<p>‘ಲೇ ಗುಡ್ಡೆ, ಪೇಪರ್ ನೋಡಿದ್ಯಾ? ನಮ್ ಚೆಸ್ ಆಟಗಾರ ಪ್ರಜ್ಞಾನಂದ ವರ್ಲ್ಡ್ ಚಾಂಪಿಯನ್ನ ಸೋಲ್ಸಿ ಈಗ ವಿಶ್ವದ ನಂಬರ್ ಒನ್ ಆಟಗಾರ ಆಗ್ಯಾನಂತೆ. ಎಂಥ ಎಮ್ಮೆ ಅಲ್ವ?’ ಎಂದ ತೆಪರೇಸಿ.</p><p>‘ಎಮ್ಮೆ ಅಲ್ಲ, ಹೆಮ್ಮೆ’ ತಿದ್ದಿದ ದುಬ್ಬೀರ, ‘ಚೆಸ್ ಆಡಾಕೆ ಬಾಳ ಬುದ್ಧಿವಂತಿಕಿ ಬೇಕು, ಚೆಕ್ ಇಟ್ರೆ ಎದುರಿಗೆ ಕೂತೋನು ಹಂಗೇ ಪತರಗುಟ್ಟಬೇಕು’ ಎಂದ.</p><p>‘ಈ ಚೆಕ್ ಇಡೋದ್ರಲ್ಲಿ ನಮ್ ರಾಜಕಾರಣಿಗಳಿಗಿಂತ ಎಕ್ಸ್ಪರ್ಟ್ ಯಾರದಾರಲೆ, ಎಲೆಕ್ಷನ್ ಗೆಲ್ಲಾಕೆ ಅವರಿಗೆ ಇವ್ರು, ಇವರಿಗೆ ಅವ್ರು ಚೆಕ್ ಇಡ್ತಾನೇ ಇರ್ತಾರೆ’ ಗುಡ್ಡೆ ವಿಷಯಾಂತರ ಮಾಡಿದ.</p><p>‘ಗೊತ್ತು ಬಿಡಪ, ಇಂಡಿಯಾಕ್ಕೆ ಭಾರತ, ಟಿಪ್ಪುಗೆ ಸಾವರ್ಕರು, ಜೋಡೋಗೆ ಒಂದು ದೇಶ ಒಂದು ಕಾನೂನು... ಎದುರು ಪಕ್ಷದೋರು ಜಾಸ್ತಿ ಹಾರಾಡಿದ್ರೆ ಇ.ಡಿ. ಐಟಿ... ಇವೆಲ್ಲ ಚೆಕ್ ಇಟ್ಟಂಗೇ ತಾನೆ?’ ಕೊಟ್ರೇಶಿ ಒಂದೊಂದೇ ಬಿಡಿಸಿ ಹೇಳಿದ.</p><p>‘ಅಬಾಬಬ, ಎಷ್ಟು ಶಾಣ್ಯಾ ಅದೀಯಲ್ಲೋ ಕೊಟ್ರಾ. ಸರಿ, ಈಗ ಗ್ಯಾರಂಟಿಗೆ ಏನ್ ಚೆಕ್ಕು? ನ್ಯಾಯ ಯಾತ್ರೆಗೆ ಏನ್ ಚೆಕ್ಕು?’ ತೆಪರೇಸಿ ಕೇಳಿದ.</p><p>‘ಅದ್ಕೆಲ್ಲ ಮಂದಿರ ಐತಲ್ಲ, ಮಂದಿರ ತೋರ್ಸಿ ಚೆಕ್ ಇಡ್ತೀವಿ’.</p><p>‘ಮಂದಿರ ತೋರಿಸ್ತೀರಿ ಸರಿ, ಜನರ ಹೊಟ್ಟೆಗೆ ಏನ್ ತೋರಿಸ್ತೀರಿ, ಯುವಕರ ಕೆಲ್ಸಕ್ಕೆ ಏನ್ ದಾರಿ ತೋರಿಸ್ತೀರಿ?’ ಗುಡ್ಡೆ ತಕರಾರು.</p><p>ಯಾಕೋ ವಿಷಯ ಎಲ್ಲೆಲ್ಲಿಗೋ ಹೋಗ್ತತಿ ಅನ್ನಿಸಿ ದುಬ್ಬೀರ ‘ಈಗ ಅದು ಬಿಡ್ರೆಪ, ಈಗ ನಮ್ ತೆಪರೇಸಿಗೆ ಚೆಕ್ ಇಡೋರು ಯಾರು?’ ಎಂದ.</p><p>‘ತೆಪರನಿಗಾ? ಇನ್ಯಾರು ಅವನೆಂಡ್ತಿ ಪಮ್ಮಿ!’ ಕೊಟ್ರ ಕಿಸಕ್ಕೆಂದ.</p><p>‘ಲೇಯ್, ಸರಿಯಾಗಿ ಮಾತಾಡು ಮಗನೆ’ ತೆಪರೇಸಿಗೆ ಸಿಟ್ಟು ಬಂತು.</p><p>‘ಏನು? ಮಗನೆ ಅಂದ್ಯಾ? ಅಪ್ಪಾ ತಂದೇ... ಖರ್ಚಿಗೆ ಒಂದೆರಡು ಸಾವ್ರ ಪಾಕೆಟ್ ಮನಿ ತಳ್ಳು ಮುಂದೇ...’ ಎಂದ ಕೊಟ್ರ ನಾಟಕೀಯವಾಗಿ. ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಲೇ ಗುಡ್ಡೆ, ಪೇಪರ್ ನೋಡಿದ್ಯಾ? ನಮ್ ಚೆಸ್ ಆಟಗಾರ ಪ್ರಜ್ಞಾನಂದ ವರ್ಲ್ಡ್ ಚಾಂಪಿಯನ್ನ ಸೋಲ್ಸಿ ಈಗ ವಿಶ್ವದ ನಂಬರ್ ಒನ್ ಆಟಗಾರ ಆಗ್ಯಾನಂತೆ. ಎಂಥ ಎಮ್ಮೆ ಅಲ್ವ?’ ಎಂದ ತೆಪರೇಸಿ.</p><p>‘ಎಮ್ಮೆ ಅಲ್ಲ, ಹೆಮ್ಮೆ’ ತಿದ್ದಿದ ದುಬ್ಬೀರ, ‘ಚೆಸ್ ಆಡಾಕೆ ಬಾಳ ಬುದ್ಧಿವಂತಿಕಿ ಬೇಕು, ಚೆಕ್ ಇಟ್ರೆ ಎದುರಿಗೆ ಕೂತೋನು ಹಂಗೇ ಪತರಗುಟ್ಟಬೇಕು’ ಎಂದ.</p><p>‘ಈ ಚೆಕ್ ಇಡೋದ್ರಲ್ಲಿ ನಮ್ ರಾಜಕಾರಣಿಗಳಿಗಿಂತ ಎಕ್ಸ್ಪರ್ಟ್ ಯಾರದಾರಲೆ, ಎಲೆಕ್ಷನ್ ಗೆಲ್ಲಾಕೆ ಅವರಿಗೆ ಇವ್ರು, ಇವರಿಗೆ ಅವ್ರು ಚೆಕ್ ಇಡ್ತಾನೇ ಇರ್ತಾರೆ’ ಗುಡ್ಡೆ ವಿಷಯಾಂತರ ಮಾಡಿದ.</p><p>‘ಗೊತ್ತು ಬಿಡಪ, ಇಂಡಿಯಾಕ್ಕೆ ಭಾರತ, ಟಿಪ್ಪುಗೆ ಸಾವರ್ಕರು, ಜೋಡೋಗೆ ಒಂದು ದೇಶ ಒಂದು ಕಾನೂನು... ಎದುರು ಪಕ್ಷದೋರು ಜಾಸ್ತಿ ಹಾರಾಡಿದ್ರೆ ಇ.ಡಿ. ಐಟಿ... ಇವೆಲ್ಲ ಚೆಕ್ ಇಟ್ಟಂಗೇ ತಾನೆ?’ ಕೊಟ್ರೇಶಿ ಒಂದೊಂದೇ ಬಿಡಿಸಿ ಹೇಳಿದ.</p><p>‘ಅಬಾಬಬ, ಎಷ್ಟು ಶಾಣ್ಯಾ ಅದೀಯಲ್ಲೋ ಕೊಟ್ರಾ. ಸರಿ, ಈಗ ಗ್ಯಾರಂಟಿಗೆ ಏನ್ ಚೆಕ್ಕು? ನ್ಯಾಯ ಯಾತ್ರೆಗೆ ಏನ್ ಚೆಕ್ಕು?’ ತೆಪರೇಸಿ ಕೇಳಿದ.</p><p>‘ಅದ್ಕೆಲ್ಲ ಮಂದಿರ ಐತಲ್ಲ, ಮಂದಿರ ತೋರ್ಸಿ ಚೆಕ್ ಇಡ್ತೀವಿ’.</p><p>‘ಮಂದಿರ ತೋರಿಸ್ತೀರಿ ಸರಿ, ಜನರ ಹೊಟ್ಟೆಗೆ ಏನ್ ತೋರಿಸ್ತೀರಿ, ಯುವಕರ ಕೆಲ್ಸಕ್ಕೆ ಏನ್ ದಾರಿ ತೋರಿಸ್ತೀರಿ?’ ಗುಡ್ಡೆ ತಕರಾರು.</p><p>ಯಾಕೋ ವಿಷಯ ಎಲ್ಲೆಲ್ಲಿಗೋ ಹೋಗ್ತತಿ ಅನ್ನಿಸಿ ದುಬ್ಬೀರ ‘ಈಗ ಅದು ಬಿಡ್ರೆಪ, ಈಗ ನಮ್ ತೆಪರೇಸಿಗೆ ಚೆಕ್ ಇಡೋರು ಯಾರು?’ ಎಂದ.</p><p>‘ತೆಪರನಿಗಾ? ಇನ್ಯಾರು ಅವನೆಂಡ್ತಿ ಪಮ್ಮಿ!’ ಕೊಟ್ರ ಕಿಸಕ್ಕೆಂದ.</p><p>‘ಲೇಯ್, ಸರಿಯಾಗಿ ಮಾತಾಡು ಮಗನೆ’ ತೆಪರೇಸಿಗೆ ಸಿಟ್ಟು ಬಂತು.</p><p>‘ಏನು? ಮಗನೆ ಅಂದ್ಯಾ? ಅಪ್ಪಾ ತಂದೇ... ಖರ್ಚಿಗೆ ಒಂದೆರಡು ಸಾವ್ರ ಪಾಕೆಟ್ ಮನಿ ತಳ್ಳು ಮುಂದೇ...’ ಎಂದ ಕೊಟ್ರ ನಾಟಕೀಯವಾಗಿ. ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
