<p>ಸ್ವರ್ಗದಲ್ಲಿ ಲಕ್ಷ್ಮಣ ಹೊಸ ಸೂಟು ಹೊಲಿಯಲು ಕೊಟ್ಟಿದ್ದ ಸಂಗತಿ ತಿಳಿದು ರಾಮನಿಗೆ ಖಜೀಲೆನ್ನಿಸಿತು.</p>.<p>‘ಅಲ್ಲಪ್ಪಾ... ನಮ್ಮ ಅಯೋಧ್ಯಾ ಯೋಗಿರಾಜ್ಯದಾಗೆ ಲಕ್ಷಗಟ್ಟಲೆ ವಲಸೆ ಕೆಲಸದವರು ವಾಪಸು ಬಂದಾರಂತ. ಆ ಮಂದಿಗೆ ಏನೂ ಕೆಲಸಿಲ್ಲದೇ ಕೈ ಖಾಲಿಯಾಗಿ, ಮಾಸ್ಕ್ ಬಿಡು, ಎರಡು ಹೊತ್ತು ಉಣ್ಣಾಕೂ ಇಲ್ಲದೆ ವದ್ದಾಡತಾರಂತ. ಅಂತಾದ್ರಾಗ ನಿನಗೆದಕ್ಕಪ್ಪಾ ಈಗ ಸೂಟು?’ ರಾಮ ಸಿಟ್ಟಾದ.</p>.<p>‘ಇದೇ ಐದನೇ ತಾರೀಖು ರಾಮಮಂದಿರದ ಭೂಮಿಪೂಜೆ ಮಾಡ್ತಾರಂತ... ನೀಯೇನ್ ಇದೇ ನಾರುಮಡಿ ಉಟ್ಕಂಡು ಬರಾಂವೇನು ಅಲ್ಲಿಗೂ... ನಾ ನಿನಗೂ ಒಂದ್ ಹೊಲಿಯಾಕ ಹಾಕೀನಿ’ ಲಕ್ಷ್ಮಣ ನಿಸೂರಾಗಿ ಹೇಳಿದ.</p>.<p>‘ರಾಮನಿಲ್ಲದ ರಾಮರಥದಾಗೆ, ಇಡೀ ದೇಶ ಸುತ್ತಿ, ಇಟ್ಟಿಗೆ ಒಟ್ಟು ಮಾಡಿ, ಬಾಬರಿ ಮಸೀದಿ ಬೀಳಿಸಿ, ಅದೇ ಜಾಗದಲ್ಲೇ ರಾಮ ಹುಟ್ಯಾನ ಅಂತ ಸಾಧಿಸಾಕ ಅಷ್ಟೆಲ್ಲ ಮಾಡಿದ ಆ ಅಡ್ವಾಣಿಯವರ್ನ ಕರಿಯಾಕೇ ಮೀನಮೇಷ ಎಣ್ಸಿದ್ರು. ಇನ್ ನಮ್ಮನ್ನು ಕರೀತಾರೇನು ಅವ್ರು. ಆ ನೇಪಾಳದವ್ರು ಬೇರೆ ‘ರಾಮ ನಮ್ಮಲ್ಲಿ ಹುಟ್ಯಾನ, ನೇಪಾಳಿ ಅಂವ’ ಅಂತ ಹೇಳಾಕಹತ್ಯಾರ. ಆವಾಗೇ ನಮ್ಮವ್ವ, ನಮ್ಮಪ್ಪ ಬರ್ತ್ ಸರ್ಟಿಫಿಕೇಟ್ ಸರಿಯಾಗಿ ಮಾಡಿಸಿದ್ದರೆ ಜನ್ಮಭೂಮಿ ರಗಳೆನೇ ಇರ್ತಿರಲಿಲ್ಲ’ ರಾಮ ಸಿಡುಕಿದ.</p>.<p>‘ನೀ ಹುಟ್ಟಿದ್ದು ಕೌಸಲ್ಯಾ ದೊಡ್ಡಮ್ಮನ ಹೊಟ್ಟೆವಳಗ, ಬ್ಯಾರೆ ಎಲ್ಲೂ ಅಲ್ಲ ಅಂತ ಗೊತ್ತೇಳು. ಅದಕ್ಕೇ ಇವ್ರ ಗೋಜೇ ಬ್ಯಾಡ ಅಂತ ಅಮೆರಿಕದಾಗ ನಮ್ಮ ಮಂದಿ ಮಾಡೂ ವರ್ಚುವಲ್ ಪೂಜೆಗೆ ಹೋಕ್ಕೀನಿ’ ಅಂದ.