ನವದೆಹಲಿ, ಮೇ 19– ಆಫ್ರಿಕಾದಲ್ಲಿ ಇನ್ನೂ ವಸಾಹತುಶಾಹಿ ಆಡಳಿತದಲ್ಲಿರುವ ಪ್ರದೇಶಗಳ ವಿಮೋಚನೆಗೆ ನಡೆಯುವ ಸ್ವಾತಂತ್ರ್ಯ ಹೋರಾಟಕ್ಕೆ ಭಾರತವು ಪೂರ್ಣ ಬೆಂಬಲ ನೀಡುವುದೆಂದು ರಾಷ್ಟ್ರಪತಿ
ವಿ.ವಿ. ಗಿರಿ ಅವರು ಭರವಸೆ ನೀಡಿದ್ದಾರೆ.
ಆಫ್ರಿಕಾದ ಸ್ವತಂತ್ರ ರಾಷ್ಟ್ರಗಳೊಡನೆ, ರಾಜಕೀಯ, ಆರ್ಥಿಕ ಮತ್ತು ಸಾಂಸ್ಕೃತಿಕ ಸಹಕಾರವನ್ನು ತೀವ್ರಗೊಳಿಸಲು ಆ ರಾಷ್ಟ್ರಗಳೊಡನೆ ಭಾರತವು ಸಂಬಂಧವನ್ನಿಟ್ಟುಕೊಳ್ಳುವುದೆಂದು ಅವರು ನುಡಿದರು.
ರೈಲುಗಳ ಸಂಚಾರದಲ್ಲಿ ಗಣನೀಯ ಪ್ರಗತಿ: ಮತ್ತೆ 5000 ಜನ ಕೆಲಸಕ್ಕೆ
ನವದೆಹಲಿ, ಮೇ 19– ‘ಪ್ರಯಾಣಿಕರ ಹಾಗೂ ಸಾಮಗ್ರಿ ಸಾಗಣೆ ರೈಲುಗಳ ಸಂಚಾರದಲ್ಲಿ ಅದ್ಭುತ ಸುಧಾರಣೆಯಾಗಿದೆ’ ಎಂದು ರೈಲ್ವೆ ಖಾತೆಯ ವಕ್ತಾರರೊಬ್ಬರು ಇಂದು ಇಲ್ಲಿ ತಿಳಿಸಿದರು.
ಕಳೆದ 24 ಗಂಟೆಗಳ ಅವಧಿಯಲ್ಲಿ ಸುಮಾರು ಐದು ಸಾವಿರ ಮಂದಿ ರೈಲ್ವೆ ಸಿಬ್ಬಂದಿ ಕೆಲಸಕ್ಕೆ ಹಾಜರಾಗಿರುವುದೇ ಈ ಸುಧಾರಣೆಗೆ ಕಾರಣವೆಂದೂ ತಿಳಿಸಿದ್ದಾರೆ.
