<p>ಕೊರೊನಣ್ಣನಿಗೆ ಖರೇ ಖರೇ ವಿಪರೀತ ಚಿಂತೆಗಿಟ್ಟುಕೊಂಡಿತು. ಯಾವ ಟಿ.ವಿಯವರೂ ಕ್ಯಾರೇ ಎನ್ನುತ್ತಿಲ್ಲ. ರುದ್ರಭಯಾನಕ ಹೆಡ್ಲೈನುಗಳನ್ನು ಕೊಟ್ಟು, ಕೊರೊನಾ ಸುದ್ದಿ ವದರುತ್ತಿದ್ದವರು, ಈಗ ಮಿಂಚಿ ಮಾಯವಾಗುವ ಸ್ಕ್ರಾಲ್<br />ಗಳಲ್ಲಿಯೂ ಇಷ್ಟು ಜನ ಸೋಂಕಿತರು, ಇಷ್ಟು ಜನ ಸತ್ತರು ಎಂದು ಇರುವೆಯೊಂದು ಕಡಿಯಿತು ಎಂಬಷ್ಟು ಸಹಜವಾಗಿ, ಅಗದಿ ಸೌಮ್ಯವಾಗಿ ಹೇಳುತ್ತಿದ್ದಾರೆ.</p>.<p>ಯಾವ ವಾಹಿನಿ ತಿರುಗಿಸಿದರೂ, ಇಡೀ ದಿನ ಒಂದೇ ಸೀರೆಯಲ್ಲಿ ಕಳೆದ ರಾಗಿಣಿ, ವಕೀಲರು ಬರಲಿ ಎಂದು ಸಂಜನಾ ಪಟ್ಟು ಹಿಡಿದಿದ್ದು, ಅತ್ತ ಕಂಗನಾ ವೈ ಶ್ರೇಣಿ ರಕ್ಷಕರ ನಡುವೆ ವೀರಯೋಧೆಯಂತೆ ಮುಂಬೈಗೆ ಬಂದಿಳಿದು ಟ್ವಿಟರ್ ಸಮರ ಸಾರಿದ್ದು... ಇವೇ ಸುದ್ದಿಗಳು.</p>.<p>‘ಯಾರಿಗೂ ಸಡ್ಡು ಹೊಡೆಯದ ಟ್ರಂಪಣ್ಣನ ಅಮೆರಿಕವನ್ನೇ ನಡುಗಿಸಿದೆ, ಇದಕ್ಕೆಲ್ಲ ಮೂಲಕಾರಣ ಎಂದು ಎಲ್ಲ ದೇಶಗಳು ಚೀನಾಗೆ ಬೈದುಕೊಳ್ಳುವಂತೆ ಮಾಡಿ, ಚೀನೀಯರ ಹಮ್ಮು ಇಳಿಸಿದೆ. ಎಲ್ಲಾರ ಪೌರತ್ವ ಕೇಳತೀರಲ್ಲ, ಪೌರತ್ವವೇ ಇಲ್ಲದ ನನ್ನ ಪೌರುಷ ನೋಡಿ ಎಂದು ಗೃಹಮಂತ್ರಿಗೇ ಅಟ್ಯಾಕ್ ಮಾಡಿದೆ. ಈಗ<br />ಅದ್ಯಾರೋ ಡ್ರಗ್ಗಣ್ಣ ಬಂದು ನನ್ನ ಟಿಆರ್ಪಿ<br />ಯನ್ನೆಲ್ಲ ಕಿತ್ತುಕೊಳ್ಳುವುದೇ... ಛೇ...’<br />ಕೊರೊನಣ್ಣನಿಗೆ ಮೈ ಪರಚಿಕೊಳ್ಳುವಂತಾಯಿತು. ಆ ಡ್ರಗ್ಗಣ್ಣ ಮೈಮನದಲ್ಲಿ ಏರಿಸುವ ನಶೆ ಕುರಿತು ಕುತೂಹಲವೂ ಆಯಿತು. ಒಂದ್ ಚಿಟಿಕೆ ಏರಿಸಿ ನೋಡಿಯೇಬಿಡೋಣವೆಂದು ಕೊರೊನಣ್ಣ ಡ್ರಗ್ಗಣ್ಣನಿಗೆ ಫೋನ್ ಹಚ್ಚಿದ.