</p>.<p>‘ವರ್ಚುವಲ್ ಪೂಜೆಗೆ ಖುದ್ದು ಎದಕ್ಕ ಹೋಕ್ಕೀ... ಮೊದಲೇ ಕೊರೊನಾ ಭಾಳೈತಿ ಅಲ್ಲಿ. ಜೂಮ್ ಕಾಲ್ ಅಟೆಂಡ್ ಮಾಡು...’ ರಾಮ ಕಾಳಜಿಯಿಂದ ಹೇಳಿದ.</p>.<p>‘ಜೂಮ್ ಕಾಲ್ ಅಂತ್ಹೇಳಿ ನಾರುಮಡಿ ಉಟ್ಕಂಡು ಮಾರಿ ತೋರಿಸ್ತಾರೇನ್? ಅದ್ ಅಮೆರಿಕ... ಗೊತ್ತೈತಿಲ್ಲೋ... ಟ್ರಂಪಣ್ಣ ಸಂಡಾಸಿಗೂ ಸೂಟ್ ಹಾಕ್ಕೊಂಡೇ ಹೋಗತಾನ... ನಾವಿಬ್ರೂ ಸೂಟ್ ಹಾಕ್ಕೊಂಡೇ ವರ್ಚುವಲ್ ದರ್ಶನ ಕೊಡೂಣು’ ಎಂದ ಲಕ್ಷ್ಮಣ ರಾಮನಿಗೊಂದು ಸೂಟು ಕೊಟ್ಟ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸ್ವರ್ಗದಲ್ಲಿ ಲಕ್ಷ್ಮಣ ಹೊಸ ಸೂಟು ಹೊಲಿಯಲು ಕೊಟ್ಟಿದ್ದ ಸಂಗತಿ ತಿಳಿದು ರಾಮನಿಗೆ ಖಜೀಲೆನ್ನಿಸಿತು.</p>.<p>‘ಅಲ್ಲಪ್ಪಾ... ನಮ್ಮ ಅಯೋಧ್ಯಾ ಯೋಗಿರಾಜ್ಯದಾಗೆ ಲಕ್ಷಗಟ್ಟಲೆ ವಲಸೆ ಕೆಲಸದವರು ವಾಪಸು ಬಂದಾರಂತ. ಆ ಮಂದಿಗೆ ಏನೂ ಕೆಲಸಿಲ್ಲದೇ ಕೈ ಖಾಲಿಯಾಗಿ, ಮಾಸ್ಕ್ ಬಿಡು, ಎರಡು ಹೊತ್ತು ಉಣ್ಣಾಕೂ ಇಲ್ಲದೆ ವದ್ದಾಡತಾರಂತ. ಅಂತಾದ್ರಾಗ ನಿನಗೆದಕ್ಕಪ್ಪಾ ಈಗ ಸೂಟು?’ ರಾಮ ಸಿಟ್ಟಾದ.</p>.<p>‘ಇದೇ ಐದನೇ ತಾರೀಖು ರಾಮಮಂದಿರದ ಭೂಮಿಪೂಜೆ ಮಾಡ್ತಾರಂತ... ನೀಯೇನ್ ಇದೇ ನಾರುಮಡಿ ಉಟ್ಕಂಡು ಬರಾಂವೇನು ಅಲ್ಲಿಗೂ... ನಾ ನಿನಗೂ ಒಂದ್ ಹೊಲಿಯಾಕ ಹಾಕೀನಿ’ ಲಕ್ಷ್ಮಣ ನಿಸೂರಾಗಿ ಹೇಳಿದ.</p>.