<p>‘ನಾ ಇಲ್ಲಿರೂ ಬದಲಿಗೆ, ವಿಜಯಪುರದ ಆ ಜಿಲ್ಲಾ ನಿರ್ಮಿತಿ ಕೇಂದ್ರದ ಮ್ಯಾನೇಜರ್ ಮನ್ಯಾಗರ ಹುಟ್ಟಬೇಕಿತ್ತು’ ಬೆಕ್ಕಣ್ಣ ನಿಟ್ಟುಸಿರುಬಿಟ್ಟಿತು.</p>.<p>ಯಾಕೆಂದು ತಿಳಿಯದೇ ನಾನು ಕಕಮಕ ಮುಖಮಾಡಿದೆ.</p>.<p>‘ನೋಡು... ಎಂಥಾ ಚಂದದ ಎಷ್ಟ್ ದೊಡ್ಡ ಮನಿ... ವಿದೇಶದಿಂದ ಸ್ಟೀಮ್ ಬಾತ್ಟಬ್ ತರಿಸಿ ಹಾಕ್ಯಾರಂತ... ಅಲ್ಲಿದ್ದಿದ್ದರೆ ನಾನೂ ಅಷ್ಟು ಚಂದದ ಟಬ್ಬಿನಾಗ ಸ್ಟೀಮ್ ಬಾತ್ ಮಾಡತಿದ್ದೆ. ಇಷ್ಟೆಲ್ಲ ದೊಡ್ ಮನಿ ಕಟ್ಟಬೇಕಂದ್ರ ಹಗಲೂ ರಾತ್ರಿ ಎಷ್ಟರ ಕಷ್ಟಪಟ್ಟು ದುಡಿದಿರಬಕು, ಹೌದಿಲ್ಲೋ’ ಎಂದಿತು.</p>.<p>‘ಹ್ಞೂಂ... ರಗಡ್ ಕಷ್ಟಪಟ್ಟಿರತಾರ. ಎಲ್ಲೆಲ್ಲಿಂದ ಹೆಂಗ ರೊಕ್ಕ ಗುಳುಂ ಮಾಡಬಕು, ಆಮೇಲದನ್ನು ಹೆಂಗ ದಕ್ಕಿಸಿಕೊಳ್ಳಬಕು ಅಂತೆಲ್ಲ ತೆಲಿ ಓಡಿಸಿ, ಭಾನಗಡಿ ಮಾಡೂದು ಸರಳ ಅಂತ ಮಾಡೀಯೇನ್’ ನಾನೂ ಮರುಕದಿಂದ ಹೇಳಿದೆ.</p>.<p>ಎಸಿಬಿ ಇನ್ನೂ ಎಲ್ಲೆಲ್ಲಿ ದಾಳಿ ನಡೆಸಿ, ಯಾವ್ಯಾವ ಅಧಿಕಾರಿಗಳ ಅಕ್ರಮ ಆಸ್ತಿ ಜಪ್ತಿ ಮಾಡಿತು ಎಂಬುದನ್ನೆಲ್ಲ ಓದಿದ ಬೆಕ್ಕಣ್ಣ, ‘ಈ ಗುಳುಂಕೋರ ಅಧಿಕಾರಿಗಳನ್ನ, ಅವರ ಅಕ್ರಮ ಆಸ್ತಿಯನ್ನ ಏನು ಮಾಡತಾರ?’ ಎಂದು ಅಮಾಯಕನಂತೆ ಕೇಳಿತು.</p>.<p>‘ಮಾಡೂದೇನಲೇ... ಬ್ಯಾರೆ ಕಡಿಗೆ ವರ್ಗ ಮಾಡತಾರ. ಅವರೂ ರೊಕ್ಕ ಗುಳುಂ ಮಾಡಾಕೆ ಹೊಸ ದಾರಿ ಕಂಡುಹಿಡಿತಾರ. ಅಲ್ಲಿಗೆ ಚಾಪ್ಟರ್ ಕ್ಲೋಸ್’.</p>.<p>‘ಸರಿ ಬಿಡು... ಈ ಸುದ್ದಿ ಮುಗಿದ ಅಧ್ಯಾಯ’ ಎನ್ನುತ್ತ ಪೇಪರು ಬಿಸಾಕಿ ಗೇಟಿನ ಬಳಿ ಓಡಿತು. ಪಕ್ಕದ ಮನೆಯ ಚಿಂಟೂ ಸಿಂಗ್ ತನ್ನ ಪಗಡಿ ಸರಿಮಾಡಿಕೊಳ್ಳುತ್ತ ಸ್ಕೂಲಿನ ವ್ಯಾನಿಗೆ ಕಾಯುತ್ತಿದ್ದನ್ನು ನೋಡಿತು.</p>.<p>‘ಏ... ತೆಲಿಮ್ಯಾಗೆ ಏನೂ ಹಾಕಬಾರದಂತ ಆರ್ಡರು ಆಗ್ಯದಂತೆ’ ಎಂದು ಉಪದೇಶ ಶುರುಮಾಡಿತು.</p>.<p>‘ಹೋಗಲೇ... ಅದ್ ಹೆಣ್ಮಕ್ಕಳು ಹಾಕೂ ಹಿಜಾಬಿಗೆ... ನಮಗಲ್ಲ...’ ಎಂದು ಚಿಂಟೂ ಜೋರಾಗಿ ಬೆದರಿಸಿದ್ದೇ ಬೆಕ್ಕಣ್ಣ ಬಾಲ ಮುದುರಿ ಕೊಂಡು ‘ಈ ಸುದ್ದಿನೂ ಮುಗಿದ ಅಧ್ಯಾಯ’ ಎಂದು ಗೊಣಗುತ್ತ ಒಳಗೋಡಿ ಬಂದಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನಾ ಇಲ್ಲಿರೂ ಬದಲಿಗೆ, ವಿಜಯಪುರದ ಆ ಜಿಲ್ಲಾ ನಿರ್ಮಿತಿ ಕೇಂದ್ರದ ಮ್ಯಾನೇಜರ್ ಮನ್ಯಾಗರ ಹುಟ್ಟಬೇಕಿತ್ತು’ ಬೆಕ್ಕಣ್ಣ ನಿಟ್ಟುಸಿರುಬಿಟ್ಟಿತು.