25 ವರ್ಷಗಳ ಹಿಂದೆ: ಸೋಮವಾರ, 1–1–1996

ತಮ್ಮ ಮೊದಲ ಆದ್ಯತೆ ಯಾವುದೇ ರಾಜ್ಯಗಳ ಬೆಳೆ ಹಾಳಾಗದಂತೆ ರಕ್ಷಿಸುವುದು ಎಂದು ಪ್ರಧಾನಿ ಆಶ್ವಾಸನೆ ನೀಡಿದರು. ದೇವೇಗೌಡ ಮತ್ತು ಜಯಲಲಿತಾ ಅವರು ಪ್ರಧಾನಿಯವರ ಸಲಹೆ ಒ‍ಪ್ಪಿಕೊಂಡರೆ ನಾಳೆ ಸಂಜೆಯ ವೇಳೆಗೆ ಎರಡೂ ರಾಜ್ಯಗಳಿಗೆ ಸಮ್ಮತವಾಗುವ ಪರಿಹಾರ ಸೂತ್ರ ಹೊರಬೀಳುವ ಸಾಧ್ಯತೆಯಿದೆ.

ಗೊಬ್ಬರ ದರ ಏರಿಕೆ: ಇಂದಿನಿಂದ ಜಾರಿ
ಬೆಂಗಳೂರು, ಡಿ. 31– ಕೇಂದ್ರ ಸರ್ಕಾರದ ಸಹಾಯಧನ ಯೋಜನೆಯಲ್ಲಿ ಸಂಯುಕ್ತ ಗೊಬ್ಬರಗಳಿಗೆ ಗರಿಷ್ಠ ಮಾರಾಟ ದರ ನಿಗದಿಗೊಳಿಸಿ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ. ಹಿಂದಿನ ದರಕ್ಕಿಂತ ಶೇಕಡ ಒಂದರಿಂದ ಆರರಷ್ಟು ದರ ಹೆಚ್ಚಳ ಮಾಡಲಾಗಿದೆ.