<p>ಮಹಿಳಾ ಸಮಾಜದ ಚುನಾವಣೆಯ ಕಾವು ಜೋರಾಗಿತ್ತು. ಸರೋಜಾ ಮತ್ತೆ ಅಧ್ಯಕ್ಷ ಸ್ಥಾನಕ್ಕೆ ನಿಂತಿದ್ದಳು.</p>.<p>‘ಮನೆಯಲ್ಲಿ ಶ್ರೀಮತಿಯ ಗೊಣಗಾಟ. ತಮ್ಮ ಟೀಮಿನವರಿಗೆ ಯಾರೂ ಮತ ಹಾಕೋಲ್ಲ ಅಂತ. ಪರಿಣಾಮ ನನ್ನ ಮೇಲೆ ಕಿಡಿ ಕಾರ್ತಾಳೆ’ ಕಂಠಿ ಅಲವತ್ತುಕೊಂಡ.</p>.<p>‘ನನಗರ್ಥವಾಗುತ್ತೆ, ನನ್ನ ಮನೇಲೂ ಪರಿಸ್ಥಿತಿ ಸರಿಸುಮಾರು ಅದೇ. ನನ್ನನ್ನೂ ಪುಟ್ಟಿಯನ್ನೂ ಕೇರ್ ಮಾಡ್ತಿಲ್ಲ. ಸರೋಜಾಳ ಗೆಲುವನ್ನು ತಡೆಯೋಕ್ಕೆ ಪರಿಪರಿ ಪ್ಲಾನ್ ಮಾಡ್ತಿದ್ದಾಳೆ’ ನಾನೂ ರೋದಿಸಿದೆ.</p>.<p>‘ಹೌದು, ನಮ್ಮ ಗೋಳು ಕೇಳುವವರ್ಯಾರು. ಕೆಲಸದವಳೂ ಉಪಚುನಾವಣೆಗೆ ಮತ ಹಾಕೋಕ್ಕೆ ಅಂತ ವಾರದ ಸ್ಪೆಷಲ್ ಲೀವ್ ತಗೊಂಡು ಹೋದವಳು ಇವತ್ತು ಬಂದಿದಾಳೆ. ಎಲ್ಲ ಅಭ್ಯರ್ಥಿಗಳಿಂದಲೂ ಧಾರಾಳ ಕೊಡುಗೆಗಳ ಆಶೀರ್ವಾದ’.</p>.<p>‘ಮತ್ತೆ ವೋಟು ಯಾರಿಗೆ ಹಾಕಿದ್ಲಂತೆ?’</p>.<p>‘ಮತವೊಂದಕ್ಕೆ ಕೆ.ಜಿ. ಈರುಳ್ಳಿ ಕೊಟ್ಟವರಿಗೆ ಹಾಕಿ ಋಣ ತೀರಿಸಿಕೊಂಡೆ ಅಂದ್ಲು’.</p>.<p>‘ಅಬ್ಬಾ, ಏನು ತಂತ್ರಗಾರಿಕೆ’ ಉದ್ಗರಿಸಿದೆ, ಈರುಳ್ಳಿ ನೆನೆದು ಬಾಯೂರಿ... ಅಷ್ಟರಲ್ಲೇ ನನ್ನವಳು ಎಂಟ್ರಿ ಹಾಕಿದಳು, ಕೈಯ್ಯಲ್ಲೆಂಥದ್ದೋ ಪೊಟ್ಟಣ ಹಿಡಿದು. ‘ಬೆಳಿಗ್ಗೆ ಮೀಟಿಂಗ್ಗೆ ಮೆನು ಚಿತ್ರಾನ್ನ. ಹೋಟೆಲಿಂದ ತರಿಸಿದ್ದು. ಎಕ್ಸ್ಟ್ರಾ ಇದ್ದದ್ದು ತಂದೆ, ಅದರಲ್ಲೂ ಈರುಳ್ಳಿ ಚಿತ್ರಾನ್ನ’.</p>.<p>‘ಅಯ್ಯೋ ಮರೆತಿದ್ದೆ, ನಿನ್ನೆ ನಾರ್ತ್ ಇಂಡಿಯನ್ ಥಾಲೀಲಿ ಈರುಳ್ಳಿ ತುಂಡುಗಳನ್ನ ನಾನು ಜೋಪಾನವಾಗಿ ತಂದು ಫ್ರಿಜ್ನಲ್ಲಿ ಇಟ್ಟಿದ್ದೀನಿ, ಕೆಡದಂತೆ’ ಪುಟ್ಟಿ ನೆನಪಿಸಿಕೊಂಡಳು.