ಭಾನುವಾರ, ಸೆಪ್ಟೆಂಬರ್ 19, 2021
31 °C

50 ವರ್ಷ: ಬುಧವಾರ 11–8–1971

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲೋಕಸಭೆಯ ಎಲ್ಲಾ ಪಕ್ಷಗಳಿಂದಲೂ ಮುಕ್ತಕಂಠದ ಸ್ವಾಗತ

ನವದೆಹಲಿ, ಆ 10– ರಷ್ಯದೊಡನೆ ಭಾರತ ಮಾಡಿಕೊಂಡಿರುವ 20 ವರ್ಷಗಳ ಅವಧಿಯ ಶಾಂತಿ, ಸ್ನೇಹ ಸಹಾಕರ ಒಪ್ಪಂದವನ್ನು ಇಂದು ಲೋಕಸಭೆಯಲ್ಲಿ ಸಾಮಾನ್ಯವಾಗಿ ಎಲ್ಲ ಪಕ್ಷಗಳೂ ಮುಕ್ತ ಕಂಠದಿಂದ ಸ್ವಾಗತಿಸಿದವು.

ಕಷ್ಟ ಸಮಯಗಳಲ್ಲಿ, ಭಾರತಕ್ಕೊಂದು ನಂಬಲರ್ಹ ಮಿತ್ರ ರಾಷ್ಟ್ರ ಸಿಕ್ಕಿರುವುದೆಂದು ಜನ ಸಂಘದ ನಾಯಕ ಎ.ಬಿ. ವಾಜಪೇಯಿ ಹೇಳಿದರು. ಸ್ವತಂತ್ರ ಪಕ್ಷದ ಪಿಲೂಮೋದಿ ಅವರು ಈ ಒಪ್ಪಂದದಿಂದ ರಷ್ಯಕ್ಕೆ ಅನುಕೂಲವೆಂದು ಜಾಗರೂಕ ವಿಶ್ಲೇಷಣೆಯಿಂದ ವ್ಯಕ್ತಪಡುವುದೆಂದರು.

ಸ್ವತಂತ್ರ, ಜನಸಂಘಗಳ ಟೀಕೆ ಮಧ್ಯೆ ರಾಜ್ಯಸಭೆಯಲ್ಲಿ ಸಂವಿಧಾನ ಮಸೂದೆ ಮಂಡನೆ

ನವದೆಹಲಿ, ಆ 10– ಆಡಳಿತ ಕಾಂಗ್ರೆಸ್ ಸದಸ್ಯರ ಹರ್ಷೋದ್ಘಾರ ಹಾಗೂ ಜನಸಂಘ ಮತ್ತು ಸ್ವತಂತ್ರ ಪಕ್ಷಗಳ ಸದಸ್ಯರ ಆಕ್ಷೇಪಣೆಗಳ ಮಧ್ಯೆ ಸಂವಿಧಾನ ತಿದ್ದುಪಡಿ ವಿಧೇಯಕದ ಚರ್ಚೆಯನ್ನು ಇಂದು ರಾಜ್ಯಸಭೆ ಆರಂಭಿಸಿತು.

ಚರ್ಚೆಗಾಗಿ ವಿಧೇಯಕ ಮಂಡಿಸಿದ ಕೇಂದ್ರ ಕಾನೂನು ಸಚಿವ ಎಚ್.ಆರ್. ಗೋಖಲೆ ಅವರು, ‘ಪ್ರಗತಿಯ ಹಾದಿಯಲ್ಲಿ ಅಡ್ಡಬಂದಿರುವ ಕೆಲವು ನ್ಯಾಯಾಂಗ ನಿರ್ಧಾರಗಳ ಅಡಚಣೆಗಳನ್ನು ನಿವಾರಿಸಲು ಹಾಗೂ ಸಂವಿಧಾನದ ಯಾವ ಭಾಗವನ್ನೇ ಆಗಲಿ ತಿದ್ದುಲು ಸಂಸತ್ತಿಗೆ ಇರುವ ಪರಮಾಧಿಕಾರವನ್ನು ಮತ್ತೆ ಸ್ಥಾಪಿಸುವುದೇ ವಿಧೇಯಕದ ಉದ್ದೇಶವೆಂದು ವಿವರಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು