ಶನಿವಾರ, ಏಪ್ರಿಲ್ 4, 2020
19 °C

50 ವರ್ಷಗಳ ಹಿಂದೆ | ಗುರುವಾರ, 12–3–1970

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ರಾಜ್ಯ ಸಚಿವರ ಔಷಧಿ ವೆಚ್ಚ 3 ವರ್ಷದಲ್ಲಿ 31,000 ರೂ.
ಬೆಂಗಳೂರು, ಮಾರ್ಚ್‌ 11:
ರಾಜ್ಯದ ಮಂತ್ರಿಮಂಡಲದ ಸದಸ್ಯರಿಗೆ 1967ನೇ ಏಪ್ರಿಲ್‌ನಿಂದ ಈವರೆಗೆ ಔಷಧಿಗಳಿಗಾಗಿ ಖರ್ಚು ಮಾಡಿರುವ ಹಣ ಸುಮಾರು 31,000 ರೂ.ಮುಖ್ಯಮಂತ್ರಿ ಶ್ರೀ ವೀರೇಂದ್ರ ಪಾಟೀಲರು, ಪ್ರತೀ ಮಂತ್ರಿಗಾಗಿ ಆಗಿರುವ ವೆಚ್ಚವನ್ನು ಇಂದು ವಿಧಾನಸಭೆಯಲ್ಲಿ ಶ್ರೀ ಟಿ.ಪಿ. ಬೋರಯ್ಯ ಅವರಿಗೆ ತಿಳಿಸಿದರು.

ಅವುಗಳಲ್ಲಿ ಅತಿ ಹೆಚ್ಚೆಂದರೆ ಸಾರಿಗೆ ಸಚಿವರ ವೆಚ್ಚ 9,972 ರೂ., ದ್ವಿತೀಯ ಮತ್ತು ತೃತೀಯ ಸ್ಥಾನಗಳಲ್ಲಿ ಸಹಕಾರ ಸಚಿವರು (4,470 ರೂ.) ಮತ್ತು ಮುಖ್ಯಮಂತ್ರಿಗಳಿದ್ದಾರೆ (2,658 ರೂ.).

ಕಂದಾಯ ಮಂತ್ರಿಗಳದ್ದು ಕಡಿಮೆ ವೆಚ್ಚ 25 ರೂ. ಮೂವರು ಸಚಿವರು– ಕೈಗಾರಿಕಾ ಸಚಿವ, ಸಮಾಜಕಲ್ಯಾಣ ಮಂತ್ರಿ ಮತ್ತು ಪೌರಾಡಳಿತ ರಾಜ್ಯ ಸಚಿವರು ಮಾಡಿದ ವೆಚ್ಚ ‘ಏನೂ ಇಲ್ಲ’.

ಅನುದಾನ ಪಡೆಯದ ಖಾಸಗಿ ಶಾಲೆಗಳ ಶಿಕ್ಷಣ ಶುಲ್ಕದ ಮೇಲೂ ಮಿತಿ
ಬೆಂಗಳೂರು, ಮಾರ್ಚ್‌ 11:
ಸರ್ಕಾರದಿಂದ ಅನುದಾನ ಪಡೆಯದಿರುವ ಶಾಲೆಗಳು ವಸೂಲು ಮಾಡುತ್ತಿರುವ ಶಿಕ್ಷಣ ಶುಲ್ಕದ ಪ್ರಮಾಣದ ಮೇಲೂ ಒಂದು ನಿರ್ದಿಷ್ಟ ಮಿತಿ ವಿಧಿಸಲು ಸರ್ಕಾರ ನಿರ್ಧರಿಸಿದೆ.

‘ಕೆಲವು ಖಾಸಗಿ ಶಾಲೆಗಳು ವ್ಯಾಪಾರಿ ಸಂಸ್ಥೆಗಳಾಗಿವೆ. ಅಂಥ ಶಾಲೆಗಳ ಮೇಲೆ ಕ್ರಮ ಕೈಗೊಳ್ಳಲಿದ್ದೇವೆ’ ಎಂದು ತಿಳಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)