ವಾಚಕರ ವಾಣಿ: ರಾಜಕಾರಣಿಗಳಿಗೆ ಖಾಸಗಿ ಬದುಕು ಇಲ್ಲವೇ?

ಯಾವುದೇ ರಾಜಕಾರಣಿ ಖಾಸಗಿ ಬದುಕಿನಿಂದ ಹೊರತಾಗಿ ಇರುವುದಿಲ್ಲ. ರಾಜಕಾರಣ, ರಾಜಕೀಯ ಭಿನ್ನಾಭಿಪ್ರಾಯಗಳ ಮಧ್ಯೆಯೂ ರಾಜಕಾರಣಿಗಳ ನಡುವಿನ ವೈಯಕ್ತಿಕ ಸಂಬಂಧ ಚೆನ್ನಾಗಿರಬೇಕು. ಇದು ಹಿಂದಿನಿಂದ ಪಾಲಿಸಿಕೊಂಡು ಬಂದಿರುವ ಪರಿಪಾಟ. ಇಂತಹ ಸಂಗತಿಗಳು ಸಾದಾಸೀದಾ ವರದಿಗಳಾಗಿ ಪ್ರಕಟವಾದರೆ ತಪ್ಪೇನಿಲ್ಲ. ಆದರೆ ಮಾಧ್ಯಮಗಳು ಇತ್ತೀಚೆಗೆ ರಾಜಕೀಯ ಮುಖಂಡರ ಖಾಸಗಿ ಬದುಕನ್ನು ವೈಭವೀಕರಿಸುತ್ತಿವೆ. ಅತಿರಂಜಿತ ವರದಿಗಳ ಮೂಲಕ ಇಂತಹ ಸಂಬಂಧಗಳನ್ನೇ ಪ್ರಶ್ನೆ ಮಾಡುತ್ತಿವೆ. ಇಂತಹ ನಡೆ ಎಷ್ಟು ಸರಿ? ಇದು ನಮ್ಮ ಪರಂಪರೆ ಮತ್ತು ಸಾಂಸ್ಕೃತಿಕ ಸಂಬಂಧಗಳ ಮೇಲೆ ಕೆಟ್ಟ ಪರಿಣಾಮ ಬೀರುವುದಿಲ್ಲವೇ?

-ಟಿ.ಪ್ರಭಾಕರ್‌,ಬೆಂಗಳೂರು