ಜಾತಿ ಮೀರಿದ ಮಹಾಪುರುಷ

ಕನಕದಾಸರನ್ನು ಕುರುಬರು ಕುಲಗುರುಗಳನ್ನಾಗಿ ಮಾಡಿಕೊಂಡಿದ್ದಾರೆಯೇ ಎನ್ನುವ ಸಂಕುಚಿತ ದೃಷ್ಟಿಯ ಅವಲೋಕನ ಸರಿಯಲ್ಲ. ಇಡೀ ಮನುಕುಲವನ್ನು ಸಮ ದೃಷ್ಟಿಯಿಂದ ನೋಡಿದ ಕನಕದಾಸರು ಎಲ್ಲಾ ಮತದವರ ಡಂಬತನವನ್ನು ಟೀಕಿಸುತ್ತಾರೆ. ಕನಕದಾಸರು ಹರಿಭಕ್ತನಾಗಿದ್ದಕ್ಕೆ ಕುರುಬ ಸಮುದಾಯದವರು ಹಣೆಗೆ ನಾಮ ಹಾಕಿಕೊಂಡು ಜನಿವಾರವ ಧರಿಸಿ ವೈಷ್ಣವಾನುಯಾಯಿಗಳಾಗ
ಬೇಕೆಂದಿಲ್ಲ. ದಾಸರು ರಚಿಸಿದ ಕೀರ್ತನೆಗಳ ಸಾರವನ್ನು ಅರ್ಥೈಸಿಕೊಂಡು ಅನುಸರಿಸಿದರೆ ಸಾಕಲ್ಲವೇ? ಹರಿಹರ ಒಂದಾದರೇ ತಪ್ಪೇನಿದೆ. ದೇವನೊಬ್ಬ ನಾಮ ಹಲವು.