ವಾಚಕರ ವಾಣಿ | ರಾಜಧಾನಿಗಳ ಸಂಖ್ಯೆ: ರಾಷ್ಟ್ರೀಯ ನೀತಿ ಅಗತ್ಯ
ಅಕ್ಷರ ಗಾತ್ರ :ಆ |ಆ |ಆ
ಮೂರು ರಾಜಧಾನಿಗಳನ್ನು ಹೊಂದುವ ಆಂಧ್ರಪ್ರದೇಶ ಸರ್ಕಾರದ ಪ್ರಸ್ತಾವಕ್ಕೆ ಅಲ್ಲಿನ ರಾಜ್ಯಪಾಲರು ಒಪ್ಪಿಗೆ ನೀಡಿದ್ದಾರೆ (ಪ್ರ.ವಾ., ಆ. 1). ಇದರೊಂದಿಗೆ ಆಂಧ್ರಪ್ರದೇಶವು ಅಮರಾವತಿ, ವಿಶಾ‌ಖಪಟ್ಟಣ ಹಾಗೂ ಕರ್ನೂಲ್‌ ಎಂಬ ಮೂರು ರಾಜಧಾನಿಗಳನ್ನು ಹೊಂದಲಿದೆ. ಒಂದಕ್ಕಿಂತ ಹೆಚ್ಚು ರಾಜಧಾನಿಗಳನ್ನು ಹೊಂದುವುದು ಜನಸಂಖ್ಯೆ ಹಾಗೂ ಆಡಳಿತಾತ್ಮಕ ದೃಷ್ಟಿಯಿಂದ ಸರಿಯೆನ್ನಬಹುದು. ಶೀಘ್ರ ನ್ಯಾಯದಾನಕ್ಕೂ ಇದು ಅಗತ್ಯವಾಗಿ ಬೇಕಾಗಬಹುದು. ಆದರೆ ಇದರಿಂದ ಮತ್ತಷ್ಟು ಸಮಸ್ಯೆಗಳು ಕೂಡ ಹುಟ್ಟಿಕೊಳ್ಳಬಹುದು. ಪ್ರಾದೇಶಿಕತೆ ಅಥವಾ ಪ್ರತ್ಯೇಕತೆಗೆ ಇದು ಇಂಬು ನೀಡಬಹುದು. ಅದೇ ರೀತಿ, ದೇಶದ ಎಲ್ಲಾ ರಾಜ್ಯಗಳು ತಮಗೆ ಇಷ್ಟ ಬಂದ ರೀತಿಯಲ್ಲಿ ರಾಜಧಾನಿಗಳನ್ನು ಹೊಂದಲು ಮುಂದಾಗಬಹುದು. ಆದ್ದರಿಂದ ಕೇಂದ್ರ ಸರ್ಕಾರ ಈ ಬಗ್ಗೆ ರಾಷ್ಟ್ರೀಯ ನೀತಿಯೊಂದನ್ನು ರೂಪಿಸುವುದು ಅಗತ್ಯ.
- ಕೆ.ವಿ.ವಾಸು, ಮೈಸೂರು
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
