ಚುರುಮುರಿ: ದೀರ್ಘಾವಧಿ ಡಿಸಿಎಂ!

‘ಕಂಗ್ರಾಟ್ಸ್ ಸರ್...’ ಹಾರ–ತುರಾಯಿಗಳೊಂದಿಗೆ ಮುಗುಳ್ನಗುತ್ತಾ ಒಳಬಂದರು ಡಿಸಿಎಂ.

. ‘ಓಹ್, ಬಾರಯ್ಯ, ಬಾ... ಥ್ಯಾಂಕ್ಯೂ’ ಹಾರ ಹಾಕಿಸಿಕೊಂಡು ಮುಗುಳ್ನಕ್ಕರು ಸಿಎಂ.

. ‘ರಾಜ್ಯದಲ್ಲಿ ದೀರ್ಘಾವಧಿ ಮುಖ್ಯಮಂತ್ರಿ ಆಗಿ ಕೆಲಸ ಮಾಡಿದವರು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದೀರಿ’.

. ‘ಎಲ್ಲಾ ಜನರ ಆಶೀರ್ವಾದ’ ಎನ್ನುತ್ತಾ ಕೂರುವಂತೆ ಸನ್ನೆ ಮಾಡಿ ತಾವೂ ಕುಳಿತರು.

. ‘ಮತ್ತೆ ಸರ್, ಮುಂದೇನು?’

. ‘ಏನಿಲ್ಲ, ಸಂಜೆ ಕಾರ್ಯಕ್ರಮ ಇದೆ ಹೋಗಬೇಕು’.

. ‘ಅದಾಯ್ತು ಸಾರ್, ಆಮೇಲೇನು?’

. ‘ಆಮೇಲೆ ಅಂದ್ರೆ, ನಾಳೆ ಮೈಸೂರಿಗೆ ಹೋಗಬೇಕು’.

. ‘ಅದಲ್ಲ ಸಾರ್... ಹೋಗ್ಲಿ ಬಿಡಿ. ನನ್ನ ಬಗ್ಗೆ ನಿಮಗೇನನಿಸುತ್ತೆ ಸಾರ್?’

. ‘ಒಳ್ಳೆ ನಾಯಕ, ಚೆನ್ನಾಗಿ ಇಂಗ್ಲಿಷ್ ಮಾತನಾಡ್ತೀಯ, ಮಹಾನ್ ದೈವಭಕ್ತ ಬೇರೆ’ ಹೊಗಳತೊಡಗಿದರು.

. ‘ನನ್ನನ್ನ ಮತ್ತಷ್ಟು ಬೆಳೆಸಬೇಕು ಅಂತ ನಿಮಗನ್ನಿಸ್ತಿಲ್ವ ಸಾರ್’.

. ‘ನನಗಿಂತ ಒಂದಿಂಚು ಎತ್ತರಾನೇ ಇದ್ದೀಯಲ್ಲಯ್ಯ, ಮತ್ತೆಷ್ಟು ಬೆಳೆಯಬೇಕು’ ನಗೆಚಟಾಕಿ ಹಾರಿಸಿದರು ಸಿಎಂ.

. ‘ಸಾರ್, ಅದಲ್ಲ. ಈಗ ನೀವು ರಾಜ್ಯದಲ್ಲಿ ದೀರ್ಘಾವಧಿಯವರೆಗೆ ಸಿಎಂ ಕುರ್ಚಿಯಲ್ಲಿದ್ದ ಸಾಧನೆ ಮಾಡಿದ್ದೀರಿ...’ ತಲೆ ಕೆರೆದುಕೊಂಡರು ಡಿಸಿಎಂ.

. ‘ಓಹ್, ಹಾಗಾ..! ಗೊತ್ತಾಯ್ತು. ನನ್ನ ರೀತಿಯೇ ನೀನೂ ಸಾಧನೆ ಮಾಡಬೇಕು ಅಂತ ಕೇಳ್ತಿದ್ದೀಯ ಅಲ್ಲವಾ?’

. ಸ್ವರ್ಗಕ್ಕೆ ಮೂರೇ ಗೇಣು ಅನ್ನುವ ಉತ್ಸಾಹದಲ್ಲಿ ‘ಹೂಂ, ಹೂಂ’ ತಲೆ ಅಲ್ಲಾಡಿಸಿದರು ಡಿಸಿಎಂ.

