<p>ಈ ರಕ್ಕಸ ವೇಷಧಾರಿ ಯಾರು ಗೊತ್ತಾ!.. ಬತ್ತದ ಗಿಡಬೆಳೆದು ನಿಂತಾಗ ಸಾವಿರ ಸಂಖ್ಯೆಯಲ್ಲಿ ದಂಡೆತ್ತಿ ಬಂದು ನೋಡನೋಡುತ್ತಲೇ ಹಸಿರು ದಂಟಿನ ಜೀವ ರಸ ಹೀರಿ ಎಲ್ಲವನ್ನೂ ಹಳದಿ ಬಣ್ಣಕ್ಕೆ ತಿರುಗಿಸಿ ಬೆಳೆನಾಶಕ್ಕೆ ನಾಂದಿಹಾಡುವ ಅನ್ನದಾತರ ಶತ್ರು, ಕೇವಲ ಐದು ಮಿಲಿ ಮೀಟರ್ ಅಳತೆಯ ‘ಕಂದು ಜಿಗಿದು ಹಾರುವ ಗಿಡ-ಮಿಡತೆ’,… ಪ್ಲಾಂಟ್ ಹಾಪರ್, ನೀಲಪರ್ವತ ಲುಗೆನ್ಸ್ ಸ್ಟಾಲ್ (infraorder Fu*goromorpha) ಎಂದೂ ಕರೆಯಲಾಗುತ್ತದೆ.</p>.<p>ಬರಿಗಣ್ಣಿಗೆ ಬೇಗನೆ ಕಾಣಿಸದಷ್ಟು ಪುಟಾಣಿ ಜೀವಿ ಇದು. ಸಹಸ್ರಾರು ಬಗೆಯ ಈ ಜೀವಿ ಬೆಳೆಗಾರರಿಗೆ ಹೇರಳವಾಗಿ ಬೇಕಾಗುವ ಕೀಟ ನಾಶಕದ ಮಾರ್ಕೆಟ್ನ ‘ಪ್ರಗತಿಗೆ’ ತುಂಬಾ ಸಹಕಾರಿ! ಬೆಂಗಳೂರಿಗೆ ತಾಗಿರುವ ಮಾಗಡಿ ರಸ್ತೆಯ ಹೊಲದ ಪಕ್ಕದ ಹುಲ್ಲುಗಾವಲಲ್ಲಿ ಈ ಕೀಟವನ್ನು ಗುರುತಿಸಿ ಅತಿ ಸಮೀಪದಿಂದ ಇತ್ತೀಚೆಗೆ ಒಂದು ಮುಂಜಾನೆ ಕ್ಯಾಮೆರಾದಲ್ಲಿ ಸೆರೆಹಿಡಿದವರು ಕಾಮಾಕ್ಯ ಬಡಾವಣೆಯ ಪ್ರದ್ಯುಮ್ನ. ವೃತ್ತಿಯಲ್ಲಿ ಮೂರು ವರ್ಷಗಳಿಂದ ಛಾಯಾಗ್ರಹಣವನ್ನೇ ಅವಲಂಬಿಸಿದ್ದರೂ, ಪೋರ್ಟ್ ಫೋಲಿಯೋಸ್, ಲ್ಯಾಂಡ್ ಸ್ಕೇಪ್, ವನ್ಯಜೀವಿ ಮತ್ತು ಮ್ಯಾಕ್ರೋ ಛಾಯಾಗ್ರಹಣದಲ್ಲಿ ಹವ್ಯಾಸ ಬೆಳೆಸಿಕೊಂಡಿದ್ದಾರೆ ಅವರು.</p>.<p>ಈ ಚಿತ್ರ ಸೆರೆಹಿಡಿಯಲು ಅವರು ಬಳಸಿದ ಕ್ಯಾಮೆರಾ, ಸೋನಿ ಎ7 ಆರ್, 28-70 ಎಂ.ಎಂ. ಲೆನ್ಸ್ನಲ್ಲಿ 70 ಎಂ.