ಮಕ್ಕಳು ತಮ್ಮ ದಿನದ ಹೆಚ್ಚಿನ ಸಮಯವನ್ನು ಮನೆಯವರೊಂದಿಗೆ, ನೆರೆಹೊರೆಯವರೊಂದಿಗೆ ಕಳೆಯುತ್ತಾರೆ. ಶಿಕ್ಷಕರ ಪಾಠ ಮತ್ತು ಅವರ ವ್ಯಕ್ತಿತ್ವಕ್ಕಿಂತ ಶಾಲೆಯಾಚೆಯ ಅಂಶಗಳ ಬಲವಾದ ಪ್ರಭಾವಕ್ಕೆ ಮಕ್ಕಳು ಒಳಗಾಗುತ್ತಾರೆ. ಸಿನಿಮಾ, ಮೊಬೈಲ್, ಮಾಧ್ಯಮಗಳಿಂದ ಮಾತ್ರವಲ್ಲದೆ ರಾಜಕಾರಣಿಗಳು ಹಾಗೂ ಹಿರಿಯರೂ ಅವರ ಮೇಲೆ ಗಾಢವಾದ ಪರಿಣಾಮ ಬೀರುತ್ತಾರೆ. ಮುಖ್ಯವಾಗಿ, ಸಮಾಜದಲ್ಲಿ ದುರಭ್ಯಾಸಗಳಿಗೆ, ದುಃಸ್ಥಿತಿಗೆ ಓದಿದವರೇ ಹೆಚ್ಚು ಕಾರಣರಾಗಿರುತ್ತಾರೆ ಎಂಬುದನ್ನು ನಾವು ಮನಗಾಣಬೇಕು. ಒಟ್ಟಾರೆ ಒಳ್ಳೆಯ ಸಮಾಜ ನಿರ್ಮಾಣವಾದರೆ ಮಕ್ಕಳು ಸಹಜವಾಗಿಯೇ ಉತ್ತಮ ವ್ಯಕ್ತಿತ್ವ ಹೊಂದುತ್ತಾರೆ. ಹೀಗಾಗಿ ಯಾರೋ ಒಬ್ಬರನ್ನು ಈ ವಿಷಯದಲ್ಲಿ ದೂರುವುದು ಸಲ್ಲದು.