ಈ ಹಿಂದಿನ ಕಾಂಗ್ರೆಸ್– ಜೆಡಿಎಸ್ ಸಮ್ಮಿಶ್ರ ಸರ್ಕಾರದ ಅವಧಿಯಲ್ಲಿ ಜರುಗಿದ ವಿಧಾನಮಂಡಲ ಅಧಿವೇಶನದಲ್ಲಿ, ಈಗ ಕಾನೂನು ಸಚಿವರಾಗಿರುವ ಮಾಧುಸ್ವಾಮಿ ಅವರು ರೈತರ ವಿದ್ಯುತ್ ಸಮಸ್ಯೆ ಕುರಿತು ಮಾತನಾಡಿದ್ದರು. ಆಗ ವಿರೋಧ ಪಕ್ಷದಲ್ಲಿದ್ದ ಅವರು, ‘ಹಗಲು ಹೊತ್ತು ಆರು ಗಂಟೆ ತ್ರಿಫೇಸ್ ವಿದ್ಯುತ್ತನ್ನು ರೈತರಿಗೆ ನೀಡಿ. ಅದು ಬಿಟ್ಟು, ರಾತ್ರಿ ಹೊತ್ತು ಕರೆಂಟ್ ಕೊಟ್ಟು ರೈತರನ್ನು ರಾತ್ರಿ ಪೂರಾ ತೋಟಗಳಲ್ಲಿ ಕಾಲ ಕಳೆಯುವಂತೆ ಮಾಡುತ್ತೀರಿ. ಹಗಲು ಹೊತ್ತು ರೈತರಿಗೆ ಹಾಗೂ ರಾತ್ರಿ ಹೊತ್ತು ಕೈಗಾರಿಕೆಗಳಿಗೆ ಕರೆಂಟ್ ನೀಡಿ’ ಎಂದು ಒತ್ತಾಯಿಸಿದ್ದರು. ಈ ಮಾತು ಜನಪ್ರಿಯವಾಗಿ, ನಮ್ಮ ಯುವ ರೈತರು ಟಿಕ್ಟಾಕ್ನಲ್ಲಿ ಮಾಧುಸ್ವಾಮಿಯವರ ಈ ಧ್ವನಿಗೆ ಟಿಕ್ ಮಾಡಿ, ಇವರನ್ನು ಮತ್ತಷ್ಟು ಜನಪ್ರಿಯಗೊಳಿಸಿದ್ದರು.