<p>ಬೆಕ್ಕಣ್ಣ ಯುಟ್ಯೂಬಿನಲ್ಲಿ ವಿಡಿಯೊ ನೋಡುತ್ತ ಅಗದಿ ರೋಮಾಂಚನದಿಂದ, ‘ಯಪ್ಪೋ... ದೃಷ್ಟಿಯಾಗತೈತಿ’ ಎನ್ನುತ್ತ, ಲ್ಯಾಪ್ಟಾಪ್ ಪರದೆಗೇ ಕೈಯಿಂದ ನಿವಾಳಿಸಿ, ನೆಟಿಕೆ ಮುರಿದು ದೃಷ್ಟಿ ತೆಗೆಯಿತು.</p>.<p>‘ಯಾರಿಗೆ ದೃಷ್ಟಿ ತೆಗೆಯಾಕೆ ಹತ್ತೀಯಲೇ’ ಎಂದೆ ಅಚ್ಚರಿಯಿಂದ.</p>.<p>‘ಮೋದಿಮಾಮಾ ಕೆಂಪು ಕೋಟೆವಳಗ ಹನ್ನೆರಡನೇ ಸಲ ಭಾಷಣ ಮಾಡ್ಯಾನೆ... ಈ ಸಲನೂ ರೆಕಾರ್ಡ್ ನಮ್ ಮೋದಿಮಾಮಂದೇ!’ ಎಂದು ಎದೆಯುಬ್ಬಿಸಿತು. </p>.<p>‘2015ರ ಸ್ವಾತಂತ್ರ್ಯ ದಿನಾಚರಣೆ ದಿನ 88 ನಿಮಿಷ ಮಾತನಾಡಿದ್ರು, ಆವಾಗ ನೆಹರೂ ಹೆಸರಿನಲ್ಲಿದ್ದ ದಾಖಲೆ ಮುರಿದಿದ್ದರು. ಹೋದ ವರ್ಸ 98 ನಿಮಿಷ ಮಾತಾಡಿದ್ರು. ಈ ಸಲ ಅದಕ್ಕಿಂತಲೂ ಐದು ನಿಮಿಷ ಹೆಚ್ಚು ಭಾಷಣ ಮಾಡಿ, ತಮ್ಮದೇ ದಾಖಲೆ ಮುರಿದಾರೆ’ ಬೆಕ್ಕಣ್ಣ ಪುಳಕದಿಂದ ವಿವರಿಸಿತು.</p>.<p>‘ಪ್ರತಿಸಲಾನೂ ಬ್ಯಾರೆ ಬ್ಯಾರೆ ಬಣ್ಣದ, ವಿಭಿನ್ನ ಶೈಲಿಯ ರುಮಾಲು ತಲಿಗಿ ಸುತ್ತಿರತಾರಲ್ಲ… ಅದೂ ಒಂದು ರೆಕಾರ್ಡೇ ಮತ್ತ!’ ಎಂದೆ. </p>.<p>‘ಸುಮ್ಮನೇ ಕೊಂಕು ಮಾತಾಡಬ್ಯಾಡ. 75ರ ವಯಸ್ಸಿನಲ್ಲಿ 103 ನಿಮಿಷ ನಿಂತು ಭಾಷಣ ಕುಟ್ಟೋ ಸಾಮರ್ಥ್ಯ ಎಷ್ಟ್ ಮಂದಿಗಿ ಇರತೈತಿ?’ ಎಂದು ಗುರುಗುಟ್ಟಿತು.</p>.<p>‘ಹೋಗಲಿ ಬಿಡು… ಜಿಎಸ್ಟಿ ಇಳಸತೀವಿ ಅಂದ್ರಲ್ಲ, ಅದೇ ಸಮಾಧಾನ’ ಎಂದೆ.</p>.