</p>.<p>ಬಲು ಹುಷಾರಿನಿಂದ ಮಾತಾಡಿದ ಡ್ರಗ್ಗಣ್ಣ ‘ನಮ್ಮದೆಲ್ಲ ಕ್ರಿಪ್ಟೋ ಕರೆನ್ಸಿ... ಗಾಂಧಿ ಮುತ್ಯಾನ ಹಳೇ ನೋಟು ಹಿಡಕಂಡು ಬಂದ್ರೆ ನಡೆಯಂಗಿಲ್ಲ’ ಎಂದ.</p>.<p>‘ಯಾವ ದೇಶದ ಕರೆನ್ಸಿ ಬೇಕು ಹೇಳು, ಅದ್ನೇ ಕೊಡಾಮು. ಎಲ್ಲಿ ಬರಬೇಕಣ್ಣ’ ಇವನ ಆತುರದಿಂದ ತುಸು ಅನುಮಾನಗೊಂಡ ಡ್ರಗ್ಗಣ್ಣ ಹೆಸರು ಕೇಳಿದ.</p>.<p>‘ನಾನು ಕೊರೊನಣ್ಣ’ ಎನ್ನುತ್ತಿರುವಂತೆ, ಇದೆಲ್ಲ ಆ ಸಿಸಿಬಿ ಪೊಲೀಸರದೇ ಕಿತಾಪತಿ ಎಂದುಕೊಂಡ ಡ್ರಗ್ಗಣ್ಣ ಮೆತ್ತಗೆ ಮೊಬೈಲಿನ ಸಿಮ್ ತೆಗೆದು ಕಮೋಡಿಗೆ ಒಗೆದ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೊರೊನಣ್ಣನಿಗೆ ಖರೇ ಖರೇ ವಿಪರೀತ ಚಿಂತೆಗಿಟ್ಟುಕೊಂಡಿತು. ಯಾವ ಟಿ.ವಿಯವರೂ ಕ್ಯಾರೇ ಎನ್ನುತ್ತಿಲ್ಲ. ರುದ್ರಭಯಾನಕ ಹೆಡ್ಲೈನುಗಳನ್ನು ಕೊಟ್ಟು, ಕೊರೊನಾ ಸುದ್ದಿ ವದರುತ್ತಿದ್ದವರು, ಈಗ ಮಿಂಚಿ ಮಾಯವಾಗುವ ಸ್ಕ್ರಾಲ್<br />ಗಳಲ್ಲಿಯೂ ಇಷ್ಟು ಜನ ಸೋಂಕಿತರು, ಇಷ್ಟು ಜನ ಸತ್ತರು ಎಂದು ಇರುವೆಯೊಂದು ಕಡಿಯಿತು ಎಂಬಷ್ಟು ಸಹಜವಾಗಿ, ಅಗದಿ ಸೌಮ್ಯವಾಗಿ ಹೇಳುತ್ತಿದ್ದಾರೆ.</p>.<p>ಯಾವ ವಾಹಿನಿ ತಿರುಗಿಸಿದರೂ, ಇಡೀ ದಿನ ಒಂದೇ ಸೀರೆಯಲ್ಲಿ ಕಳೆದ ರಾಗಿಣಿ, ವಕೀಲರು ಬರಲಿ ಎಂದು ಸಂಜನಾ ಪಟ್ಟು ಹಿಡಿದಿದ್ದು, ಅತ್ತ ಕಂಗನಾ ವೈ ಶ್ರೇಣಿ ರಕ್ಷಕರ ನಡುವೆ ವೀರಯೋಧೆಯಂತೆ ಮುಂಬೈಗೆ ಬಂದಿಳಿದು ಟ್ವಿಟರ್ ಸಮರ ಸಾರಿದ್ದು... ಇವೇ ಸುದ್ದಿಗಳು.