</p>.<p>ಯಾಕೆಂದು ತಿಳಿಯದೇ ನಾನು ಕಕಮಕ ಮುಖಮಾಡಿದೆ.</p>.<p>‘ನೋಡು... ಎಂಥಾ ಚಂದದ ಎಷ್ಟ್ ದೊಡ್ಡ ಮನಿ... ವಿದೇಶದಿಂದ ಸ್ಟೀಮ್ ಬಾತ್ಟಬ್ ತರಿಸಿ ಹಾಕ್ಯಾರಂತ... ಅಲ್ಲಿದ್ದಿದ್ದರೆ ನಾನೂ ಅಷ್ಟು ಚಂದದ ಟಬ್ಬಿನಾಗ ಸ್ಟೀಮ್ ಬಾತ್ ಮಾಡತಿದ್ದೆ. ಇಷ್ಟೆಲ್ಲ ದೊಡ್ ಮನಿ ಕಟ್ಟಬೇಕಂದ್ರ ಹಗಲೂ ರಾತ್ರಿ ಎಷ್ಟರ ಕಷ್ಟಪಟ್ಟು ದುಡಿದಿರಬಕು, ಹೌದಿಲ್ಲೋ’ ಎಂದಿತು.</p>.<p>‘ಹ್ಞೂಂ... ರಗಡ್ ಕಷ್ಟಪಟ್ಟಿರತಾರ. ಎಲ್ಲೆಲ್ಲಿಂದ ಹೆಂಗ ರೊಕ್ಕ ಗುಳುಂ ಮಾಡಬಕು, ಆಮೇಲದನ್ನು ಹೆಂಗ ದಕ್ಕಿಸಿಕೊಳ್ಳಬಕು ಅಂತೆಲ್ಲ ತೆಲಿ ಓಡಿಸಿ, ಭಾನಗಡಿ ಮಾಡೂದು ಸರಳ ಅಂತ ಮಾಡೀಯೇನ್’ ನಾನೂ ಮರುಕದಿಂದ ಹೇಳಿದೆ.</p>.<p>ಎಸಿಬಿ ಇನ್ನೂ ಎಲ್ಲೆಲ್ಲಿ ದಾಳಿ ನಡೆಸಿ, ಯಾವ್ಯಾವ ಅಧಿಕಾರಿಗಳ ಅಕ್ರಮ ಆಸ್ತಿ ಜಪ್ತಿ ಮಾಡಿತು ಎಂಬುದನ್ನೆಲ್ಲ ಓದಿದ ಬೆಕ್ಕಣ್ಣ, ‘ಈ ಗುಳುಂಕೋರ ಅಧಿಕಾರಿಗಳನ್ನ, ಅವರ ಅಕ್ರಮ ಆಸ್ತಿಯನ್ನ ಏನು ಮಾಡತಾರ?’ ಎಂದು ಅಮಾಯಕನಂತೆ ಕೇಳಿತು.</p>.<p>‘ಮಾಡೂದೇನಲೇ... ಬ್ಯಾರೆ ಕಡಿಗೆ ವರ್ಗ ಮಾಡತಾರ. ಅವರೂ ರೊಕ್ಕ ಗುಳುಂ ಮಾಡಾಕೆ ಹೊಸ ದಾರಿ ಕಂಡುಹಿಡಿತಾರ. ಅಲ್ಲಿಗೆ ಚಾಪ್ಟರ್ ಕ್ಲೋಸ್’.</p>.<p>‘ಸರಿ ಬಿಡು... ಈ ಸುದ್ದಿ ಮುಗಿದ ಅಧ್ಯಾಯ’ ಎನ್ನುತ್ತ ಪೇಪರು ಬಿಸಾಕಿ ಗೇಟಿನ ಬಳಿ ಓಡಿತು. ಪಕ್ಕದ ಮನೆಯ ಚಿಂಟೂ ಸಿಂಗ್ ತನ್ನ ಪಗಡಿ ಸರಿಮಾಡಿಕೊಳ್ಳುತ್ತ ಸ್ಕೂಲಿನ ವ್ಯಾನಿಗೆ ಕಾಯುತ್ತಿದ್ದನ್ನು ನೋಡಿತು.</p>.<p>‘ಏ... ತೆಲಿಮ್ಯಾಗೆ ಏನೂ ಹಾಕಬಾರದಂತ ಆರ್ಡರು ಆಗ್ಯದಂತೆ’ ಎಂದು ಉಪದೇಶ ಶುರುಮಾಡಿತು.</p>.<p>‘ಹೋಗಲೇ... ಅದ್ ಹೆಣ್ಮಕ್ಕಳು ಹಾಕೂ ಹಿಜಾಬಿಗೆ... ನಮಗಲ್ಲ...’ ಎಂದು ಚಿಂಟೂ ಜೋರಾಗಿ ಬೆದರಿಸಿದ್ದೇ ಬೆಕ್ಕಣ್ಣ ಬಾಲ ಮುದುರಿ ಕೊಂಡು ‘ಈ ಸುದ್ದಿನೂ ಮುಗಿದ ಅಧ್ಯಾಯ’ ಎಂದು ಗೊಣಗುತ್ತ ಒಳಗೋಡಿ ಬಂದಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