<p>‘ಅಷ್ಟೇ ಅಲ್ಲ… ನಮ್ಮದೇ ಅಂತರಿಕ್ಷ ಬಾಹ್ಯಾಕಾಶ ನಿಲ್ದಾಣ ನಿರ್ಮಿಸತೀವಿ ಅಂದಾರೆ. ನಾವೀಗ ಆಕಾಶಕ್ಕೇ ಏಣಿ ಹಾಕೋರು!’ ಎಂದಿತು ಹೆಮ್ಮೆಯಿಂದ.</p>.<p>‘ನೆತ್ತಿ ಮ್ಯಾಗೆ ಸೂರಿಲ್ಲದ ಲಕ್ಷಗಟ್ಟಲೆ ಮಂದಿಗೆ ಸೂರು ಮಾಡೂದು ಬಿಟ್ಟು, ಆಕಾಶದಾಗೆ ನಿಲ್ದಾಣ ಎದಕ್ಕೆ ಬೇಕಲೇ? ಸಂಶೋಧನೆ ಮಾಡೂದಿದ್ದರೆ ಎಲ್ಲ ದೇಶದವ್ರಿಗೂ ಸೇರಿದ ಬಾಹ್ಯಾಕಾಶ ನಿಲ್ದಾಣದಾಗೇ ಮಾಡಬೌದು’ ಎಂದೆ.</p>.<p>‘ನೀ ಭಯಂಕರ ನ್ಯಾರೋಮೈಂಡೆಂಡ್ ಇದ್ದಿ! ಶುಭಾಂಶು ಶುಕ್ಲಾನಂಗೆ ನಮ್ಮೋರು ನೂರಾರು ಮಂದಿ ಗಗನಯಾನ ಮಾಡತಾರೆ. ಹಿಂಗಾಗಿ ಆಕಾಶದಾಗೆ ಸ್ವಂತ ಸೂರು ಬೇಕು’ ಎಂದು ಗುರುಗುಟ್ಟಿ, ಎದೆಯುಬ್ಬಿಸಿತು! </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಕ್ಕಣ್ಣ ಯುಟ್ಯೂಬಿನಲ್ಲಿ ವಿಡಿಯೊ ನೋಡುತ್ತ ಅಗದಿ ರೋಮಾಂಚನದಿಂದ, ‘ಯಪ್ಪೋ... ದೃಷ್ಟಿಯಾಗತೈತಿ’ ಎನ್ನುತ್ತ, ಲ್ಯಾಪ್ಟಾಪ್ ಪರದೆಗೇ ಕೈಯಿಂದ ನಿವಾಳಿಸಿ, ನೆಟಿಕೆ ಮುರಿದು ದೃಷ್ಟಿ ತೆಗೆಯಿತು.</p>.<p>‘ಯಾರಿಗೆ ದೃಷ್ಟಿ ತೆಗೆಯಾಕೆ ಹತ್ತೀಯಲೇ’ ಎಂದೆ ಅಚ್ಚರಿಯಿಂದ.</p>.<p>‘ಮೋದಿಮಾಮಾ ಕೆಂಪು ಕೋಟೆವಳಗ ಹನ್ನೆರಡನೇ ಸಲ ಭಾಷಣ ಮಾಡ್ಯಾನೆ... ಈ ಸಲನೂ ರೆಕಾರ್ಡ್ ನಮ್ ಮೋದಿಮಾಮಂದೇ!’ ಎಂದು ಎದೆಯುಬ್ಬಿಸಿತು. </p>.<p>‘2015ರ ಸ್ವಾತಂತ್ರ್ಯ ದಿನಾಚರಣೆ ದಿನ 88 ನಿಮಿಷ ಮಾತನಾಡಿದ್ರು, ಆವಾಗ ನೆಹರೂ ಹೆಸರಿನಲ್ಲಿದ್ದ ದಾಖಲೆ ಮುರಿದಿದ್ದರು. ಹೋದ ವರ್ಸ 98 ನಿಮಿಷ ಮಾತಾಡಿದ್ರು. ಈ ಸಲ ಅದಕ್ಕಿಂತಲೂ ಐದು ನಿಮಿಷ ಹೆಚ್ಚು ಭಾಷಣ ಮಾಡಿ, ತಮ್ಮದೇ ದಾಖಲೆ ಮುರಿದಾರೆ’ ಬೆಕ್ಕಣ್ಣ ಪುಳಕದಿಂದ ವಿವರಿಸಿತು.