. ‘ನೋಡು, ಈವರೆಗೂ ರಾಜ್ಯದಲ್ಲಿ ಯಾರೂ ಮಾಡದ ಸಾಧನೆ ಮಾಡುವ ಅವಕಾಶ ನಿನ್ನ ಕೈಯಲ್ಲೇ ಇದೆ’ ಪ್ರೋತ್ಸಾಹದ ಧ್ವನಿಯಲ್ಲಿ ಹೇಳಿದರು ಸಿಎಂ.

. ‘ಹೇಳಿ ಸಾರ್, ನಿಮ್ಮಂಗೆ ನನ್ನದೂ ದಾಖಲೆ ಆಗುತ್ತೆ ಅನ್ನೋದಾದರೆ ಖಂಡಿತ ಮಾಡುತ್ತೇನೆ’.

. ‘ನೋಡಯ್ಯ, ಈ ರಾಜ್ಯದಲ್ಲಿ ಯಾರೂ 5 ವರ್ಷ ಸತತವಾಗಿ ಉಪಮುಖ್ಯಮಂತ್ರಿಯಾಗಿದ್ದ ಸಾಧನೆ ಮಾಡಿಲ್ಲ. ಇನ್ನೂ ಎರಡೂವರೆ ವರ್ಷ ನೀನು ಇದೇ ಹುದ್ದೆಯಲ್ಲಿದ್ದರೆ, ರಾಜ್ಯದಲ್ಲಿಯೇ ದೀರ್ಘಾವಧಿ ಉಪಮುಖ್ಯಮಂತ್ರಿ ಅನ್ನೋ ಹಿರಿಮೆ ನಿನ್ನದಾಗುತ್ತೆ’ ಎಂದು ಕೈ ಕುಲುಕುತ್ತಾ ನಕ್ಕರು.

. ಮರುಕ್ಷಣದಲ್ಲೇ ಡಿಸಿಎಂ ಕಾರು ಹೊರಟಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ದೀರ್ಘಾವಧಿ ಡಿಸಿಎಂ!

ಚಿನಕುರುಳಿ ಕಾರ್ಟೂನ್: ಜನವರಿ 8 ಗುರುವಾರ 2026

ಗುಂಡಣ್ಣ: ಗುರುವಾರ, 08 ಜನವರಿ 2026

ಗವಿಮಠ ಜಾತ್ರೆ: 100 ಕ್ವಿಂಟಲ್‌ ಅಕ್ಕಿ, 10 ಕ್ವಿಂಟಲ್‌ ಸಿಹಿ ತಿನಿಸು ಖಾಲಿ

ಬಿಜೆಪಿ–ಜೆಡಿಎಸ್ ವಿಲೀನವಾದರೆ ನಮಗೂ ಒಳ್ಳೆಯದು: ಡಿಕೆಶಿ

ಮಹಿಳಾ ಪ್ರೀಮಿಯರ್ ಲೀಗ್ ಇಂದಿನಿಂದ; ಹರ್ಮನ್‌ಪ್ರೀತ್ –ಸ್ಮೃತಿ ಮುಖಾಮುಖಿ

ಕ್ವಾಟರ್‌ಫೈನಲ್‌ನಲ್ಲಿ ಕರ್ನಾಟಕ–ಮುಂಬೈ ಹಣಾಹಣಿ

ಬ್ಯಾಡ್ಮಿಂಟನ್‌: ಜೈನ್‌ ವಿ.ವಿಗೆ ಪ್ರಶಸ್ತಿ

ಬ್ಯಾಡ್ಮಿಂಟನ್ ಟೂರ್ನಿ: ಕ್ವಾರ್ಟರ್‌ಗೆ ಸಿಂಧು, ಸಾತ್ವಿಕ್‌–ಚಿರಾಗ್‌

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಚಿನಕುರುಳಿ ಕಾರ್ಟೂನ್: ಜನವರಿ 8 ಗುರುವಾರ 2026

ಗುಂಡಣ್ಣ: ಗುರುವಾರ, 08 ಜನವರಿ 2026

ಗವಿಮಠ ಜಾತ್ರೆ: 100 ಕ್ವಿಂಟಲ್‌ ಅಕ್ಕಿ, 10 ಕ್ವಿಂಟಲ್‌ ಸಿಹಿ ತಿನಿಸು ಖಾಲಿ

ಬಿಜೆಪಿ–ಜೆಡಿಎಸ್ ವಿಲೀನವಾದರೆ ನಮಗೂ ಒಳ್ಳೆಯದು: ಡಿಕೆಶಿ