<p>ಕೊಟ್ಟಿಗೆಯಲ್ಲಿ ಕುರಿ, ಟಗರು, ಹೋತ ಎಲ್ಲ ಸೇರಿ ಮೇಕೆಯನ್ನು ಕಟಕಟೆಯಲ್ಲಿ ನಿಲ್ಲಿಸಿದ್ದವು.</p>.<p>‘ಏನಲೆ, ದಿನಬೆಳಗಾದ್ರೆ ಟಿ.ವಿ., ಪೇಪರ್ ತುಂಬ ಬರೀ ನಿಂದೇ ಸುದ್ದಿ... ಮೇಕೆದಾಟು, ಮೇಕೆದಾಟು. ಅದೆಲ್ಲಿ ಏನು ದಾಟಿ ಬಂದಿದ್ದಿ ಬೊಗಳು’ ಎಂದಿತು ಟಗರು.</p>.<p>‘ಕಂಡ ಕಂಡ ಸೊಪ್ಪೆಲ್ಲ ತಿನ್ನಾಕೆ ಹೋಗ್ತಾನೆ. ಎಲ್ಲೋ ಏನೋ ದಾಟಿ ಬಂದಿರಬೇಕು. ಇಲ್ಲಾಂದ್ರೆ ಅಟಾಕಂದು ಜನ ಯಾಕೆ ಸೇರ್ತಿದ್ರು?’ ಕುರಿಯೂ ಆಕ್ಷೇಪಿಸಿತು.</p>.<p>‘ನಂದೇನೂ ತಪ್ಪಿಲ್ಲ... ನಾನು ತಿಂದ್ರೆ ಬೇಲಿ ಮ್ಯಾಗಿನ ಸೊಪ್ಪು ತಿಂತೀನಿ. ಈ ರಾಜಕಾರಣಿಗಳ ತರ ಸಿಕ್ಕಿದ್ದೆಲ್ಲ ತಿಂತೀನಾ?’ ಮೇಕೆ ಕಣ್ಣೀರು ಹಾಕಿತು.</p>.<p>‘ಲೇಯ್, ಅವರೇನು ಸುಂಸುಮ್ನೆ ಪಾದಯಾತ್ರೆ ಮಾಡ್ತಾರಾ? ತೀರ ಗಂಡಸ್ತನದ ಮಾತಾಡ್ತಾರೆ ಅಂದ್ರೆ ಏನರ್ಥ? ನಿನ್ನಿಂದಲೇ ಅದೆಲ್ಲ ಆಗಿರೋದು’ ಹೋತ ನೇರ ಆರೋಪ ಮಾಡಿತು.</p>.<p>‘ನಂಗೇನೂ ಗೊತ್ತಿಲ್ಲ, ನಂಗೂ ಅದ್ಕೂ ಸಂಬಂಧ ಇಲ್ಲ’ ಮೇಕೆ ವಾದಿಸಿತು.</p>.<p>ಅಷ್ಟರಲ್ಲಿ ಕೊಟ್ಟಿಗೆಯಲ್ಲಿದ್ದ ಹಸುವೊಂದು ‘ಲೇಯ್ ತೆಪರಗಳಾ... ಮೇಕೆದಾಟು ಅಂದ್ರೆ ಅದು ಮೇಕೆ ದಾಟಿದ್ದಲ್ಲ. ಅದರ ಹೆಸರಲ್ಲಿ ಜನರಿಗೆ ನೀರು ಕುಡಿಸೋದು. ಮುಂದೆ ಎಲೆಕ್ಷನ್ ಬಂದಾಗ ಮುಖ್ಯಮಂತ್ರಿ ಆಗೋದು...’</p>.<p>‘ಅಲ್ಲ ಜನರಿಗೆ ಗುಂಡು ಕೊಡಿಸಿ ಎಲೆಕ್ಷನ್ ಗೆಲ್ಲೋದು ಕೇಳಿದೀನಿ. ನೀರು ಕುಡಿಸಿದ್ರೆ ಜನ ವೋಟು ಹಾಕ್ತಾರಾ?’ ಹೋತಕ್ಕೆ ಅನುಮಾನ.</p>.