</p>.<p>‘ನಿಮ್ಮ ಪಾರ್ಟಿ ಗೆಲ್ಲೋಕೆ ನನ್ನಲ್ಲೊಂದು ಉಪಾಯ. ಮನೇಲಿ ಸಣ್ಣ ಪಾರ್ಟಿ ಮಾಡಿ ತಲಾ ಒಂದೊಂದು ಈರುಳ್ಳಿಯನ್ನು ರಿಟರ್ನ್ ಗಿಫ್ಟ್ ಆಗಿ ಕೊಟ್ಬಿಡಿ. ನಿಮ್ಮ ಪಾರ್ಟಿ ಗ್ಯಾರಂಟಿ ಗದ್ದುಗೆ ಹಿಡಿಯುತ್ತೆ’ ಕಂಠಿ ಸಲಹೆಯಿತ್ತ, ಚಿತ್ರಾನ್ನದ ಪೊಟ್ಟಣ ನೋಡುತ್ತ. ನಾನೂ ಗೋಣಾಡಿಸಿದೆ.</p>.<p>‘ಓಹ್, ಹಾಗೇನಾದರೂ ನಮ್ಮ ಪಾರ್ಟಿ ಗೆದ್ದರೆ ನಿಮಗೆ ಈರುಳ್ಳಿ ಪಕೋಡ ಟ್ರೀಟ್. ಸದ್ಯಕ್ಕೆ ಈ ಚಿತ್ರಾನ್ನ ತಗೊಳ್ಳಿ’ ನನ್ನವಳು ನಗೆ ಬೀರಿದಳು, ಗೆಲುವಿನ ನಿರೀಕ್ಷೆಯಲ್ಲಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಹಿಳಾ ಸಮಾಜದ ಚುನಾವಣೆಯ ಕಾವು ಜೋರಾಗಿತ್ತು. ಸರೋಜಾ ಮತ್ತೆ ಅಧ್ಯಕ್ಷ ಸ್ಥಾನಕ್ಕೆ ನಿಂತಿದ್ದಳು.</p>.<p>‘ಮನೆಯಲ್ಲಿ ಶ್ರೀಮತಿಯ ಗೊಣಗಾಟ. ತಮ್ಮ ಟೀಮಿನವರಿಗೆ ಯಾರೂ ಮತ ಹಾಕೋಲ್ಲ ಅಂತ. ಪರಿಣಾಮ ನನ್ನ ಮೇಲೆ ಕಿಡಿ ಕಾರ್ತಾಳೆ’ ಕಂಠಿ ಅಲವತ್ತುಕೊಂಡ.</p>.<p>‘ನನಗರ್ಥವಾಗುತ್ತೆ, ನನ್ನ ಮನೇಲೂ ಪರಿಸ್ಥಿತಿ ಸರಿಸುಮಾರು ಅದೇ. ನನ್ನನ್ನೂ ಪುಟ್ಟಿಯನ್ನೂ ಕೇರ್ ಮಾಡ್ತಿಲ್ಲ. ಸರೋಜಾಳ ಗೆಲುವನ್ನು ತಡೆಯೋಕ್ಕೆ ಪರಿಪರಿ ಪ್ಲಾನ್ ಮಾಡ್ತಿದ್ದಾಳೆ’ ನಾನೂ ರೋದಿಸಿದೆ.</p>.<p>‘ಹೌದು, ನಮ್ಮ ಗೋಳು ಕೇಳುವವರ್ಯಾರು. ಕೆಲಸದವಳೂ ಉಪಚುನಾವಣೆಗೆ ಮತ ಹಾಕೋಕ್ಕೆ ಅಂತ ವಾರದ ಸ್ಪೆಷಲ್ ಲೀವ್ ತಗೊಂಡು ಹೋದವಳು ಇವತ್ತು ಬಂದಿದಾಳೆ. ಎಲ್ಲ ಅಭ್ಯರ್ಥಿಗಳಿಂದಲೂ ಧಾರಾಳ ಕೊಡುಗೆಗಳ ಆಶೀರ್ವಾದ’.