ಎಂ. ಫೋಕಲ್ ಲೆಂಗ್ತ್ನಲ್ಲಿ ಎಕ್ಸ್ಪೋಷರ್ ವಿವರ ಇಂತಿವೆ: ಅಪರ್ಚರ್ ಎಫ್ 18, ಶಟರ್ ವೇಗ 1/ 125 ಸೆಕೆಂಡ್, ಐ.ಎಸ್.ಒ 320. ಟ್ರೈಪಾಡ್ ಬಳಸಿಲ್ಲ. ಆದರೆ ಡಿಫ್ಯೂಸ್ ಮಾಡಿದ ಫ್ಲಾಶ್ ಬೆಳಕಿನಲ್ಲಿ ಸೆರೆಹಿಡಿಯಲಾಗಿದೆ.</p>.<p>ಈ ಚಿತ್ರದೊಂದಿಗೆ ತಾಂತ್ರಿಕ ಮತ್ತು ಕಲಾತ್ಮಕ ಅನುಸಂಧಾನದ ಕೆಲವು ಅಂಶಗಳು ಇಂತಿವೆ:</p>.<p>* ಈ ಕೀಟದ ಮಾಟ, ದುರ್ಬೀನಿನಲ್ಲಿ ಕಂಡಾಗ ಮಾತ್ರ ಅದರ ವರ್ಣಮಯ ರೂಪುರೇಷೆ ಕಂಡೀತು. ಕ್ಯಾಮೆರಾ ಹವ್ಯಾಸಿಗಳಿಗೆ, ಮ್ಯಾಕ್ರೊ ಲೆನ್ಸ್ನಲ್ಲಿ ನಿಧಾನ ಗತಿಯಲ್ಲಿ ಸಾಗುವ ಇದರ ವಿರಾಟ ದೃಶ್ಯವನ್ನು ಸೆರೆಹಿಡಿಯುವುದು ಸುಲಭವೆನಿಸಿದರೂ ಸರಿಯಾದ ಕೋನದಲ್ಲಿ ಉತ್ತಮವಾದ ಬೆಳಕಿನ ಅಥವಾ ಫ್ಲಾಶ್ನ ಬಳಕೆ ಮಾಡಿ ವಿಶಿಷ್ಟ ಪೂರ್ಣವಾದ ಈ ಚಿತ್ರಣವನ್ನು ಪರಿಣಾಮಕಾರಿಯಾಗಿ ನಿರೂಪಿಸಿರುವಲ್ಲಿ, ಕ್ಯಾಮೆರಾದಲ್ಲಿನ ಎಲ್ಲ ತಾಂತ್ರಿಕ ಅಂಶಗಳನ್ನೂ ಸಮರ್ಪಕವಾಗಿ ಅಳವಡಿಸಿರುವುದು ಛಾಯಾಚಿತ್ರಕಾರರ ಪರಿಣಿತಿಗೆ ಸಾಕ್ಷಿ.</p>.<p>* ಸೂಕ್ಷ್ಮವಾದ ಮ್ಯಾಕ್ರೊ ಜೀವಿಗಳನ್ನು ಕಮೆರಾದಲ್ಲಿ ಸೆರೆಹಿಡಿವುವಲ್ಲಿ ಬೆಳಕಿನ ಪಾತ್ರ ಬಹಳ ಮುಖ್ಯ. ಸಹಜವಾದ ಸೂರ್ಯನ ಬೆಳಕು ಸಮರ್ಪಕವಾಗಿ ದೊರಕದಿದ್ದಲ್ಲಿ, ಫ್ಲಾಶ್ನ ಬಳಕೆ ಅನಿವಾರ್ಯವೇ. ಆದರೆ, ಫ್ಲಾಶ್ ಅನ್ನು ನೇರವಾಗಿ ಬಳಸಿದರೆ, ಬೆಳಕು ಹತ್ತಿರದಿಂದಲೇ ವಸ್ತುವಿನ ಮೇಲೆ ಬೀರುವಂತಾಗಿ, ಅನೇಕ ಹತ್ತಿರದ ಭಾಗಗಳು ಬಿಳಿಚಿಕೊಂಡು ಅಲ್ಲಲ್ಲೇ ಮರೆಯಲ್ಲಿರುವ ಭಾಗಗಳು