗೆ ಅಡ್ಡಾಡಿ ಅಭಿವೃದ್ಧಿ ಪರಿಶೀಲನೆ ನಡಸಿದ್ರಂತ. ನಾನೂ ರಾತ್ರಿ ಪರಿಶೀಲನೆ ಮಾಡಾಕೆ ಹೊಂಟೀನಿ’ ಎಂದಿತು.</p>.<p>‘ನಿಂದ್ಯಾವ ಅಯೋಧ್ಯಾನಗರಿ ಐತಲೇ ಪರಿಶೀಲನೆ ನಡೆಸಾಕೆ’</p>.<p>‘ನಮ್ಮ ಬೀದಿ ಐತಲ್ಲ... ಅದೇ ನನ್ನ ಸಾಮ್ರಾಜ್ಯ’ ಎಂದು ಬೀಗುತ್ತ ಹೊರಟಿತು. ನಾಕು ಹೆಜ್ಜೆ ಹೋಗುವಷ್ಟರಲ್ಲಿ ಬೆಕ್ಕಣ್ಣನ ಬೆನ್ನಿಗೆ ಮುದಿಬೇತಾಳ ಅಮರಿಕೊಂಡಿತು. ‘ಕೇಳಿದ್ದಕ್ಕೆ ಸರಿಯಾಗಿ ಉತ್ತರಿಸದಿದ್ದರೆ ತಲೆ ಸಾವಿರ ಹೋಳು ಮಾಡುವೆ’ ಎಂದು ಗುಡುಗಿ ಪ್ರಶ್ನಿಸತೊಡಗಿತು.</p>.<p>‘ಯುಪಿ+ಯೋಗಿ=ಉಪಯೋಗಿ, ಇದು ಯೋಗಸಂಧಿಯೋ ಅಥವಾ ಉಪಸಂಧಿಯೋ?’</p>.<p>‘ಹ್ಹೆಹ್ಹೇ... ಇದು ಯೋಗಸಂಧಿಯೂ ಅಲ್ಲ, ಉಪಸಂಧಿಯೂ ಅಲ್ಲ, ಚುನಾವಣಾಸಂಧಿ’ ಬೆಕ್ಕಣ್ಣ ಪಕಪಕನೆ ನಕ್ಕಾಗ ಅವಮಾನಗೊಂಡ ಬೇತಾಳ ಮತ್ತೊಂದು ಪ್ರಶ್ನೆ ಎಸೆಯಿತು. ‘ವಿಧಾನಸಭೆಯ ಮಾಜಿ, ಹಾಲಿ ಅಧ್ಯಕ್ಷರ ನಡುವಣ ಸಂಬಂಧವು ಅರಿಸಮಾಸವೇ?’</p>.<p>‘ಮಹಿಳೆಯರ ಗೌರವಕ್ಕೆ ಧಕ್ಕೆ ತರುವಂತೆ ಮಾಜಿಗಳು ಹಾಸ್ಯ ಮಾಡಿದರೆ ಹಾಲಿಗಳು ನಕ್ಕು ತಲೆಯಾಡಿಸುವರು, ಅವರಿಬ್ಬರ ನಡುವೆ ಇದೀಗ ಸುಸ್ವರಸಂಧಿಯ ಮಿತ್ರಸಮಾಸವುಂಟು’.</p>.<p>ಬೇತಾಳ ಕೊನೇದಾಗಿ ಕೇಳಿತು, ‘ದೇಶದಲ್ಲೀಗ ಕೊರೊನಾದ ರೂಪಾಂತರ ತಳಿಗಳಿಗಿಂತ ಅಪಾಯಕಾರಿಯಾಗಿ ಹಬ್ಬುತ್ತಿರುವ, ಕೈಕೈಹಿಡಿದು ಸಾಗುತ್ತಿರುವ ತ್ರಿವಳಿಗಳು ಯಾರು?’</p>.<p>‘ವಾಟ್ಸ್ಆ್ಯಪ್ ವಿಶ್ವವಿದ್ಯಾಲಯಗಳು, ಸುಳ್ಳುಸುದ್ದಿಗಳು ಮತ್ತು ನಾಲಿಗೆವೀರರ ಸಂತತಿ- ಇವೇ ಆ ತ್ರಿವಳಿಗಳು. ಇವೀಗ ಎಲ್ಲರ ಬೆಂಬತ್ತಿದ ನವಬೇತಾಳಗಳಾಗಿವೆ...’ ಎನ್ನುತ್ತಿದ್ದಂತೆ ‘ಅಯ್ಯೋ... ಇದ್ಯಾವುದೋ ನವಬೇತಾಳ’ ಎಂದು ಬೆದರಿದ ಮುದಿಬೇತಾಳ ಬೆಕ್ಕಣ್ಣನ ಬೆನ್ನಿನಿಂದಿಳಿದು ಓಡಿಹೋಯಿತು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
