‘ಯೋಜನೆಗಳ ಉದ್ದೇಶದ ಬಗ್ಗೆ ನಮಗೆ ಗೌರವ ಇದೆ ರೀ. ಆದರೆ, ಇದು ಸರ್ಕಾರಕ್ಕೆ ಸಂಬಂಧಿಸಿದ ವಿಷಯ. ಆರು ಸಾವಿರ ಕಟ್ಟೋನಿಗೆ ಇನ್ನೊಂದು ಸಾವಿರ ಹೆಚ್ಚಾಗುತ್ತಾ? ಫೈನ್ ಎಷ್ಟೇ ಜಾಸ್ತಿ ಮಾಡಿದರೂ ನೀವ್ಯಾರೂ ಕೇಳೋದಿಲ್ಲ ಅಂತ ಸರ್ಕಾರಕ್ಕೆ ಗೊತ್ತು. ಅದಕ್ಕೆ ಇದೊಂದು ಸೇರಿಸಿದ್ದಾರೆ. ಜಾಸ್ತಿ ಮಾತನಾಡಿದರೆ, ಪ್ರೈಮ್ ಮಿನಿಸ್ಟರ್ ಸಾಹೇಬ್ರ ವಿದೇಶಿ ಪ್ರವಾಸದ ವೆಚ್ಚವನ್ನೂ ನಿಮ್ಮಿಂದಲೇ ಕಿತ್ಕೊಬೇಕಾಗುತ್ತೆ. ತೆಗೀರಿ, ತೆಗೀರಿ’ ಪೊಲೀಸಪ್ಪನ ಮಾತು ಗಡುಸಾಯಿತು.