ಕೇಬಲ್‌ ಮಾಫಿಯಾ: ಗಾಳಿಯಲ್ಲೇ ತೇಲಿಹೋಗುವ ದೂರು!

ಕೇಬಲ್ ಮಾಫಿಯಾದ ಕಪಿಮುಷ್ಟಿಯ ಬಗ್ಗೆ ಮುಳ್ಳೂರು ಪ್ರಕಾಶ್ ದೂರಿದ್ದಾರೆ (ವಾ.ವಾ., ನ. 23). ಈ ಮೊದಲು ಕೇಬಲ್‌ ಸಂಪರ್ಕದಲ್ಲಿ ಲಭ್ಯವಿದ್ದ ಯಾವುದೇ ಚಾನೆಲ್‌ಗಳನ್ನು ವೀಕ್ಷಿಸಬಹುದಾಗಿದ್ದು, ಈಗ ಪ್ರತ್ಯೇಕ ಪೇ ಚಾನೆಲ್‌ ಕಾರಣದಿಂದ ವಿಶ್ವಕಪ್ ಫುಟ್‌ಬಾಲ್ ಪಂದ್ಯಾವಳಿಯ ಉದ್ಘಾಟನಾ ಸಮಾರಂಭವನ್ನು ನೇರವಾಗಿ ವೀಕ್ಷಿಸಲು ತಮಗೆ ಸಾಧ್ಯವಾಗಲಿಲ್ಲ ಎಂದಿದ್ದಾರೆ. ಅವರ ಮಾತನ್ನು ನಾನೂ ಅನುಮೋದಿಸುತ್ತೇನಾದರೂ ಸ್ವಲ್ಪ ಬದಲಾವಣೆ ತರಲು ಬಯಸುತ್ತೇನೆ. ಇಂದು ಇಡೀ ಕೇಬಲ್ ಜಾಲವು ಉತ್ತರ ಭಾರತದ ಮಲ್ಟಿ ಸಿಸ್ಟಮ್ ಆಪರೇಟರ್‌ಗಳ (ಎಂಎಸ್‌ಒ) ಬಳಿ ಇದೆ ಹಾಗೂ ಚಾನೆಲ್‌ಗಳನ್ನು ಇವರೇ ನಿಯಂತ್ರಿಸುತ್ತಾರೆ ಅಥವಾ ಸ್ವತಃ ಮಾಲೀಕರಾಗಿರುತ್ತಾರೆ. ಎಲ್ಲಕ್ಕಿಂತ ಹೆಚ್ಚಾಗಿ ಕ್ರೀಡಾ ಪಂದ್ಯಗಳ ಆಯೋಜಕರು ನೇರ ಪ್ರಸಾರಕ್ಕಾಗಿ ಹರಾಜು ಕೂಗುತ್ತಾರೆ. ಈ ಪದ್ಧತಿಯನ್ನು ಕ್ರಿಕೆಟ್ ಸೇರಿದಂತೆ ಎಲ್ಲಾ ಬಲಾಢ್ಯ ಶ್ರೀಮಂತ ಆಟಗಳಲ್ಲಿ ಕಾಣಬಹುದಾಗಿದ್ದು ಇದರಲ್ಲಿ ಆಟಗಾರರೂ ಹರಾಜಿನ
ಭಾಗವಾಗಿರುತ್ತಾರೆ.