<p>‘ಮತ್ತೆ ಇವರು ಪಾದಯಾತ್ರೆ ಮಾಡಿದ್ರೆ ಅವರು ನಿಲ್ಲಿಸ್ತಾರಲ್ಲ ಯಾಕೆ? ಮುಖ್ಯಮಂತ್ರಿ ಆಗೋದನ್ನ ತಡೆಯೋಕಾ?’ ಕುರಿ ಕೇಳಿತು.</p>.<p>‘ಹ್ಞುಂ ಮತ್ತೆ, ರಾಜಕೀಯ ಅಂದ್ರೆ ಅದೇ’ ಹಸು ತಲೆಯಾಡಿಸಿತು.</p>.<p>‘ಹಂಗಾದ್ರೆ ನಾನೂ ಪಾದಯಾತ್ರೆ ಮಾಡ್ತೀನಿ’ ಮೇಕೆ ಹೇಳಿದಾಗ ಎಲ್ಲರಿಗೂ ಆಶ್ಚರ್ಯ.</p>.<p>‘ಏನು? ನೀನೂ ಪಾದಯಾತ್ರೆ ಮಾಡ್ತೀಯ? ಯಾಕೆ?’</p>.<p>‘ನನ್ನ ಹೆಸರಲ್ಲಿ ಪಾದಯಾತ್ರೆ ಮಾಡೋರು ಮುಖ್ಯಮಂತ್ರಿ ಆಗೋದಾದ್ರೆ ನಾನೇ ಪಾದಯಾತ್ರೆ ಮಾಡಿ ನಾನೇ ಮುಖ್ಯಮಂತ್ರಿ ಆಗಬಹುದಲ್ವಾ?’</p>.<p>ಮೇಕೆ ತರ್ಕಕ್ಕೆ ಯಾರಿಗೂ ಮಾತೇ ಹೊರಡಲಿಲ್ಲ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೊಟ್ಟಿಗೆಯಲ್ಲಿ ಕುರಿ, ಟಗರು, ಹೋತ ಎಲ್ಲ ಸೇರಿ ಮೇಕೆಯನ್ನು ಕಟಕಟೆಯಲ್ಲಿ ನಿಲ್ಲಿಸಿದ್ದವು.</p>.<p>‘ಏನಲೆ, ದಿನಬೆಳಗಾದ್ರೆ ಟಿ.ವಿ., ಪೇಪರ್ ತುಂಬ ಬರೀ ನಿಂದೇ ಸುದ್ದಿ... ಮೇಕೆದಾಟು, ಮೇಕೆದಾಟು. ಅದೆಲ್ಲಿ ಏನು ದಾಟಿ ಬಂದಿದ್ದಿ ಬೊಗಳು’ ಎಂದಿತು ಟಗರು.</p>.<p>‘ಕಂಡ ಕಂಡ ಸೊಪ್ಪೆಲ್ಲ ತಿನ್ನಾಕೆ ಹೋಗ್ತಾನೆ. ಎಲ್ಲೋ ಏನೋ ದಾಟಿ ಬಂದಿರಬೇಕು. ಇಲ್ಲಾಂದ್ರೆ ಅಟಾಕಂದು ಜನ ಯಾಕೆ ಸೇರ್ತಿದ್ರು?’ ಕುರಿಯೂ ಆಕ್ಷೇಪಿಸಿತು.</p>.<p>‘ನಂದೇನೂ ತಪ್ಪಿಲ್ಲ... ನಾನು ತಿಂದ್ರೆ ಬೇಲಿ ಮ್ಯಾಗಿನ ಸೊಪ್ಪು ತಿಂತೀನಿ. ಈ ರಾಜಕಾರಣಿಗಳ ತರ ಸಿಕ್ಕಿದ್ದೆಲ್ಲ ತಿಂತೀನಾ?’ ಮೇಕೆ ಕಣ್ಣೀರು ಹಾಕಿತು.</p>.