ಚಿಕ್ಕವರಿದ್ದಾಗ ನಾವು ಆಡುತ್ತಿದ್ದ ಆಟಗಳಲ್ಲಿ ‘ಸ್ಟ್ಯಾಚು’ ಎಂಬ, ಸಂಪನ್ಮೂಲಗಳ ಅಗತ್ಯವಿಲ್ಲದೆ ಸರಳವಾಗಿ ಆಡುತ್ತಿದ್ದ ಆಟವೂ ಒಂದಾಗಿತ್ತು. ಯಾರೂ ಸ್ವಇಚ್ಛೆಯಿಂದ ಪ್ರತಿಮೆಯಾಗಲು ಬಯಸುವುದಿಲ್ಲ ಎಂಬುದನ್ನು ಈ ಆಟ ಒಂದು ರೀತಿಯಲ್ಲಿ ನಮಗೆ ಕಲಿಸುತ್ತದೆ. ಆಟಗಾರರಲ್ಲಿ ಪ್ರತಿಯೊಬ್ಬರೂ ಕ್ರಿಯಾತ್ಮಕತೆಯನ್ನು ಕಾಯ್ದುಕೊಳ್ಳಲು ಬಯಸುತ್ತಾರೆ. ಹಾಗೇ ಅನೇಕ ಮಹಾತ್ಮರ ವ್ಯಕ್ತಿತ್ವವನ್ನು ನಾವು ಚಲನಶೀಲಗೊಳಿಸಬೇಕು. ಆದರೆ ಅವರ ಬೃಹತ್‌ ಪ್ರತಿಮೆಯನ್ನು ಸ್ಥಾಪಿಸಿ, ಗೌರವ ಸಲ್ಲಿಸುವ ನಮ್ಮ ಪ್ರಯತ್ನವನ್ನು ಸ್ಥಾವರಗಳಿಗೆ ಸೀಮಿತಗೊಳಿಸುತ್ತಿದ್ದೇವೆ.