<p>‘ರಾಮನಿಲ್ಲದ ರಾಮರಥದಾಗೆ, ಇಡೀ ದೇಶ ಸುತ್ತಿ, ಇಟ್ಟಿಗೆ ಒಟ್ಟು ಮಾಡಿ, ಬಾಬರಿ ಮಸೀದಿ ಬೀಳಿಸಿ, ಅದೇ ಜಾಗದಲ್ಲೇ ರಾಮ ಹುಟ್ಯಾನ ಅಂತ ಸಾಧಿಸಾಕ ಅಷ್ಟೆಲ್ಲ ಮಾಡಿದ ಆ ಅಡ್ವಾಣಿಯವರ್ನ ಕರಿಯಾಕೇ ಮೀನಮೇಷ ಎಣ್ಸಿದ್ರು. ಇನ್ ನಮ್ಮನ್ನು ಕರೀತಾರೇನು ಅವ್ರು. ಆ ನೇಪಾಳದವ್ರು ಬೇರೆ ‘ರಾಮ ನಮ್ಮಲ್ಲಿ ಹುಟ್ಯಾನ, ನೇಪಾಳಿ ಅಂವ’ ಅಂತ ಹೇಳಾಕಹತ್ಯಾರ. ಆವಾಗೇ ನಮ್ಮವ್ವ, ನಮ್ಮಪ್ಪ ಬರ್ತ್ ಸರ್ಟಿಫಿಕೇಟ್ ಸರಿಯಾಗಿ ಮಾಡಿಸಿದ್ದರೆ ಜನ್ಮಭೂಮಿ ರಗಳೆನೇ ಇರ್ತಿರಲಿಲ್ಲ’ ರಾಮ ಸಿಡುಕಿದ.</p>.<p>‘ನೀ ಹುಟ್ಟಿದ್ದು ಕೌಸಲ್ಯಾ ದೊಡ್ಡಮ್ಮನ ಹೊಟ್ಟೆವಳಗ, ಬ್ಯಾರೆ ಎಲ್ಲೂ ಅಲ್ಲ ಅಂತ ಗೊತ್ತೇಳು. ಅದಕ್ಕೇ ಇವ್ರ ಗೋಜೇ ಬ್ಯಾಡ ಅಂತ ಅಮೆರಿಕದಾಗ ನಮ್ಮ ಮಂದಿ ಮಾಡೂ ವರ್ಚುವಲ್ ಪೂಜೆಗೆ ಹೋಕ್ಕೀನಿ’ ಅಂದ.</p>.<p>‘ವರ್ಚುವಲ್ ಪೂಜೆಗೆ ಖುದ್ದು ಎದಕ್ಕ ಹೋಕ್ಕೀ... ಮೊದಲೇ ಕೊರೊನಾ ಭಾಳೈತಿ ಅಲ್ಲಿ. ಜೂಮ್ ಕಾಲ್ ಅಟೆಂಡ್ ಮಾಡು...’ ರಾಮ ಕಾಳಜಿಯಿಂದ ಹೇಳಿದ.</p>.<p>‘ಜೂಮ್ ಕಾಲ್ ಅಂತ್ಹೇಳಿ ನಾರುಮಡಿ ಉಟ್ಕಂಡು ಮಾರಿ ತೋರಿಸ್ತಾರೇನ್? ಅದ್ ಅಮೆರಿಕ... ಗೊತ್ತೈತಿಲ್ಲೋ... ಟ್ರಂಪಣ್ಣ ಸಂಡಾಸಿಗೂ ಸೂಟ್ ಹಾಕ್ಕೊಂಡೇ ಹೋಗತಾನ... ನಾವಿಬ್ರೂ ಸೂಟ್ ಹಾಕ್ಕೊಂಡೇ ವರ್ಚುವಲ್ ದರ್ಶನ ಕೊಡೂಣು’ ಎಂದ ಲಕ್ಷ್ಮಣ ರಾಮನಿಗೊಂದು ಸೂಟು ಕೊಟ್ಟ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