ಕಡು ಕಪ್ಪು ನೆರಳಿನಿಂದ ಕೂಡಿ, ಸೆರೆಹಿಡಿದ ಚಿತ್ರವು, ಅತಿ ಹೆಚ್ಚಿನ ಕಾಂತಿ ವೈರುದ್ಯದಿಂದ ಕೂಡಿಬಿಡಬಹುದು. ಇಲ್ಲಿ, ಫ್ಲಾಶ್ ಬಳಕೆಯಾಗಿದ್ದು, ಅದರ ಕಾಂತಿಯನ್ನು ಡಿಫ್ಯೂಸ್ ಟೆಕ್ನಿಕ್ನಲ್ಲಿ ಮಧುರಗೊಳಿಸಿದೆ. ಅಂತೆಯೇ ಜಿಗಿ-ಮಿಡತೆಯ ಎಲ್ಲ ಭಾಗಗಳೂ ಸರಿಯಾಗಿ ಮೂಡಿವೆ.</p>.<p>* ಕಲಾತ್ಮಕವಾದ ಅಂಶಗಳೂ, ಈ ಚಿತ್ರಣದಲ್ಲಿ ಗಮನಾರ್ಹವೇ. ಬರಿ ಕಣ್ಣಿಗೆ ಗೋಚರಿಸದ ಆ ಪುಟಾಣಿ ಜೀವಿಯು ತನ್ನ ರಕ್ಷಣೆಗೆಂದು ತಾಳಿರುವ ಪ್ರಕೃತಿ ಜನ್ಯ, ವರ್ಣಮಯ ಅಂಗಾಂಗ, ರೆಕ್ಕೆ, ಮೈಮಾಟಗಳನ್ನು ಪ್ರಭಾವಪೂರ್ಣವಾಗಿ, ಎಲ್ಲ ವಸ್ತು ಮಾಹಿತಿಯೊಂದಿಗಿನ, ಉತ್ತಮವಾದ ವರ್ಣಸಂಯೋಜನೆಯಲ್ಲಿ ಸೆರೆಹಿಡಿದಿರುವುದು ಛಾಯಾಚಿತ್ರಕಾರರ ಪರಿಣಿತಿಗೆ ಸಾಕ್ಷಿ.</p>.<p>* ಮುಖ್ಯ ವಸ್ತುವು (ಜಿಗಿ ಹುಳ) ಚೌಕಟ್ಟಿನ ಒಂದು ಬದಿಯ ಕೆಳ ಮೂಲೆಯೆಡೆಯಿಂದ ಅದರ ಎದುರು ಮೂಲೆಯ ಮೇಲ್ಭಾಗದೆಡೆ ಓರೆಯಾಗಿ ಕಾಣಿಸುವ ಗಿಡವೊಂದರ ರೆಂಬೆ ಮೇಲೆ ಸಾಗುತ್ತಿರುವಂತಿರುವುದು ಚಲನೆಯನ್ನು ಸೂಸುತ್ತದೆ. ಅದರ ಮುಖಭಾಗದ ಎದುರಿಗೆ, ಸಾಕಷ್ಟು ರಿಲೀಫ್ ಇರುವುದು ಈ ಚಲನೆಗೆ ಪೂರಕವಾಗಿದೆಯಷ್ಟೆ. ಇದಕ್ಕೆ ಪರಿಣಾಮಕಾರಿಯಾದ ಡಯಾಗೊನಲ್ ಚಿತ್ರ-ಸಂಯೋಜನೆಯೆಂದೂ ಗುರುತಿಸಬಹುದು. ಒಟ್ಟಾರೆ ಮ್ಯಾಕ್ರೊ ಛಾಯಾಗ್ರಹಣದಲ್ಲೂ ವಸ್ತು-ಸೂಕ್ಷ್ಮತೆಯ ಜೊತೆಗೆ ಭಾವ ಸ್ಪಂದನೆಗೂ, ಉತ್ತಮ ಕೋನ (ಯ್ಯಾಂಗಲ್ ಆಫ್ ವ್ಯೂ), ಫೋಕಸ್, ವರ್ಣಸಾಮರಸ್ಯ, ಬೆಳಕಿನ ವೈಶಿಷ್ಟ್ಯ, ತಾಂತ್ರಿಕ ಗುಣಮಟ್ಟ ಮತ್ತು ಚಿತ್ರ ಸಂಯೋಜನೆ ಕೂಡಾ ಪರಿಣಾಮಕಾರಿಯಾಗ ಬಲ್ಲವು ಎಂಬುದನ್ನು ಈ ಚಿತ್ರ ಸಾದರಪಡಿಸುತ್ತದೆ.