ಸ್ವತಂತ್ರ ತಾಯಿನಾಡಿಗೆ ಬಾಂಗ್ಲಾ ನಿರಾಶ್ರಿತ ವಾಪಸು ಪ್ರಾರಂಭ
ಬನಗಾಂವ್ (ಪಶ್ಚಿಮ ಬಂಗಾಳ) ಜ. 1– ಸುಮಾರು ಇಪ್ಪತ್ತೈದು ಸಾವಿರ ಮಂದಿ ನಿರಾಶ್ರಿತರು ಇಂದು ಭಾರತಕ್ಕೆ ವಿದಾಯ ಹೇಳಿ ಸ್ವತಂತ್ರ ನಾಡಿಗೆ ಹಿಂದಿರುಗುವ ಹಿಗ್ಗಿನಿಂದ ಮಾತೃಭೂಮಿಗೆ ಪ್ರಯಾಣ ಆರಂಭಿಸಿದರು.
ಇಂದು ಹೊಸ ವರ್ಷದ ಉದಯವಾದಂತೆ ನಿರಾಶ್ರಿತರ ಬಾಳಿನಲ್ಲೂ ಹೊಸ ಅಧ್ಯಾಯದ ಆರಂಭ. ಸೂರ್ಯೋದಯವಾದಂತೆ ಬಾಂಗ್ಲಾ ದೇಶದ ನಿರಾಶ್ರಿತರಲ್ಲಿ ಸ್ವತಂತ್ರ ನಾಡಿಗೆ ಹಿಂದಿರುಗುವ ಸಂಭ್ರಮ ಕಂಡು ಬಂದಿತು. ಎರಡು ವಿಶೇಷ ರೈಲುಗಳು ಇಲ್ಲಿಂದ ಜೆಸ್ಸೂರಿಗೆ ಹೊರಟವು.