</p>.<p>‘ಪ್ರತಿಸಲಾನೂ ಬ್ಯಾರೆ ಬ್ಯಾರೆ ಬಣ್ಣದ, ವಿಭಿನ್ನ ಶೈಲಿಯ ರುಮಾಲು ತಲಿಗಿ ಸುತ್ತಿರತಾರಲ್ಲ… ಅದೂ ಒಂದು ರೆಕಾರ್ಡೇ ಮತ್ತ!’ ಎಂದೆ. </p>.<p>‘ಸುಮ್ಮನೇ ಕೊಂಕು ಮಾತಾಡಬ್ಯಾಡ. 75ರ ವಯಸ್ಸಿನಲ್ಲಿ 103 ನಿಮಿಷ ನಿಂತು ಭಾಷಣ ಕುಟ್ಟೋ ಸಾಮರ್ಥ್ಯ ಎಷ್ಟ್ ಮಂದಿಗಿ ಇರತೈತಿ?’ ಎಂದು ಗುರುಗುಟ್ಟಿತು.</p>.<p>‘ಹೋಗಲಿ ಬಿಡು… ಜಿಎಸ್ಟಿ ಇಳಸತೀವಿ ಅಂದ್ರಲ್ಲ, ಅದೇ ಸಮಾಧಾನ’ ಎಂದೆ.</p>.<p>‘ಅಷ್ಟೇ ಅಲ್ಲ… ನಮ್ಮದೇ ಅಂತರಿಕ್ಷ ಬಾಹ್ಯಾಕಾಶ ನಿಲ್ದಾಣ ನಿರ್ಮಿಸತೀವಿ ಅಂದಾರೆ. ನಾವೀಗ ಆಕಾಶಕ್ಕೇ ಏಣಿ ಹಾಕೋರು!’ ಎಂದಿತು ಹೆಮ್ಮೆಯಿಂದ.</p>.<p>‘ನೆತ್ತಿ ಮ್ಯಾಗೆ ಸೂರಿಲ್ಲದ ಲಕ್ಷಗಟ್ಟಲೆ ಮಂದಿಗೆ ಸೂರು ಮಾಡೂದು ಬಿಟ್ಟು, ಆಕಾಶದಾಗೆ ನಿಲ್ದಾಣ ಎದಕ್ಕೆ ಬೇಕಲೇ? ಸಂಶೋಧನೆ ಮಾಡೂದಿದ್ದರೆ ಎಲ್ಲ ದೇಶದವ್ರಿಗೂ ಸೇರಿದ ಬಾಹ್ಯಾಕಾಶ ನಿಲ್ದಾಣದಾಗೇ ಮಾಡಬೌದು’ ಎಂದೆ.</p>.<p>‘ನೀ ಭಯಂಕರ ನ್ಯಾರೋಮೈಂಡೆಂಡ್ ಇದ್ದಿ! ಶುಭಾಂಶು ಶುಕ್ಲಾನಂಗೆ ನಮ್ಮೋರು ನೂರಾರು ಮಂದಿ ಗಗನಯಾನ ಮಾಡತಾರೆ. ಹಿಂಗಾಗಿ ಆಕಾಶದಾಗೆ ಸ್ವಂತ ಸೂರು ಬೇಕು’ ಎಂದು ಗುರುಗುಟ್ಟಿ, ಎದೆಯುಬ್ಬಿಸಿತು! </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