<p>‘ಲೇಯ್, ಅವರೇನು ಸುಂಸುಮ್ನೆ ಪಾದಯಾತ್ರೆ ಮಾಡ್ತಾರಾ? ತೀರ ಗಂಡಸ್ತನದ ಮಾತಾಡ್ತಾರೆ ಅಂದ್ರೆ ಏನರ್ಥ? ನಿನ್ನಿಂದಲೇ ಅದೆಲ್ಲ ಆಗಿರೋದು’ ಹೋತ ನೇರ ಆರೋಪ ಮಾಡಿತು.</p>.<p>‘ನಂಗೇನೂ ಗೊತ್ತಿಲ್ಲ, ನಂಗೂ ಅದ್ಕೂ ಸಂಬಂಧ ಇಲ್ಲ’ ಮೇಕೆ ವಾದಿಸಿತು.</p>.<p>ಅಷ್ಟರಲ್ಲಿ ಕೊಟ್ಟಿಗೆಯಲ್ಲಿದ್ದ ಹಸುವೊಂದು ‘ಲೇಯ್ ತೆಪರಗಳಾ... ಮೇಕೆದಾಟು ಅಂದ್ರೆ ಅದು ಮೇಕೆ ದಾಟಿದ್ದಲ್ಲ. ಅದರ ಹೆಸರಲ್ಲಿ ಜನರಿಗೆ ನೀರು ಕುಡಿಸೋದು. ಮುಂದೆ ಎಲೆಕ್ಷನ್ ಬಂದಾಗ ಮುಖ್ಯಮಂತ್ರಿ ಆಗೋದು...’</p>.<p>‘ಅಲ್ಲ ಜನರಿಗೆ ಗುಂಡು ಕೊಡಿಸಿ ಎಲೆಕ್ಷನ್ ಗೆಲ್ಲೋದು ಕೇಳಿದೀನಿ. ನೀರು ಕುಡಿಸಿದ್ರೆ ಜನ ವೋಟು ಹಾಕ್ತಾರಾ?’ ಹೋತಕ್ಕೆ ಅನುಮಾನ.</p>.<p>‘ಮತ್ತೆ ಇವರು ಪಾದಯಾತ್ರೆ ಮಾಡಿದ್ರೆ ಅವರು ನಿಲ್ಲಿಸ್ತಾರಲ್ಲ ಯಾಕೆ? ಮುಖ್ಯಮಂತ್ರಿ ಆಗೋದನ್ನ ತಡೆಯೋಕಾ?’ ಕುರಿ ಕೇಳಿತು.</p>.<p>‘ಹ್ಞುಂ ಮತ್ತೆ, ರಾಜಕೀಯ ಅಂದ್ರೆ ಅದೇ’ ಹಸು ತಲೆಯಾಡಿಸಿತು.</p>.<p>‘ಹಂಗಾದ್ರೆ ನಾನೂ ಪಾದಯಾತ್ರೆ ಮಾಡ್ತೀನಿ’ ಮೇಕೆ ಹೇಳಿದಾಗ ಎಲ್ಲರಿಗೂ ಆಶ್ಚರ್ಯ.</p>.<p>‘ಏನು? ನೀನೂ ಪಾದಯಾತ್ರೆ ಮಾಡ್ತೀಯ? ಯಾಕೆ?’</p>.<p>‘ನನ್ನ ಹೆಸರಲ್ಲಿ ಪಾದಯಾತ್ರೆ ಮಾಡೋರು ಮುಖ್ಯಮಂತ್ರಿ ಆಗೋದಾದ್ರೆ ನಾನೇ ಪಾದಯಾತ್ರೆ ಮಾಡಿ ನಾನೇ ಮುಖ್ಯಮಂತ್ರಿ ಆಗಬಹುದಲ್ವಾ?’</p>.<p>ಮೇಕೆ ತರ್ಕಕ್ಕೆ ಯಾರಿಗೂ ಮಾತೇ ಹೊರಡಲಿಲ್ಲ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
