ನಿಘಂಟು ದೋಷ ಪತ್ತೆಯಾಗಿಲ್ಲ

ಕಲಬುರ್ಗಿಯಲ್ಲಿ ನಡೆದ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಸಂದರ್ಭದಲ್ಲಿ ಕನ್ನಡ ಸಾಹಿತ್ಯ ಪರಿಷತ್ತು ಪ್ರಕಟಿಸಿದ ‘ಸಂಕ್ಷಿಪ್ತ ಕನ್ನಡ ನಿಘಂಟು’ 12ನೇ ಆವೃತ್ತಿಯಲ್ಲಿ ಪುಟ ಸಂಖ್ಯೆ ಮತ್ತು ಶಬ್ದಗಳ ಅನುಕ್ರಮಣಿಕೆಗೆ ಸಂಬಂಧಿಸಿದಂತೆ ದೋಷಗಳಿದ್ದು, ಇದಕ್ಕೆ ಯಾರು ಹೊಣೆ ಎಂದು ಬಸವರಾಜ ಆಕಳವಾಡಿ ಪ್ರಶ್ನಿಸಿದ್ದಾರೆ (ವಾ.ವಾ., ನ. 5). ಆದರೆ ಅವರು ಬರೆದಿರುವಂತೆ ಈ ನಿಘಂಟಿನ ಒಂದು ಲಕ್ಷ ಪ್ರತಿಗಳನ್ನು ನಾವು ಪ್ರಕಟ ಮಾಡಿಲ್ಲ. ಕೇವಲ ಹತ್ತು ಸಾವಿರ ಪ್ರತಿಗಳನ್ನು ಪ್ರಕಟಿಸಲಾಗಿದೆ. ಅಂದಿನ ಸಮ್ಮೇಳನವೂ ಸೇರಿದಂತೆ ಇದುವರೆಗೆ ಸುಮಾರು ಎರಡೂವರೆ ಸಾವಿರ ಪ್ರತಿಗಳನ್ನು ಮಾರಾಟ ಮಾಡಿದ್ದು, ಓದುಗರಿಂದಾಗಲೀ ಪುಸ್ತಕ ರಾಟಗಾರರಿಂದಾಗಲೀ
ನಮಗೆ ದೂರುಗಳು ಬಂದಿಲ್ಲ. ನಮ್ಮಲ್ಲಿ ಇರುವ ಪ್ರತಿಗಳನ್ನು ಒಂದೊಂದಾಗಿ ಪರಿಶೀಲನೆ ಮಾಡುತ್ತಿದ್ದು, ಅದರಲ್ಲಿಯೂ ತಕ್ಷಣ ನಮಗೆ ಅಂತಹ ದೋಷ ಇರುವ ಪುಟಗಳು ಪತ್ತೆಯಾಗಿಲ್ಲ. ನಮ್ಮ ಸಂಸ್ಥೆಯಲ್ಲಿ ಇರುವವರ ವೈಯಕ್ತಿಕ ಸಂಗ್ರಹದಲ್ಲಿರುವ ಇದೇ ಆವೃತ್ತಿಯ ಪ್ರತಿಗಳಲ್ಲಿಯೂ ದೋಷಗಳು ಕಂಡುಬಂದಿಲ್ಲ.