ಹಜ್‌ ಭವನಕ್ಕೆ ಟಿಪ್ಪು ಹೆಸರು ಬೇಡ

ಕಳೆದ ವರ್ಷ ಟಿಪ್ಪು ಜಯಂತಿ ಆಚರಿಸಲು ಹೋಗಿ ರಾಜ್ಯದಾದ್ಯಂತ ಪರ– ವಿರೋಧಗಳ ಅಲೆಯೇ ಎದ್ದಿತ್ತು.ಇಂತಹ ಅಜೆಂಡಾಗಳಿಂದಾಗಿಯೇ ಚುನಾವಣೆಯಲ್ಲಿ ಯಾವುದೇ ಪಕ್ಷಕ್ಕೆ ಸ್ಪಷ್ಟ ಬಹುಮತ ಸಿಗದೆ, ಅತಂತ್ರ ಸ್ಥಿತಿ ನಿರ್ಮಾಣವಾಯಿತು. ಆ ಸ್ಥಿತಿ ಇನ್ನೂ ಬದಲಾಗಿಲ್ಲ. ಹೀಗಿರುವಾಗ ಸಚಿವರ ಇಂಥ ಹೇಳಿಕೆ ಸಮಂಜಸವಲ್ಲ.

ಜಾತಿ– ಮತಗಳ ಆಧಾರದ ವೋಟ್ ಬ್ಯಾಂಕ್ ತಂತ್ರ ನಿಲ್ಲಬೇಕಾಗಿದೆ. ಇದರಿಂದ ಮುಸ್ಲಿಮರಿಗೇನೂ ಲಾಭವಿಲ್ಲ. ಮುಸ್ಲಿಮರು ಶಿಕ್ಷಣದಿಂದ ವಂಚಿತರಾಗಿ ದಲಿತರಿಗಿಂತಲೂ ಹೀನ ಸ್ಥಿತಿಯಲ್ಲಿದ್ದಾರೆ. ಇವರನ್ನು ಸುಶಿಕ್ಷಿತರಾಗಿಸಲು, ಸಾಮಾಜಿಕವಾಗಿ ಮೇಲೆತ್ತಲು ಸಚಿವರು ಮುಂದಾಗಲಿ.