ನವದೆಹಲಿ, ಮೇ 14 (ಪಿಟಿಐ)– ಬೊಫೋರ್ಸ್ ಫಿರಂಗಿ ಹಗರಣದ ಕುರಿತು ತನಿಖೆ ನಡೆಸಲು ರಚಿಸಿದ್ದ ಸಿಬಿಐನ ವಿಶೇಷ ತನಿಖಾ ತಂಡ ತನ್ನ ವರದಿಯನ್ನು ಸರ್ಕಾರಕ್ಕೆ ಸಲ್ಲಿಸಿದ್ದು, ಹಗರಣದ ವೇಳೆ ಸರ್ಕಾರಿ ಸೇವೆಯಲ್ಲಿದ್ದ ಏಳು ಮಂದಿಯ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲು ಸರ್ಕಾರದ ಅನುಮತಿ ಕೇಳಿದೆ. ಸುಮಾರು 1,437 ಕೋಟಿ ರೂಪಾಯಿ ಮೌಲ್ಯದ ಫಿರಂಗಿ ಖರೀದಿಯಲ್ಲಿ ‘ಎಬಿ ಬೊಫೋರ್ಸ್’ ಕಂಪನಿಯಿಂದ 64 ಕೋಟಿ ರೂಪಾಯಿ ರುಷವತ್ತು ಪಡೆಯಲಾಗಿದೆ ಎಂದು ವರದಿಯಲ್ಲಿ ಆರೋಪಿಸಲಾಗಿದೆ.