</p>.<p><strong>ಛಾಯಾಚಿತ್ರಗಾರ: ಪ್ರದ್ಯುಮ್ನ<br /> ಇಮೇಲ್: Pradyu343@gmai*.com<br /> ಮೊ: 9886648817</strong><br /> ಬೆಂಗಳೂರಿನ ಬದುಕನ್ನು ಬಿಂಬಿಸುವ ಛಾಯಾಚಿತ್ರಗಳನ್ನು ‘ಚೌಕಟ್ಟು’ ಅಂಕಣಕ್ಕೆ ನೀವೂ ಕಳುಹಿಸಬಹುದು. ಗುಣಮಟ್ಟದ ಚಿತ್ರಗಳನ್ನು ಆಯ್ಕೆಮಾಡಿ, ಅನುಭವಿಗಳ ವಿಶ್ಲೇಷಣೆಯೊಂದಿಗೆ ಪ್ರಕಟಿಸಲಾಗುವುದು. <strong>ಇಮೇಲ್: metropv@prajavani.co.in</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈ ರಕ್ಕಸ ವೇಷಧಾರಿ ಯಾರು ಗೊತ್ತಾ!.. ಬತ್ತದ ಗಿಡಬೆಳೆದು ನಿಂತಾಗ ಸಾವಿರ ಸಂಖ್ಯೆಯಲ್ಲಿ ದಂಡೆತ್ತಿ ಬಂದು ನೋಡನೋಡುತ್ತಲೇ ಹಸಿರು ದಂಟಿನ ಜೀವ ರಸ ಹೀರಿ ಎಲ್ಲವನ್ನೂ ಹಳದಿ ಬಣ್ಣಕ್ಕೆ ತಿರುಗಿಸಿ ಬೆಳೆನಾಶಕ್ಕೆ ನಾಂದಿಹಾಡುವ ಅನ್ನದಾತರ ಶತ್ರು, ಕೇವಲ ಐದು ಮಿಲಿ ಮೀಟರ್ ಅಳತೆಯ ‘ಕಂದು ಜಿಗಿದು ಹಾರುವ ಗಿಡ-ಮಿಡತೆ’,… ಪ್ಲಾಂಟ್ ಹಾಪರ್, ನೀಲಪರ್ವತ ಲುಗೆನ್ಸ್ ಸ್ಟಾಲ್ (infraorder Fu*goromorpha) ಎಂದೂ ಕರೆಯಲಾಗುತ್ತದೆ.</p>.<p>ಬರಿಗಣ್ಣಿಗೆ ಬೇಗನೆ ಕಾಣಿಸದಷ್ಟು ಪುಟಾಣಿ ಜೀವಿ ಇದು. ಸಹಸ್ರಾರು ಬಗೆಯ ಈ ಜೀವಿ ಬೆಳೆಗಾರರಿಗೆ ಹೇರಳವಾಗಿ ಬೇಕಾಗುವ ಕೀಟ ನಾಶಕದ ಮಾರ್ಕೆಟ್ನ ‘ಪ್ರಗತಿಗೆ’ ತುಂಬಾ ಸಹಕಾರಿ! ಬೆಂಗಳೂರಿಗೆ ತಾಗಿರುವ ಮಾಗಡಿ ರಸ್ತೆಯ ಹೊಲದ ಪಕ್ಕದ ಹುಲ್ಲುಗಾವಲಲ್ಲಿ ಈ ಕೀಟವನ್ನು ಗುರುತಿಸಿ ಅತಿ ಸಮೀಪದಿಂದ ಇತ್ತೀಚೆಗೆ ಒಂದು ಮುಂಜಾನೆ ಕ್ಯಾಮೆರಾದಲ್ಲಿ ಸೆರೆಹಿಡಿದವರು ಕಾಮಾಕ್ಯ ಬಡಾವಣೆಯ ಪ್ರದ್ಯುಮ್ನ. ವೃತ್ತಿಯಲ್ಲಿ ಮೂರು ವರ್ಷಗಳಿಂದ ಛಾಯಾಗ್ರಹಣವನ್ನೇ ಅವಲಂಬಿಸಿದ್ದರೂ, ಪೋರ್ಟ್ ಫೋಲಿಯೋಸ್, ಲ್ಯಾಂಡ್ ಸ್ಕೇಪ್, ವನ್ಯಜೀವಿ ಮತ್ತು ಮ್ಯಾಕ್ರೋ ಛಾಯಾಗ್ರಹಣದಲ್ಲಿ ಹವ್ಯಾಸ ಬೆಳೆಸಿಕೊಂಡಿದ್ದಾರೆ ಅವರು.</p>.<p>ಈ ಚಿತ್ರ ಸೆರೆಹಿಡಿಯಲು ಅವರು ಬಳಸಿದ ಕ್ಯಾಮೆರಾ, ಸೋನಿ ಎ7 ಆರ್, 28-70 ಎಂ.ಎಂ. ಲೆನ್ಸ್ನಲ್ಲಿ 70 ಎಂ.ಎಂ. ಫೋಕಲ್ ಲೆಂಗ್ತ್ನಲ್ಲಿ ಎಕ್ಸ್ಪೋಷರ್ ವಿವರ ಇಂತಿವೆ: ಅಪರ್ಚರ್ ಎಫ್ 18, ಶಟರ್ ವೇಗ 1/ 125 ಸೆಕೆಂಡ್, ಐ.ಎಸ್.ಒ 320. ಟ್ರೈಪಾಡ್ ಬಳಸಿಲ್ಲ. ಆದರೆ ಡಿಫ್ಯೂಸ್ ಮಾಡಿದ ಫ್ಲಾಶ್ ಬೆಳಕಿನಲ್ಲಿ ಸೆರೆಹಿಡಿಯಲಾಗಿದೆ.</p>.<p>ಈ ಚಿತ್ರದೊಂದಿಗೆ ತಾಂತ್ರಿಕ ಮತ್ತು ಕಲಾತ್ಮಕ ಅನುಸಂಧಾನದ ಕೆಲವು ಅಂಶಗಳು ಇಂತಿವೆ:</p>.<p>* ಈ ಕೀಟದ ಮಾಟ, ದುರ್ಬೀನಿನಲ್ಲಿ ಕಂಡಾಗ ಮಾತ್ರ ಅದರ ವರ್ಣಮಯ ರೂಪುರೇಷೆ ಕಂಡೀತು. ಕ್ಯಾಮೆರಾ ಹವ್ಯಾಸಿಗಳಿಗೆ, ಮ್ಯಾಕ್ರೊ ಲೆನ್ಸ್ನಲ್ಲಿ ನಿಧಾನ ಗತಿಯಲ್ಲಿ ಸಾಗುವ ಇದರ ವಿರಾಟ ದೃಶ್ಯವನ್ನು ಸೆರೆಹಿಡಿಯುವುದು ಸುಲಭವೆನಿಸಿದರೂ ಸರಿಯಾದ ಕೋನದಲ್ಲಿ ಉತ್ತಮವಾದ ಬೆಳಕಿನ ಅಥವಾ ಫ್ಲಾಶ್ನ ಬಳಕೆ ಮಾಡಿ ವಿಶಿಷ್ಟ ಪೂರ್ಣವಾದ ಈ ಚಿತ್ರಣವನ್ನು ಪರಿಣಾಮಕಾರಿಯಾಗಿ ನಿರೂಪಿಸಿರುವಲ್ಲಿ, ಕ್ಯಾಮೆರಾದಲ್ಲಿನ ಎಲ್ಲ ತಾಂತ್ರಿಕ ಅಂಶಗಳನ್ನೂ ಸಮರ್ಪಕವಾಗಿ ಅಳವಡಿಸಿರುವುದು ಛಾಯಾಚಿತ್ರಕಾರರ ಪರಿಣಿತಿಗೆ ಸಾಕ್ಷಿ.</p>.<p>* ಸೂಕ್ಷ್ಮವಾದ ಮ್ಯಾಕ್ರೊ ಜೀವಿಗಳನ್ನು ಕಮೆರಾದಲ್ಲಿ ಸೆರೆಹಿಡಿವುವಲ್ಲಿ ಬೆಳಕಿನ ಪಾತ್ರ ಬಹಳ ಮುಖ್ಯ. ಸಹಜವಾದ ಸೂರ್ಯನ ಬೆಳಕು ಸಮರ್ಪಕವಾಗಿ ದೊರಕದಿದ್ದಲ್ಲಿ, ಫ್ಲಾಶ್ನ ಬಳಕೆ ಅನಿವಾರ್ಯವೇ. ಆದರೆ, ಫ್ಲಾಶ್ ಅನ್ನು ನೇರವಾಗಿ ಬಳಸಿದರೆ, ಬೆಳಕು ಹತ್ತಿರದಿಂದಲೇ ವಸ್ತುವಿನ ಮೇಲೆ ಬೀರುವಂತಾಗಿ, ಅನೇಕ ಹತ್ತಿರದ ಭಾಗಗಳು ಬಿಳಿಚಿಕೊಂಡು ಅಲ್ಲಲ್ಲೇ ಮರೆಯಲ್ಲಿರುವ ಭಾಗಗಳು ಕಡು ಕಪ್ಪು ನೆರಳಿನಿಂದ ಕೂಡಿ, ಸೆರೆಹಿಡಿದ ಚಿತ್ರವು, ಅತಿ ಹೆಚ್ಚಿನ ಕಾಂತಿ ವೈರುದ್ಯದಿಂದ ಕೂಡಿಬಿಡಬಹುದು. ಇಲ್ಲಿ, ಫ್ಲಾಶ್ ಬಳಕೆಯಾಗಿದ್ದು, ಅದರ ಕಾಂತಿಯನ್ನು ಡಿಫ್ಯೂಸ್ ಟೆಕ್ನಿಕ್ನಲ್ಲಿ ಮಧುರಗೊಳಿಸಿದೆ. ಅಂತೆಯೇ ಜಿಗಿ-ಮಿಡತೆಯ ಎಲ್ಲ ಭಾಗಗಳೂ ಸರಿಯಾಗಿ ಮೂಡಿವೆ.</p>.<p>* ಕಲಾತ್ಮಕವಾದ ಅಂಶಗಳೂ, ಈ ಚಿತ್ರಣದಲ್ಲಿ ಗಮನಾರ್ಹವೇ. ಬರಿ ಕಣ್ಣಿಗೆ ಗೋಚರಿಸದ ಆ ಪುಟಾಣಿ ಜೀವಿಯು ತನ್ನ ರಕ್ಷಣೆಗೆಂದು ತಾಳಿರುವ ಪ್ರಕೃತಿ ಜನ್ಯ, ವರ್ಣಮಯ ಅಂಗಾಂಗ, ರೆಕ್ಕೆ, ಮೈಮಾಟಗಳನ್ನು ಪ್ರಭಾವಪೂರ್ಣವಾಗಿ, ಎಲ್ಲ ವಸ್ತು ಮಾಹಿತಿಯೊಂದಿಗಿನ, ಉತ್ತಮವಾದ ವರ್ಣಸಂಯೋಜನೆಯಲ್ಲಿ ಸೆರೆಹಿಡಿದಿರುವುದು ಛಾಯಾಚಿತ್ರಕಾರರ ಪರಿಣಿತಿಗೆ ಸಾಕ್ಷಿ.