ಆ್ಯಸಿಡ್ ಅನ್ನು ಮುಕ್ತ ಮಾರುಕಟ್ಟೆಯಲ್ಲಿ ಮಾರಾಟ ಮಾಡುವುದಕ್ಕೆ ನಿರ್ಬಂಧವಿದ್ದರೂ
ಇಂದಿಗೂ ಅಂಗಡಿಗಳಲ್ಲಿ ಅದು ಸುಲಭವಾಗಿ ಸಿಗುತ್ತಿರುವುದು (ಪ್ರ.ವಾ., ಜ. 14) ಗಂಭೀರವಾದ ವಿಷಯ. ಆ್ಯಸಿಡ್ ಮಾರಾಟಕ್ಕೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್ ಹೊರಡಿಸಿರುವ ಮಾರ್ಗಸೂಚಿಗೆ ಕಿಮ್ಮತ್ತಿಲ್ಲದಂತೆ
ಕೆಲವರು ವರ್ತಿಸುತ್ತಿದ್ದಾರೆ. ಮಾನವನ ದೇಹಕ್ಕೆ ತೀವ್ರ ಹಾನಿ ಉಂಟು ಮಾಡುವ ಆ್ಯಸಿಡ್, ಕಿರಾಣಿ ಅಂಗಡಿಗಳಲ್ಲಿ ಮುಕ್ತವಾಗಿ ಸಿಗುತ್ತದೆ ಎಂದರೆ ಏನರ್ಥ? ನಾವು ಎಡವುತ್ತಿರುವುದು ಎಲ್ಲಿ? ಅಧಿಕಾರಿಗಳು ಜಾಣಕುರುಡರಾಗಿದ್ದಾರೆಯೇ ಅಥವಾ ನಾಗರಿಕ ಸಮಾಜ ಕುರುಡಾಗಿದೆಯೇ? ಹೀಗಾದರೆ ಸಮಾಜದ ಗತಿ ಏನು?
