ನಮ್ಮ ತಾತನ 106 ವರ್ಷಗಳ ಬದುಕಿನ ಪಯಣದಲ್ಲಿ ಕೊನೆಯ ಕೆಲವು ದಿನಗಳು ಮಾತ್ರ ಹೊಲದಲ್ಲಿನ ಕೆಲಸವನ್ನು ನಿಲ್ಲಿಸಿದ್ದರು. ಅವರ ಆಹಾರ ಪದ್ಧತಿಯೂ ಅಷ್ಟೇ ಉತ್ತಮವಾಗಿರುತ್ತಿತ್ತು, ನಿಸರ್ಗದತ್ತವಾಗಿತ್ತು. ಈಗ ಅಡುಗೆಮನೆಯಲ್ಲಿ ಶ್ರಮ ಪಡುವಂತಹ ಯಾವ ಕೆಲಸಗಳೂ ನಡೆಯುವುದಿಲ್ಲ. ಎಲ್ಲವೂ ಮಷೀನ್ಮಯ. ಕೆಲವು ಮನೆಗಳಲ್ಲಿ ಅಡುಗೆ, ಮನೆಗೆಲಸ ಎಲ್ಲದಕ್ಕೂ ಕೆಲಸಗಾರರನ್ನು ಇಟ್ಟುಕೊಂಡಿರುತ್ತಾರೆ. ಮೈ ಬಗ್ಗಿಸಿ ಏನೂ ಕೆಲಸ ಮಾಡದಿದ್ದರೆ ಆರೋಗ್ಯ ಕಾಪಾಡಿಕೊಳ್ಳುವುದಾದರೂ ಹೇಗೆ?