</p>.<p>‘ಯಾರಿಗೂ ಸಡ್ಡು ಹೊಡೆಯದ ಟ್ರಂಪಣ್ಣನ ಅಮೆರಿಕವನ್ನೇ ನಡುಗಿಸಿದೆ, ಇದಕ್ಕೆಲ್ಲ ಮೂಲಕಾರಣ ಎಂದು ಎಲ್ಲ ದೇಶಗಳು ಚೀನಾಗೆ ಬೈದುಕೊಳ್ಳುವಂತೆ ಮಾಡಿ, ಚೀನೀಯರ ಹಮ್ಮು ಇಳಿಸಿದೆ. ಎಲ್ಲಾರ ಪೌರತ್ವ ಕೇಳತೀರಲ್ಲ, ಪೌರತ್ವವೇ ಇಲ್ಲದ ನನ್ನ ಪೌರುಷ ನೋಡಿ ಎಂದು ಗೃಹಮಂತ್ರಿಗೇ ಅಟ್ಯಾಕ್ ಮಾಡಿದೆ. ಈಗ<br />ಅದ್ಯಾರೋ ಡ್ರಗ್ಗಣ್ಣ ಬಂದು ನನ್ನ ಟಿಆರ್ಪಿ<br />ಯನ್ನೆಲ್ಲ ಕಿತ್ತುಕೊಳ್ಳುವುದೇ... ಛೇ...’<br />ಕೊರೊನಣ್ಣನಿಗೆ ಮೈ ಪರಚಿಕೊಳ್ಳುವಂತಾಯಿತು. ಆ ಡ್ರಗ್ಗಣ್ಣ ಮೈಮನದಲ್ಲಿ ಏರಿಸುವ ನಶೆ ಕುರಿತು ಕುತೂಹಲವೂ ಆಯಿತು. ಒಂದ್ ಚಿಟಿಕೆ ಏರಿಸಿ ನೋಡಿಯೇಬಿಡೋಣವೆಂದು ಕೊರೊನಣ್ಣ ಡ್ರಗ್ಗಣ್ಣನಿಗೆ ಫೋನ್ ಹಚ್ಚಿದ.</p>.<p>ಬಲು ಹುಷಾರಿನಿಂದ ಮಾತಾಡಿದ ಡ್ರಗ್ಗಣ್ಣ ‘ನಮ್ಮದೆಲ್ಲ ಕ್ರಿಪ್ಟೋ ಕರೆನ್ಸಿ... ಗಾಂಧಿ ಮುತ್ಯಾನ ಹಳೇ ನೋಟು ಹಿಡಕಂಡು ಬಂದ್ರೆ ನಡೆಯಂಗಿಲ್ಲ’ ಎಂದ.</p>.<p>‘ಯಾವ ದೇಶದ ಕರೆನ್ಸಿ ಬೇಕು ಹೇಳು, ಅದ್ನೇ ಕೊಡಾಮು. ಎಲ್ಲಿ ಬರಬೇಕಣ್ಣ’ ಇವನ ಆತುರದಿಂದ ತುಸು ಅನುಮಾನಗೊಂಡ ಡ್ರಗ್ಗಣ್ಣ ಹೆಸರು ಕೇಳಿದ.</p>.<p>‘ನಾನು ಕೊರೊನಣ್ಣ’ ಎನ್ನುತ್ತಿರುವಂತೆ, ಇದೆಲ್ಲ ಆ ಸಿಸಿಬಿ ಪೊಲೀಸರದೇ ಕಿತಾಪತಿ ಎಂದುಕೊಂಡ ಡ್ರಗ್ಗಣ್ಣ ಮೆತ್ತಗೆ ಮೊಬೈಲಿನ ಸಿಮ್ ತೆಗೆದು ಕಮೋಡಿಗೆ ಒಗೆದ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
