<p>ಯಂಟಪ್ಪಣ್ಣ ಮನೆ ಮುಂದೆ ನಿಂತುಗಂಡು ‘ಕುರೊ ಕುರೋ...’ ಅಂತ ಕೂಗ್ತಿತ್ತು.</p><p>‘ಅದೇನು ಯಂಟಪ್ಪಣ್ಣ ಕೊರಗುಡ್ತಿತಿದ್ದೀರಿ!’ ಅಂತ ಕೇಳಿದೆ.</p><p>‘ಮೊಮ್ಮಗ ಎರಡಕ್ಕೋಗವ್ನೆ. ತೊಳಿಯದ್ಯಾಕೆ ಅಂತ ಬೀದಿನಾಯಿ ಕೂಗ್ತಾ ಇವ್ನಿ’ ಅಂತು ಯಂಟಪ್ಪಣ್ಣ.</p><p>ನಾವು ಸಣ್ಣ ಹುಡ್ಲಾಗಿದ್ದಾಗ ನಮ್ಮವ್ವದೀರು ಕುರೊ ಕುರೊ ಅಂತ ನಾಯಿ ಕರೆದೇಟಿಗೇ ಅದು ಪಟ್ಟಂತ ಬಂದು ಎಲ್ಲಾ ಸುದ್ದ ಮಾಡಿ ಹೊಂಟೊಯ್ತಿತ್ತು.</p><p>‘ಬೀದಿನಾಯಿಗಳು ಬಿಸ್ಕೆಟ್ ತಿಂದು ಸ್ಟ್ಯಾಂಡರ್ಡ್ ಆಗ್ಯವೆ ಯಂಟಪ್ಪಣ್ಣ. ಕುರೋ ಕುರೋ ಅಂದ್ರೆ ಅವುಕ್ಕೆ ಅರ್ಥಾಗಕುಲ್ಲ. ಮುದ್ದೆ-ಅನ್ನ ಹಾಕಿದ್ರೆ ಮೂಸಿ ಸೈತ ನೋಡಕುಲ್ಲ ಅಂತೀನಿ!’ ಅಂತಂದೆ.</p><p>‘ನಾಯಿಗಳೇನ್ಲಾ ಮನುಸ್ರೂ ಈಗ ಬಿಸ್ಕೆಟ್ಟಿಗೆ ಪಾಠಾಗ್ಯವ್ರೆ. ರಾಜಕೀಯದೋರು ನಮ್ಮ ದುಡ್ಡಲ್ಲಿ ನಮಗೇ ಆಶ್ವಾಸನೆಗಳ ಬಿಸ್ಕೆಟ್ಟಾಕಿ ಚಾಲುಗಲಿಸಿ ಬುಟ್ಟವ್ರೆ ಕಲಾ’ ತುರೇಮಣೆ ತಮ್ಮ ಕಡತ ಬಿಚ್ಚಿದರು.</p><p>‘ನಮ್ಮದೆಂಗೋ ಇರಲಿ! ನಿಗಮ, ಮಂಡಲಿ, ಮಂತ್ರಿ ಭಾಗ್ಯದ ಬಿಸ್ಕೆಟ್ಟಿಗೋಸ್ಕರ ಶಾಸಕರು, ನಾಯಕರೇ ಕ್ಯಾಣ ತಗೀತರಂತೆ! ‘ನಾವೇನು ಬೂವಕ್ಕೋಸ್ಕರ ನಿಮ್ಮ ಬಡ್ಡೆಗೆ ಬಂದಿದೀವಾ? ಪಕ್ಷಕ್ಕೋಸ್ಕರ ರಕ್ತ ಬಸಿದಿಲ್ವಾ. ಬಿಸ್ಕೆಟ್ಟಾಕದಾದ್ರೆ ಸರಿಯಾಗಿ ಹಾಕ್ರೀ!’ ಅಂತ ಸಿಟ್ಟುಗತರೆ!’ ಅಂತು ಯಂಟಪ್ಪಣ್ಣ.