ಜನವಸತಿ ಪ್ರದೇಶಕ್ಕೆ ಕಾಡಾನೆಗಳ ಲಗ್ಗೆಯನ್ನು ತಗ್ಗಿಸಲು ಸರ್ಕಾರ ಹಾಗೂ ಸಾರ್ವಜನಿಕರ ವತಿಯಿಂದ ಹಲವು ಯೋಜನೆಗಳು ಹಾಗೂ ಉಪಾಯಗಳು ಜಾರಿಯಲ್ಲಿವೆ. ಆದರೆ ಹಾವಳಿಯ ಮೂಲ ಸಮಸ್ಯೆ ಬಗೆಹರಿಸುವುದು ಅತಿ ಮುಖ್ಯ. ಹೌದು, ಅದು ‘ಹಸಿವು’. ಅಸಂಖ್ಯ ಆಹಾರ ಆಯ್ಕೆಗಳಿರುವ ಮಾನವನಿಗೇ ಒಂದು ಕ್ಷಣ ಹಸಿವು ತಡೆಯಲಾಗುವುದಿಲ್ಲ. ಅಂತಹುದರಲ್ಲಿ ಪ್ರಾಣಿಯ ಆಹಾರದ ಮೂಲವಾಗಿರುವ ಅರಣ್ಯವನ್ನೇ ಮಾನವ ತನ್ನ ವಿವಿಧ ಉದ್ದೇಶಗಳಿಗಾಗಿ ಅತಿಕ್ರಮಿಸಿರುವುದು ವಿಷಾದಕರ.