ಚುರುಮುರಿ | ಕಠಿಣವಾಯ್ತೆ ಕನ್ನಡ?

ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ ಶಾಲೆಯ ಹೆಚ್ಚಿನ ಮಕ್ಕಳು ಕನ್ನಡ ವಿಷಯದಲ್ಲಿ ಫೇಲಾಗಿದ್ದರು. ಟೀಚರ್ಸ್ ಮೀಟಿಂಗ್ನಲ್ಲಿ ಕನ್ನಡ ಮೇಷ್ಟ್ರು ಅಪ್ಸೆಟ್ ಆಗಿದ್ದರು.

. ‘ಯಾಕ್ರೀ ಹೀಗಾಯ್ತು?’ ಹೆಡ್ ಮೇಷ್ಟ್ರು ಕೇಳಿದರು. ಕನ್ನಡ ಮೇಷ್ಟ್ರು ಉತ್ತರಿಸದೆ ನಿರಾಶೆಯ ನಿಟ್ಟುಸಿರುಬಿಟ್ಟರು.

. ‘ಇಂಗ್ಲಿಷ್, ಹಿಂದಿಯಲ್ಲಿ ಎಲ್ಲಾ ಮಕ್ಕಳು ಪಾಸಾಗಿದ್ದಾರೆ. ಕನ್ನಡ ಮಕ್ಕಳಿಗೆ ಮದರ್ ಟಂಗ್ಗಿಂತ ಅದರ್ ಟಂಗ್ ಮೋಹ ಜಾಸ್ತಿಯಾಯ್ತೆ? ಸವಿಗನ್ನಡ ‘ಹೆವಿಗನ್ನಡ’ ಆಯ್ತೆ?’ ಹೆಡ್ ಮೇಷ್ಟ್ರಿಗೆ ಚಿಂತೆಯಾಗಿತ್ತು.

. ‘ಪಾಠ ಹೇಳುವ ವಿಚಾರದಲ್ಲಿ ಕನ್ನಡ ಮೇಷ್ಟ್ರು ಫೇಲಾಗಿದ್ದಾರೆ’ ಇಂಗ್ಲಿಷ್ ಟೀಚರ್ ಕಿಚಾಯಿಸಿದರು.

. ‘ಸುಮ್ನೆ ಕೂತ್ಕೊಳ್ರೀ, ಇಂಗ್ಲಿಷ್ನಲ್ಲಿ ಇರೋದು 26 ಅಕ್ಷರ. ಇಂಗ್ಲಿಷಿನಲ್ಲಿ ಸ್ವರ, ವ್ಯಂಜನವಿಲ್ಲ, ಹ್ರಸ್ವ ಸ್ವರ, ದೀರ್ಘ ಸ್ವರ, ಒತ್ತಕ್ಷರ ಇಲ್ಲ, ಯಾವ ಅಕ್ಷರಕ್ಕೂ ತಲೆಕಟ್ಟು, ದೀರ್ಘ, ಕೊಂಬು, ಒಟ್ರುಸುಳಿ, ಏತ್ವ, ಏತ್ವಂದೀರ್ಘ, ಓತ್ವ, ಐತ್ವ ಇಲ್ಲ, ಸಂಧಿ, ಸಮಾಸ, ಛಂದಸ್ಸು ಇಲ್ಲ. ಎ ಫಾರ್ ಆ್ಯಪಲ್, ಪಿ ಫಾರ್ ಪೀಪಲ್ ಅನ್ನುವಷ್ಟು ಸರಳವಲ್ಲಾರೀ ಕನ್ನಡ...’ ಕನ್ನಡ ಮೇಷ್ಟ್ರು ಸಿಟ್ಟಾಗೇ ಹೇಳಿದರು.

. ‘ಏನೇ ಆಗಲಿ ಮಕ್ಕಳು ಕನ್ನಡದಲ್ಲಿ ಪಾಸಾಗಲೇಬೇಕು, ಇಲ್ಲಾಂದ್ರೆ ಶಾಲೆಯೇ ಫೇಲಾಗಿಬಿಡುತ್ತದೆ’ ಎಚ್ಚರಿಸಿದರು ಎಚ್ಚೆಂ.

. ‘ಕನ್ನಡ ಕಬ್ಬಿಣದ ಕಡಲೆ ಆಗಬಾರದು. ಕನ್ನಡ ಸಿಲೆಬಸ್ ಅನ್ನು ಸರಳಗೊಳಿಸಬೇಕು, ಕನ್ನಡಕ್ಕೆ ಕೃಪಾಂಕ ಕೊಟ್ಟು ಕನ್ನಡ ಮಕ್ಕಳನ್ನು ಕಾಪಾಡಬೇಕು ಅಂತ ಇಲಾಖೆಗೆ ಮನವಿ ಮಾಡೋಣ’ ಸೈನ್ಸ್ ಟೀಚರ್ ಸಲಹೆ.

. ‘ಮಕ್ಕಳ ಜೊತೆಗೆ ಟೀಚರ್ಗಳೂ ಕನ್ನಡ ಅಧ್ಯಯನ ಮಾಡಬೇಕು. ಸಮಾಜ ಮೇಷ್ಟ್ರು ‘ಸಾಮ್ರಾಜ್ಯ’ವನ್ನು ತಪ್ಪಾಗಿ ‘ಸಾಂಬ್ರಾಜ್ಯ’ ಎಂದು ಬರೆದಿದ್ರು, ಶಾಲೆಗೆ ವಿಸಿಟ್ ಬಂದ ಇಲಾಖೆ ಅಧಿಕಾರಿ ‘ಸಾಂಬ್ರಾಜ್ಯ’ಕ್ಕೆ ರೆಡ್ ಇಂಕ್ನಲ್ಲಿ ರೌಂಡ್ ಮಾರ್ಕ್ ಹಾಕಿದ್ರು’ ಎಂದು ಹೇಳಿ ಎಚ್ಚೆಂ ಸಭೆ ಮುಗಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ | ಕಠಿಣವಾಯ್ತೆ ಕನ್ನಡ?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