ಎದೆ ಭಾಗವನ್ನು ಎಕ್ಸ್ರೇ ಮಾಡುವುದರಿಂದ ಕೋವಿಡ್ ಪತ್ತೆ ಮಾಡಬಹುದು ಎಂಬುದು (ಪ್ರ.ವಾ., ಜುಲೈ 8) ಭರವಸೆದಾಯಕ ವಾರ್ತೆ. ಅದರಲ್ಲೂ ಕನ್ನಡಿಗರ ಈ ಸಂಶೋಧನೆ ಕನ್ನಡಿಗರಿಗೆ ಹೆಮ್ಮೆಯ ವಿಷಯ. ‘ಈ ಎಕ್ಸ್ರೇ ಯಂತ್ರ ಸೇರಿದಂತೆ ದೇಶೀಯವಾಗಿ ಅಭಿವೃದ್ಧಿಪಡಿಸಿದ ಆರು ಪ್ರಮುಖ ಉತ್ಪನ್ನಗಳಿಗೆ ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ ಮಾನ್ಯತೆ ಸಿಕ್ಕಿದೆ. ಈ ಕ್ಷಣದಿಂದಲೇ ಈ ಎಲ್ಲವನ್ನೂ ಎಲ್ಲರೂ ಬಳಸಬಹುದು. ಖರೀದಿ ಮಾಡಬಹುದು’ ಎಂದು ಉಪಮುಖ್ಯಮಂತ್ರಿ ಅಶ್ವತ್ಥನಾರಾಯಣ ಈ ಸಾಧನಗಳನ್ನು ಬಿಡುಗಡೆ ಮಾಡುವ ಸಂದರ್ಭದಲ್ಲಿ ಹೇಳಿದ್ದಾರೆ.