</p>.<p>* ಮುಖ್ಯ ವಸ್ತುವು (ಜಿಗಿ ಹುಳ) ಚೌಕಟ್ಟಿನ ಒಂದು ಬದಿಯ ಕೆಳ ಮೂಲೆಯೆಡೆಯಿಂದ ಅದರ ಎದುರು ಮೂಲೆಯ ಮೇಲ್ಭಾಗದೆಡೆ ಓರೆಯಾಗಿ ಕಾಣಿಸುವ ಗಿಡವೊಂದರ ರೆಂಬೆ ಮೇಲೆ ಸಾಗುತ್ತಿರುವಂತಿರುವುದು ಚಲನೆಯನ್ನು ಸೂಸುತ್ತದೆ. ಅದರ ಮುಖಭಾಗದ ಎದುರಿಗೆ, ಸಾಕಷ್ಟು ರಿಲೀಫ್ ಇರುವುದು ಈ ಚಲನೆಗೆ ಪೂರಕವಾಗಿದೆಯಷ್ಟೆ. ಇದಕ್ಕೆ ಪರಿಣಾಮಕಾರಿಯಾದ ಡಯಾಗೊನಲ್ ಚಿತ್ರ-ಸಂಯೋಜನೆಯೆಂದೂ ಗುರುತಿಸಬಹುದು. ಒಟ್ಟಾರೆ ಮ್ಯಾಕ್ರೊ ಛಾಯಾಗ್ರಹಣದಲ್ಲೂ ವಸ್ತು-ಸೂಕ್ಷ್ಮತೆಯ ಜೊತೆಗೆ ಭಾವ ಸ್ಪಂದನೆಗೂ, ಉತ್ತಮ ಕೋನ (ಯ್ಯಾಂಗಲ್ ಆಫ್ ವ್ಯೂ), ಫೋಕಸ್, ವರ್ಣಸಾಮರಸ್ಯ, ಬೆಳಕಿನ ವೈಶಿಷ್ಟ್ಯ, ತಾಂತ್ರಿಕ ಗುಣಮಟ್ಟ ಮತ್ತು ಚಿತ್ರ ಸಂಯೋಜನೆ ಕೂಡಾ ಪರಿಣಾಮಕಾರಿಯಾಗ ಬಲ್ಲವು ಎಂಬುದನ್ನು ಈ ಚಿತ್ರ ಸಾದರಪಡಿಸುತ್ತದೆ.</p>.<p><strong>ಛಾಯಾಚಿತ್ರಗಾರ: ಪ್ರದ್ಯುಮ್ನ<br /> ಇಮೇಲ್: Pradyu343@gmai*.com<br /> ಮೊ: 9886648817</strong><br /> ಬೆಂಗಳೂರಿನ ಬದುಕನ್ನು ಬಿಂಬಿಸುವ ಛಾಯಾಚಿತ್ರಗಳನ್ನು ‘ಚೌಕಟ್ಟು’ ಅಂಕಣಕ್ಕೆ ನೀವೂ ಕಳುಹಿಸಬಹುದು. ಗುಣಮಟ್ಟದ ಚಿತ್ರಗಳನ್ನು ಆಯ್ಕೆಮಾಡಿ, ಅನುಭವಿಗಳ ವಿಶ್ಲೇಷಣೆಯೊಂದಿಗೆ ಪ್ರಕಟಿಸಲಾಗುವುದು. <strong>ಇಮೇಲ್: metropv@prajavani.co.in</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
