ತಳ್ಳುಗಾಡಿಗಳಲ್ಲಿ ಸೊಪ್ಪು, ತರಕಾರಿ, ಹೂವು, ಹಣ್ಣಿನಂತಹ ಉಪಯುಕ್ತ ವಸ್ತುಗಳನ್ನು ಮನೆ ಬಾಗಿಲಿಗೇ ತರುವ ವ್ಯಾಪಾರಿಗಳಿಗೆ ಆಭಾರಿಗಳಾಗಿರೋಣ. ಆದರೆ ಇತ್ತೀಚೆಗೆ ಒಂದು ‘ಟ್ರೆಂಡ್’ ಹೆಚ್ಚುತ್ತಿದೆ. ಸರಾಗಕ್ಕೋ ಅಥವಾ ಹೆಚ್ಚಿನವರಿಗೆ ಕೂಗು ಮುಟ್ಟಲೆಂದೋ ಈ ವ್ಯಾಪಾರಿಗಳು ಧ್ವನಿವರ್ಧಕ ಬಳಸುತ್ತಾರೆ. ಮೊದಲೇ ಶಬ್ದಮಾಲಿನ್ಯ ತಾಂಡವವಾಡುತ್ತಿದೆ. ವಿಶೇಷವಾಗಿ ಚಿಣ್ಣರಿಗೆ, ವೃದ್ಧರಿಗೆ, ವಿವಿಧ ಕಾಯಿಲೆಗಳಿಂದ ಗುಣಮುಖರಾಗುತ್ತಿರುವವರಿಗೆ ಕಿರಿಕಿರಿ ಉಂಟುಮಾಡುವ ಈ ‘ಮೈಕಾಸುರ’ ರಥವೇರುವುದೇಕೆ? ತಳ್ಳುಗಾಡಿ ವ್ಯಾಪಾರಿಗಳು ಧ್ವನಿವರ್ಧಕ ಬಳಸದಂತೆ ಸಂಬಂಧಿಸಿದ ಇಲಾಖೆ ಸೂಚನೆ ನೀಡಬೇಕಿದೆ.
