ರಾಜ್ಯದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುಗಳಲ್ಲಿ ಸುಮಾರು 14,500 ಮಂದಿ ಅತಿಥಿ ಉಪನ್ಯಾಸಕರಾಗಿ ಸುಮಾರು 15-20 ವರ್ಷಗಳಿಂದ ಅತೀ ಕಡಿಮೆ ಪಗಾರಕ್ಕೆ ಪ್ರಾಮಾಣಿಕವಾಗಿ ಸೇವೆ ಸಲ್ಲಿಸುತ್ತಾ ಬಂದಿದ್ದಾರೆ. ಇದೀಗ ಉನ್ನತ ಶಿಕ್ಷಣ ಇಲಾಖೆ, ಹಿರಿಯ ಅಧಿಕಾರಿಗಳು ಮತ್ತು ಇಲಾಖೆ ಆಯುಕ್ತರನ್ನೊಳಗೊಂಡ ಸಮಿತಿಯ ಅನ್ವಯ ಉನ್ನತ ಶಿಕ್ಷಣ ಸಚಿವ ಡಾ. ಅಶ್ವತ್ಥ ನಾರಾಯಣ ಅವರು ಅತಿಥಿ ಉಪನ್ಯಾಸಕರು ನಿರ್ವಹಿಸುತ್ತಿದ್ದ 8 ಗಂಟೆಗಳ ಕಾರ್ಯಭಾರವನ್ನು 15 ಗಂಟೆಗಳಿಗೇರಿಸಿ ಅರ್ಹತೆಗನುಸಾರ ವೇತನ ಹೆಚ್ಚಿಸಿ ಆದೇಶಿಸಿದ್ದಾರೆ. ಆದರೆ ಒಬ್ಬ ಅತಿಥಿ ಉಪನ್ಯಾಸಕನ 8 ಗಂಟೆಗಳ ಕಾರ್ಯಭಾರವನ್ನು ಕಿತ್ತು 15 ಗಂಟೆಗಳಿಗೆ ಹೆಚ್ಚಿಸಿದ್ದರಿಂದ ಸುಮಾರು 7,500 ಅತಿಥಿ ಉಪನ್ಯಾಸಕರು ಕೆಲಸ ಕಳೆದುಕೊಂಡು ಬೀದಿಗೆ ನಿಲ್ಲುವಂತೆ ಮಾಡಲಾಗಿದೆ.