</p>.<p>‘ಮತ್ತೆ ವೋಟು ಯಾರಿಗೆ ಹಾಕಿದ್ಲಂತೆ?’</p>.<p>‘ಮತವೊಂದಕ್ಕೆ ಕೆ.ಜಿ. ಈರುಳ್ಳಿ ಕೊಟ್ಟವರಿಗೆ ಹಾಕಿ ಋಣ ತೀರಿಸಿಕೊಂಡೆ ಅಂದ್ಲು’.</p>.<p>‘ಅಬ್ಬಾ, ಏನು ತಂತ್ರಗಾರಿಕೆ’ ಉದ್ಗರಿಸಿದೆ, ಈರುಳ್ಳಿ ನೆನೆದು ಬಾಯೂರಿ... ಅಷ್ಟರಲ್ಲೇ ನನ್ನವಳು ಎಂಟ್ರಿ ಹಾಕಿದಳು, ಕೈಯ್ಯಲ್ಲೆಂಥದ್ದೋ ಪೊಟ್ಟಣ ಹಿಡಿದು. ‘ಬೆಳಿಗ್ಗೆ ಮೀಟಿಂಗ್ಗೆ ಮೆನು ಚಿತ್ರಾನ್ನ. ಹೋಟೆಲಿಂದ ತರಿಸಿದ್ದು. ಎಕ್ಸ್ಟ್ರಾ ಇದ್ದದ್ದು ತಂದೆ, ಅದರಲ್ಲೂ ಈರುಳ್ಳಿ ಚಿತ್ರಾನ್ನ’.</p>.<p>‘ಅಯ್ಯೋ ಮರೆತಿದ್ದೆ, ನಿನ್ನೆ ನಾರ್ತ್ ಇಂಡಿಯನ್ ಥಾಲೀಲಿ ಈರುಳ್ಳಿ ತುಂಡುಗಳನ್ನ ನಾನು ಜೋಪಾನವಾಗಿ ತಂದು ಫ್ರಿಜ್ನಲ್ಲಿ ಇಟ್ಟಿದ್ದೀನಿ, ಕೆಡದಂತೆ’ ಪುಟ್ಟಿ ನೆನಪಿಸಿಕೊಂಡಳು.</p>.<p>‘ನಿಮ್ಮ ಪಾರ್ಟಿ ಗೆಲ್ಲೋಕೆ ನನ್ನಲ್ಲೊಂದು ಉಪಾಯ. ಮನೇಲಿ ಸಣ್ಣ ಪಾರ್ಟಿ ಮಾಡಿ ತಲಾ ಒಂದೊಂದು ಈರುಳ್ಳಿಯನ್ನು ರಿಟರ್ನ್ ಗಿಫ್ಟ್ ಆಗಿ ಕೊಟ್ಬಿಡಿ. ನಿಮ್ಮ ಪಾರ್ಟಿ ಗ್ಯಾರಂಟಿ ಗದ್ದುಗೆ ಹಿಡಿಯುತ್ತೆ’ ಕಂಠಿ ಸಲಹೆಯಿತ್ತ, ಚಿತ್ರಾನ್ನದ ಪೊಟ್ಟಣ ನೋಡುತ್ತ. ನಾನೂ ಗೋಣಾಡಿಸಿದೆ.</p>.<p>‘ಓಹ್, ಹಾಗೇನಾದರೂ ನಮ್ಮ ಪಾರ್ಟಿ ಗೆದ್ದರೆ ನಿಮಗೆ ಈರುಳ್ಳಿ ಪಕೋಡ ಟ್ರೀಟ್. ಸದ್ಯಕ್ಕೆ ಈ ಚಿತ್ರಾನ್ನ ತಗೊಳ್ಳಿ’ ನನ್ನವಳು ನಗೆ ಬೀರಿದಳು, ಗೆಲುವಿನ ನಿರೀಕ್ಷೆಯಲ್ಲಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