</p><p>‘ಅತೃಪ್ತರ ಯೇಗ್ತೆಗೆ ತಕ್ಕಂಗೆ ಬಿಸ್ಕೆಟ್ಟು ಹಾಕಲೇಬೇಕು! ಶಾಸಕರು ‘ನಾವೂ ನಾಕೈದು ಸಾರಿ ಗೆದ್ದುದವಿ. ನನ್ನೆಡ್ತಿಗೊಂದು ನನ್ನ ಮಗನಿಗೊಂದು ಲೋಕಸಭೆ ಬಿಸ್ಕೆಟ್ ಕೊಡಿ’ ಅಂತ ಮೂರೂ ಬುಟ್ಟು ಕೇಳ್ತರೆ. ಕಾರ್ಯಕರ್ತರಿಗೇನು ಸಿಕ್ತದೆ?’ ಚಂದ್ರು ಸಿಟ್ಟಾದ.</p><p>‘ಅಧಿಕಾರಿಗಳು ಬಿಸ್ಕೆಟ್ ಹಾಕೋಗಂಟ ಫೈಲೇ ಮುಟ್ಟಕುಲ್ಲ’ ಅಂತ ನಾನು ಬೆಂಕಿಗೆ ತುಪ್ಪ ಹಾಕಿದೆ.</p><p>‘ರಾಜಕಾರಣಿಗಳು ‘ನಾವು ಅಧಿಕಾರಕ್ಕೆ ಬಂದ್ರೆ ಭಾಳ ಕಿಸಿತೀವಿ, ನಮಗೇ ವೋಟಾಕಿ!’ ಅಂತ ಬಿಸ್ಕೆಟ್ ಹಿಡಕಂದು ಬಿಸ್ಕೆಟ್ ಯುವರ್ ಕಸ್ಟಮರ್ ಅಂದ್ರೆ ಬಿವೈಸಿ ಪಾಲೋ ಮಾಡ್ಕ್ಯಂದು ನಮಗೆ ಟೋಪಿ ಹಾಕದೇ ಕಸುಬು ಮಾಡಿಕ್ಯಂದವರೆ!’ ಯಂಟಪ್ಪಣ್ಣ ತಲೆ ಚಚ್ಚಿಕ್ಯತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಯಂಟಪ್ಪಣ್ಣ ಮನೆ ಮುಂದೆ ನಿಂತುಗಂಡು ‘ಕುರೊ ಕುರೋ...’ ಅಂತ ಕೂಗ್ತಿತ್ತು.</p><p>‘ಅದೇನು ಯಂಟಪ್ಪಣ್ಣ ಕೊರಗುಡ್ತಿತಿದ್ದೀರಿ!’ ಅಂತ ಕೇಳಿದೆ.</p><p>‘ಮೊಮ್ಮಗ ಎರಡಕ್ಕೋಗವ್ನೆ. ತೊಳಿಯದ್ಯಾಕೆ ಅಂತ ಬೀದಿನಾಯಿ ಕೂಗ್ತಾ ಇವ್ನಿ’ ಅಂತು ಯಂಟಪ್ಪಣ್ಣ.</p><p>ನಾವು ಸಣ್ಣ ಹುಡ್ಲಾಗಿದ್ದಾಗ ನಮ್ಮವ್ವದೀರು ಕುರೊ ಕುರೊ ಅಂತ ನಾಯಿ ಕರೆದೇಟಿಗೇ ಅದು ಪಟ್ಟಂತ ಬಂದು ಎಲ್ಲಾ ಸುದ್ದ ಮಾಡಿ ಹೊಂಟೊಯ್ತಿತ್ತು.</p><p>‘ಬೀದಿನಾಯಿಗಳು ಬಿಸ್ಕೆಟ್ ತಿಂದು ಸ್ಟ್ಯಾಂಡರ್ಡ್ ಆಗ್ಯವೆ ಯಂಟಪ್ಪಣ್ಣ. ಕುರೋ ಕುರೋ ಅಂದ್ರೆ ಅವುಕ್ಕೆ ಅರ್ಥಾಗಕುಲ್ಲ. ಮುದ್ದೆ-ಅನ್ನ ಹಾಕಿದ್ರೆ ಮೂಸಿ ಸೈತ ನೋಡಕುಲ್ಲ ಅಂತೀನಿ!’ ಅಂತಂದೆ.</p><p>‘ನಾಯಿಗಳೇನ್ಲಾ ಮನುಸ್ರೂ ಈಗ ಬಿಸ್ಕೆಟ್ಟಿಗೆ ಪಾಠಾಗ್ಯವ್ರೆ. ರಾಜಕೀಯದೋರು ನಮ್ಮ ದುಡ್ಡಲ್ಲಿ ನಮಗೇ ಆಶ್ವಾಸನೆಗಳ ಬಿಸ್ಕೆಟ್ಟಾಕಿ ಚಾಲುಗಲಿಸಿ ಬುಟ್ಟವ್ರೆ ಕಲಾ’ ತುರೇಮಣೆ ತಮ್ಮ ಕಡತ ಬಿಚ್ಚಿದರು.</p><p>‘ನಮ್ಮದೆಂಗೋ ಇರಲಿ! ನಿಗಮ, ಮಂಡಲಿ, ಮಂತ್ರಿ ಭಾಗ್ಯದ ಬಿಸ್ಕೆಟ್ಟಿಗೋಸ್ಕರ ಶಾಸಕರು, ನಾಯಕರೇ ಕ್ಯಾಣ ತಗೀತರಂತೆ! ‘ನಾವೇನು ಬೂವಕ್ಕೋಸ್ಕರ ನಿಮ್ಮ ಬಡ್ಡೆಗೆ ಬಂದಿದೀವಾ? ಪಕ್ಷಕ್ಕೋಸ್ಕರ ರಕ್ತ ಬಸಿದಿಲ್ವಾ. ಬಿಸ್ಕೆಟ್ಟಾಕದಾದ್ರೆ ಸರಿಯಾಗಿ ಹಾಕ್ರೀ!’ ಅಂತ ಸಿಟ್ಟುಗತರೆ!’ ಅಂತು ಯಂಟಪ್ಪಣ್ಣ.</p><p>‘ಅತೃಪ್ತರ ಯೇಗ್ತೆಗೆ ತಕ್ಕಂಗೆ ಬಿಸ್ಕೆಟ್ಟು ಹಾಕಲೇಬೇಕು! ಶಾಸಕರು ‘ನಾವೂ ನಾಕೈದು ಸಾರಿ ಗೆದ್ದುದವಿ. ನನ್ನೆಡ್ತಿಗೊಂದು ನನ್ನ ಮಗನಿಗೊಂದು ಲೋಕಸಭೆ ಬಿಸ್ಕೆಟ್ ಕೊಡಿ’ ಅಂತ ಮೂರೂ ಬುಟ್ಟು ಕೇಳ್ತರೆ. ಕಾರ್ಯಕರ್ತರಿಗೇನು ಸಿಕ್ತದೆ?’ ಚಂದ್ರು ಸಿಟ್ಟಾದ.</p><p>‘ಅಧಿಕಾರಿಗಳು ಬಿಸ್ಕೆಟ್ ಹಾಕೋಗಂಟ ಫೈಲೇ ಮುಟ್ಟಕುಲ್ಲ’ ಅಂತ ನಾನು ಬೆಂಕಿಗೆ ತುಪ್ಪ ಹಾಕಿದೆ.</p><p>‘ರಾಜಕಾರಣಿಗಳು ‘ನಾವು ಅಧಿಕಾರಕ್ಕೆ ಬಂದ್ರೆ ಭಾಳ ಕಿಸಿತೀವಿ, ನಮಗೇ ವೋಟಾಕಿ!’ ಅಂತ ಬಿಸ್ಕೆಟ್ ಹಿಡಕಂದು ಬಿಸ್ಕೆಟ್ ಯುವರ್ ಕಸ್ಟಮರ್ ಅಂದ್ರೆ ಬಿವೈಸಿ ಪಾಲೋ ಮಾಡ್ಕ್ಯಂದು ನಮಗೆ ಟೋಪಿ ಹಾಕದೇ ಕಸುಬು ಮಾಡಿಕ್ಯಂದವರೆ!’ ಯಂಟಪ್ಪಣ್ಣ ತಲೆ ಚಚ್ಚಿಕ್ಯತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
